Amǝ Ibǝru 3:6 - Maləmce Məfele mala Ɓakuli: Kurcau Məbəshe

⁶ Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Amǝ Ibǝru 3:6 ပူးပေါင်းရင်းမြစ်များ

Matiu 10:22

Aɓwana kat à nǝ̀ ɓinǝmǝsǝ wun acem; sǝ ɓwa mǝnana cam kàngkàng aban ká masǝlǝate ka nǝ̀ auwa.

Matiu 16:18

Sǝ we Bitǝrus ka a nda tali, sǝ amur tali mǝnia ka mǝ nǝ ɓak Ikǝlisiya mem, sǝ rǝcandǝa mala Lú pa nǝ̀ gandǝi ɗang.

Matiu 24:13

sǝa ma ɓwa mǝnana cam kàngkàng aɓa paɓamuru aban ká masǝlǝate ka, nǝ̀ auwa.

Amǝ Roma 11:22

Wu sǝn pemǝɓoarne andǝ ɓinǝce mǝɓane mala Ɓakuli. Ɓashi male na hakǝrak arǝ aɓwana mǝnana à pak mǝɓane ka, sǝ wun ngga kǝ pakka wun mǝɓoarne, ɓǝ̀ wu lidǝmbǝa aɓa pemǝɓoarne male ka. Ɓǝ̀ ana raka, wun gbal ka nǝ̀ kpali wun.

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Roma 15:13

Ɓǝ̀ Ɓakuli mǝpà tsǝkɓalǝu lumsǝ wun nǝ banɓoarnado, andǝ dorǝpwala, aɓa paɓamuru ma'wun abani, ace mǝnana ɓǝ̀ wu lumsǝ nǝ tsǝkɓalǝu nǝ bu rǝcandǝa mala Bangŋo Mǝfele.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

1 Amǝ Korinti 3:16

Wun ngga wu sǝlǝ mbak ama wu ndaka Ndàmǝgule mala Ɓakuli, sǝ Bangŋo mala Ɓakuli ka ndanǝ do aɓalǝ wun?

1 Amǝ Korinti 6:19

Sǝ wun ngga, wu sǝlǝ mbak ama nggurǝ wun ngga Ndàmǝgule mala Bangŋo mala Ɓakuli na, mǝnana do a ɓabum wun, mana Ɓakuli pa wun ngga? Wun ngga, wu dupi ɓamur rǝ wun ɗang,

2 Amǝ Korinti 6:16

Sǝ mana dapi Ndàmǝgule mala Ɓakuli andǝ nda ka lú? Sǝm ngga, sǝm nda ka ndàmǝgule mala Ɓakuli Mǝyilǝmui. Kǝla mǝnana Ɓakuli na ka: “Mǝ nǝ do aɓalǝ aɓwana mem, mǝ nǝ gya aɓalǝia, Mǝ nǝ duk Ɓakuli amuria, sǝ yia ka, à nǝ̀ duk aɓwana mem.”

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Galati 6:9

Ace mani ka, ɓǝ̀ sǝm ngga aulǝ nǝ pak gir mǝnana mǝɓoarne na ka ɗang. Ɓǝ̀ pwari yi karǝna ka, sǝm nǝ̀ ngga kum tangnakusǝu mǝɓafoe, yì mǝnana ɓǝ̀ aulǝa pa ka sǝm, sǝm bwaki bu sǝm raka.

Amǝ Afisu 3:12

Aɓa kpapi ma'sǝm sǝnǝa Kǝrǝsti andǝ paɓamuru ma'sǝm abani ka, sǝm nǝ̀ gandǝ yiu a ɓadǝm Ɓakuli nǝ mǝsǝkang-kangŋa andǝ guliarǝu.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

1 Amǝ Tasalonika 5:16

Wu dumnǝ banɓoarnado a koya pwari,

2 Amǝ Tasalonika 2:16

Sǝm nggǝ zǝmbǝa ama Mǝtalabangŋo Yesu Kǝrǝsti nǝ ɓamuri, andǝ Ɓakuli Tar sǝm ɓǝ̀ ɓak ɓabum wun sǝ ɓǝ̀ pa wun rǝcandǝa mala pě andǝ nê mǝɓoarne. Ɓakuli ka lǝmndǝna sǝm earcearǝu, sǝ aɓa ɓwamuru male ka, pana sǝm girikiban mǝnana málá male pà kàm raka, andǝ tsǝkɓalǝu mǝgule.

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

Amǝ Ibǝru 1:2

Sǝ a masǝlǝata nza man ngga, yi na cau nǝ sǝm, nǝ mburkun Muni, mǝnana twali ɓǝ̀ yì duk mǝliɓala na amur girbunda kat, sǝ nǝ́ yi sǝ pusǝ kuli andǝ nzali ka.

Amǝ Ibǝru 10:19

Ace mani ka, wun amǝ'eamrǝarǝu, sǝm nǝ̀ gandǝ kutio nǝ mǝsǝ kangkangŋa aɓa Ban Nggea Mǝfele kat, nǝ nkila mala Yesu.

Amǝ Ibǝru 10:21

Lǝmndǝ ama sǝm ndanǝ Pǝris Mǝgule amur aɓwana mala Ɓakuli.

Amǝ Ibǝru 10:23

Ɓǝ̀ sǝm bwal kàngkàng arǝ tsǝkɓalǝu ma'sǝm mǝnana sǝm nggǝ bangce ka, acemǝnana Ɓakuli mǝnana pàcau aban sǝm ngga, à nǝ̀ gandǝ guli a rǝì ama kǝ nggaɗi kuni ɗang.

Amǝ Ibǝru 10:35

Ace mani ka, wu kǝa turta mǝsǝkang-kangŋa ma'wun ɗang, tangnakusǝu mǝgule na ate.

Amǝ Ibǝru 11:1

Adyan ngga, guli arǝ Ɓakuli ka, nda makɓalǝu ama kàngkàng sǝm nǝ̀ kum agir mǝnana sǝm tsǝkɓalǝ sǝm a rǝia ka; nda mǝsǝkang-kangŋa arǝ gir mǝnana sǝm nggǝ sǝni raka.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

Amǝ Ibǝru 4:11

Ace mani ka, ɓǝ̀ sǝm ɓariki, ɓǝ̀ sǝm kutio a mǝno yì usǝlǝo ka. Sǝ ɓǝ̀ sǝm mgbiki Ɓakuli kiru, kǝla mǝnana amǝ Isǝrayila pak ka, pa sǝm nǝ̀ kuti kam ɗang.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.

Amǝ Ibǝru 4:16

Ace mani ka, ɓǝ̀ sǝm sungŋo, nǝ mǝsǝkang-kangŋa, aban bunomurǝm mala Ɓakuli mǝ'ɓwamuru. Abanì sǝ sǝm nǝ̀ kum sǝn-mǝsǝswatǝr, andǝ ɓwamuru mǝnana nǝ̀ bwala sǝm nggam, a pwari mǝnana kat sǝm nda aɓa tǝle ka.

Amǝ Ibǝru 6:11

Sǝm nggǝ earce ama koyan ata wun ngga, ɓǝ̀ lǝmndǝ ulang mǝno yì rǝɓǝla arǝ turo mǝɓoarne ka, ba masǝlǝate, ace mǝnana tsǝkɓalǝu ma'wun ngga, ɓǝ̀ kum lumsǝo.

Amǝ Ibǝru 6:18

Ɓakuli pana pàcau andǝ kángir male yia kǝm. Amǝnia yì agir ɓari ka, à kǝ gandǝ nggaɗia ɗang, acemǝnana Ɓakuli ka, pà nǝ̀ gandǝ na nyir ɗang. Ace mani ka, sǝm mana sǝm ɓangŋǝna aban ká alta auwa abani ka, sǝm kumǝna ɓakɓabum mǝgule ace bwal kàngkàng arǝ tsǝkɓalǝu mǝnana à tsǝka sǝmi a dǝm sǝm ngga.

Amǝ Ibǝru 7:19

Nggurcau mǝnana Ɓakuli pa nǝ bu Musa ka, gandǝ tsǝk kǝgir ɓǝ̀ lumsǝo kǝla mǝnana Ɓakuli earkiyice ka ɗang. Sǝ adyan ngga, à yina nǝ́ bǝsa tsǝkɓalǝu mǝnana ɓoaribanì, nǝ̀ nun sǝm aban Ɓakuli tù ka.

1 Bitǝrus 1:8

Kat andǝ amani ama wu malaká sǝni àkǝ̀ pwari raka, wu kǝ earce; sǝ kat andǝ amani ama wu kǝ sǝni ado raka, wu earnǝi, sǝ wu kǝ pak banɓoarnado kǝrkǝr, ulang mǝnana gulo male ka mburkun pa nǝ̀ gandǝ bangŋe raka.

1 Bitǝrus 2:5

Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.

1 Bitǝrus 4:17

Pwari mala ɓashi karǝna, sǝ ndo nǝ̀ tite nǝ ɓáɓala mala Ɓakuli; sǝ ɓǝ̀ ɓashi tite arǝ sǝm ngga, lang sǝ masǝlǝate nǝ̀ pangnǝ aɓwana mǝnana à mgbikiru nǝ Cau Amsǝban mala Ɓakuli ka?

Sǝna 2:18

Gilǝî mǝturonjar mala ikǝlisiya mǝnana a Tiyatǝra ka ama: Mǝnia ka nda cautera mǝnana pur nǝban Muna mala Ɓakuli ka. Yì nda ɓwa mana amǝsǝì kǝ earke kǝla lasǝ bǝsa, sǝ akusǝi kǝ ta gǝraɗau kǝla bolo mǝbangŋe mǝnana à kolǝi ka.

Sǝna 2:25

Sǝa ma gir mǝnana wu ndanǝi ka, wu bwali kàngkàng she ɓǝn yina ka.

Sǝna 2:26

Ɓwa mǝnana limurǝm, yì mǝnana kpata cau mem aban ká masǝlǝate ka, mǝ nǝ pe wi garamurǝm amur anzali.

Sǝna 3:11

Banì pà nǝ̀ sau ɗang, mǝ ndya ǝn nggǝ yiu ka. Bwal gir mǝnana a ndanǝi ka kàngkàng, ace mǝnana kǝɓwa ɓǝ̀ kǝa ako tangnakusǝu mbulan-murǝm mo raka.