Amǝ Ibǝru 3:12 - Maləmce Məfele mala Ɓakuli: Kurcau Məbəshe

¹² Wun amǝ'eamrǝarǝu, wu tsǝkir wun, ɓǝa kǝa kum kǝɓwa aɓalǝ wun mǝnana ndanǝ ɓabum mala ɓealɓikea andǝ ɗwanyi earnǝ cau mana nǝ̀ ci nǝ̀ bwaki bui arǝ kpata Ɓakuli mǝyilǝmuì ka ɗang.

Amǝ Ibǝru 3:12 ပူးပေါင်းရင်းမြစ်များ

Matiu 16:16

Shiman Bitǝrus pa eare ama, “A nda Kǝrǝsti, Muna mala Ɓakuli mǝyilǝmuì.”

Matiu 24:4

Yesu pǝlǝia wia ama: Wu tsǝk kir wun, wu kǝa eare ɓǝ̀ ɓwa ɓosǝki wun ɗang.

Markus 13:23

Ace mani ka, wu tsǝkir wun, ǝn angŋa dǝmbǝa ǝn bangŋǝna wun kaniama ɓǝa pa.

Markus 13:33

Wu do aɓa gilǝrǝu, wu dum nǝ mǝsǝ wun; acemǝnana wu surǝ pwari mǝnana bu-pwari mǝno nǝ̀ yiu nǝi ka ɗang.

Markus 13:9

Wu do nǝ yal ɓamur rǝ wun! À nǝ̀ oasǝki mur wun aban amǝ ɓashi, à nǝ̀ kwak wun arǝ andakpapi. Sǝ acemǝnana wu nda ka amǝ kpatam ngga, à nǝ̀ kánǝ wun a ɓashi a ɓadǝmbǝa anggwamna andǝ amurǝma. Aɓa mǝno anggo ka wu nǝ̀ kumo wu nǝ̀ duk amǝ'nakunam abania.

Luka 21:8

Sǝ Yesu pǝlǝia wia ama: Wu parkir wun ɓǝa kǝa swarki wun ɗang. Acemǝnana aɓwana pas à nǝ̀ yiu aɓa lullǝam, à nǝ̀ nggǝ bangŋa ama, yia ka à nda ka Kǝrǝsti, ɗǝm ngga à nǝ̀ na ama, “Pwari gbashina!” Wu kǝa kpata cau malea ɗang.

Amǝ Roma 11:21

Sǝ ɓǝ̀ Ɓakuli ka kpalǝki abu nggun mǝnana a lo andǝ nggun ngga, sǝ nǝ wun mǝnana à zwaɓi wun nǝ zwaɓio ka le?

1 Amǝ Korinti 10:12

Ace mani ka, ɓǝ̀ a kǝ́ sǝni kǝla a camǝna kàngkàng ngga, tsǝk kiro pepe, ace mǝnana wu kǝa kpa ɗang!

Amǝ Kolosi 2:8

Wu kǝa eari kǝɓwa ɓǝ̀ swarki wun nǝ makgir amur surǝe male mǝlime mana ɓe kǝ mǝɓoarne pà kàm a ɓalǝi raka. Ulang mǝno yì amakgir ka à kǝ pur aɓa kanigir mana à kumi a bu ɓwapǝndǝa, andǝ abangŋo mala ɓanza man, mǝnana mala Kǝrǝsti na raka.

1 Amǝ Tasalonika 1:9

Aɓwana nǝ ɓamuria na à cama rǝ na cau mala agir mǝɓoarne mana wu pak kat ace ak sǝm, mana sǝm waria sǝn wun ngga. À bang ce vwakibu ma'wun arǝ ankúl ace kpata Ɓakuli mǝ'mǝsǝcau nì andǝ mǝyilǝmuì.

Amǝ Ibǝru 10:31

Nggea gir ɓangciu na kǝrkǝr ɓǝ̀ ɓwa kpa a ɓabu Ɓakuli mǝyilǝmuì.

Amǝ Ibǝru 10:38

Sǝa ma mǝɓealɓoarna mem ngga, nǝ̀ dukdo paɓamuru; sǝ ɓǝ̀ kǝ ɓwa nyar nǝ nzǝmi ka, bumam pà nǝ̀ pwasǝ a rǝì ɗang.”

Amǝ Ibǝru 12:15

Wu parkir wun, kǝɓwa ɓǝ̀ kǝa gatti kum ɓwamuru mala Ɓakuli ɗang. Ce wu eare nlerǝ bumkpǝmna to aɓalǝ wun, mana nǝ̀ yinǝ tanni, sǝ nǝ̀ tsǝk aɓwana pas ɓǝa pǝndǝki ka ɗang.

Amǝ Ibǝru 12:22

Sǝa ma yiu ma'wun ngga, wu yina aban Nkono Siyona, a nggeala mala Ɓakuli mǝyilǝmuì, a Urǝshalima mǝnana a kuli, aban mǝnana á-pas amur á-pas mala amǝturonjar nakam aban rambǝa aɓa banɓoarnado ka.

Amǝ Ibǝru 12:25

Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

Amǝ Ibǝru 3:10

Nda gir mǝnana tsǝa sǝ bumam lullo arǝ amǝno yì aɓwana ka, sǝ ǝn bangŋa nǝma, ‘Ɓabum amǝnia yì aɓwana ka, pà a rǝam ɗang, sǝ à earce kpata nggurcau mem ɗang.’

Amǝ Ibǝru 3:19

Nda sǝm yì sǝni ka, à kum kutio ɗang, ace kǝ ɗwanyi paɓamuru malea.

Amǝ Ibǝru 9:14

Sǝ gir mǝnana kuti mǝno kuko ka, nkila mala Kǝrǝsti nǝ̀ pè. Kǝrǝsti mǝnana cauɓikea pa a rǝì raka, pa ɓamuri kǝla gir'nkila aban Ɓakuli, aɓa rǝcandǝa mala Bangŋo mǝnana tè malkiyi raka. Nkila male nǝ̀ lak ɓabum sǝm aɓalǝ aturo mǝpǝndǝke mǝnana à nǝ̀ ká nǝ sǝm a lú ka. Sǝ anggo ka, sǝm nǝ̀ peri aban Ɓakuli mǝyilǝmuì.