Amǝ Ibǝru 3:2 - Maləmce Məfele mala Ɓakuli: Kurcau Məbəshe

² Yì ka, ndanǝ mǝsǝcau aban Ɓakuli mana twali, kǝla mǝnana Musa ka, ndanǝ mǝsǝcau aɓa turo male aban aɓwana mala Ɓakuli kat ka.

Amǝ Ibǝru 3:2 ပူးပေါင်းရင်းမြစ်များ

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 17:4

Ən yinǝno nǝ́ gulo a ɓanza man, acemǝnana ǝn malǝna turo mo mana a pam ama ɓǝn pe ka.

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Yohana 8:29

Ɓwa mǝnana tasǝam ngga nda atam; nyem nǝmurǝam ɗang. Acemǝnana koya pwari ka ǝn nggǝ pak gir mǝnana kǝ pwasǝbumi ka.”

Amǝ Afisu 2:22

Nda aɓa kpapi ma'sǝm sǝnǝa Kǝrǝsti, sǝ wun, aɓwana mǝnana amǝ Yahudi na raka, à nda rǝ ɓak wun gbal wunǝ acili amǝkwaɗi, amǝ Yahudi, ace duk ban-do mala Ɓakuli nǝ bu Bangŋo male.

1 Timoti 1:12

Ən nggǝ pakki Kǝrǝsti Yesu Mǝtala sǝm yàwá mana pam rǝcandǝa mala pak turo male ka. Ən pak yàwá acemǝnana earnǝ mim sǝ twalam ama ɓǝ̀ ǝn pakki wi turo,

1 Timoti 3:15

ɓǝ̀ ǝn wari tu raka, wu surǝ ulang do mǝnana koyan aɓalǝ amǝ'ɓala mala Ɓakuli nǝ̀ dum nǝi ka. Acemǝnana ikǝlisiya mala Ɓakuli mǝyilǝmuì ka, nda nggun ɓalǝu andǝ kusǝɓa mala mǝsǝcau.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.