Amǝ Ibǝru 2:9 - Maləmce Məfele mala Ɓakuli: Kurcau Məbəshe

⁹ Gir mǝnana sǝm sǝni ka nda Yesu mǝnana à cì gatti amǝturonjar bǝti, ace mǝnana nǝ ɓwamuru mala Ɓakuli ka, ɓǝ̀ wú ace ko yan ngga. Sǝ adyan ngga, sǝm sǝni ka à pǝtina muri nǝ ɓoarɓwa andǝ gulo, acemǝnana nu tanni wu ace aɓwana ka.

Amǝ Ibǝru 2:9 ပူးပေါင်းရင်းမြစ်များ

Matiu 16:28

Ən nggǝ na wun aɓa mǝsǝcau ama, aɓea ɓwana na akani aban came mǝnana à pà nǝ̀ wu ɗang she ɓǝa sǝna yiu mala Muna mala Ɓwa a Domurǝm male ka.

Matiu 6:28

Palang sǝ wu kǝ pe rǝ wun tanni ɓa ace agir-nggurǝu? Wu sǝn to mala apwasǝo-bondo mǝnana a takuri ka. À kǝ pak kǝ turo ɗang sǝ à kǝ swari ɓamuria agir-nggurǝu ɗang.

Markus 9:1

Yesu lidǝmbǝa ne na cau ama: Ɓafo, ǝn nggǝ bangga wun, aɓalǝ wun mǝnia wu cam ngga, aɓea aɓwana nakam mǝnana à pà nǝ̀ wu raka, she ɓǝa sǝna Domurǝm mala Ɓakuli yina nǝ rǝcandǝa ka.

Luka 9:27

Ən nggǝ bangga wun mǝsǝcau, aɓea ɓwana mǝnana à nda ban came kani ka, à pà nǝ̀ wu ɗang, she ɓǝa sǝnǝna Domurǝm mala Ɓakuli ka.”

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Yohana 10:17

Tárram kǝ earcem acemǝnana ǝn eare mǝ nǝ pà yilǝmem mǝ nǝ wu, ace mana ɓǝn é ɗǝm ɓǝn lo nǝ yilǝmu ka.

Yohana 12:32

Sǝ anzǝm mǝnana à loasǝnam amur nggun-gangndi ka, mǝ nǝ nun ɓwapǝndǝa kat abanam.”

Yohana 3:16

“Ɓakuli ka earce ɓanza kǝrkǝr, sǝ yi pâ kǝ̀ Muna male mwashat ace mǝnana ɓwa mana kat pà ɓamuri abani ka ɓǝ̀ kǝa kiɗiki ɓǝ̀ ueɓà ɗang, ɓǝ̀ kum yilǝmu mǝnana málá male pà kàm raka.

Yohana 8:51

Mǝ nda ban bangga wun mǝsǝcau, ɓwa mǝnana kǝ kpata cau mem ngga pà nǝ̀ wu ɗang.”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

Amǝ Mishan 3:13

Ɓakuli mala Ibǝrayim, andǝ Ishaku andǝ Yakupu, Ɓakuli mala aká sǝm, nda pe guro male yì Yesu gulo nǝ mǝnia yì gir ka. Sǝ wun ngga wu nǝ̀ twali sǝ wu pea aɓwana ɓǝa wali. Wu ɓinǝkì a ɓadǝm Bilatus, anzǝm mǝnana yì ka, earǝna ama nǝ̀ panzǝi ɓǝ̀ o ka.

Amǝ Roma 5:18

Ace mani ka, kǝla mǝnana cauɓikea mwashat mala Adamu yinǝ kasǝ ɓashi-lú amur aɓwana kat ka, anggo gbal sǝ turo cauɓoarna mwashat mala Kǝrǝsti kǝ yinǝ akban aban Ɓakuli andǝ yilǝmu ace aɓwana kat.

Amǝ Roma 5:8

Sǝ Ɓakuli ka lǝmndǝa sǝm earcearǝu male ani: Mǝnana sǝm ndaka amǝ'cauɓikea piu ka, Kǝrǝsti yi wú ace sǝm.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

Amǝ Roma 8:32

Ɓakuli ka girban nǝ Muni ɗang, pa Muni ace sǝm kat! Sǝ ɓǝ̀ pa Muni ace sǝm ngga, pà nǝ̀ gandǝ pa sǝm ɓoro nǝ agir gbal kat re?

2 Amǝ Korinti 5:15

Yi wu ace koyana le ka, ace mǝnana aɓwana mana à ak yilǝmu mǝbǝshe male ka, ɓǝa kǝa dupi ɓamuria ɗang, ɓǝa dupi Kǝrǝsti, mǝnana wu sǝ à loasǝi acea ka.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

1 Timoti 2:6

mǝnana pa yilǝmi, ace akmúr ɓwapǝndǝa kat ka. Mǝnia yì cau ka à yì pe ɓanza a kārǝa mala pwari ama Ɓakuli ka earǝna ce ama aɓwana kat ɓǝa kum amsǝban.

Amǝ Ibǝru 1:9

We ka, a earce cauɓoarna, sǝ a ɓinǝ ce ɓealɓikea; ace mani ka, Ɓakuli, yì Ɓakuli mo, loasǝo cio amur aɓeo yì mǝnana yí ɗārǝo nǝ muru mala bumpwasǝa ka.”

Amǝ Ibǝru 10:5

Nda gir mǝnana tsǝa sǝ Kǝrǝsti, lang yina a ɓanza ka, banggi Ɓakuli ama: “Agir-nkila andǝ aɓoro ka, a éarceà ɗang, sǝa ma a pa nam nggūrǝu.

Amǝ Ibǝru 11:5

Nda ace paɓamuru mala Inok sǝ à twali à um nǝi a kuli, ace mǝnana ɓǝ̀ kǝa sǝn lú raka. Kǝ ɓwa kumi ɗang, acemǝnana Ɓakuli twali um nǝi ate. Sǝ kani ama ɓǝa twali ka, à surǝì nǝ pwasǝ bum Ɓakuli.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 2:7

A cî gatti amǝturonjar bǝti; a pǝti muri nǝ ɓoarɓwa andǝ gulo,

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Amǝ Ibǝru 8:3

Sǝ acemǝnana koya Pǝris Mǝgule ka, à twali ace mǝnana ɓǝ̀ kǝ pà aɓoro andǝ agir-nkila aban Ɓakuli ka, anggo gbal sǝ mǝnia yì Pǝris Mǝgule ma'sǝm ngga, dumǝna ama she nǝ̀ pang nǝ ɓe gir a bui, mana nǝ̀ pà ka.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Yohana 2:2

Yì nda gir'nkila mǝnana yinǝ twalban mala acauɓikea ma'sǝm ngga, sǝ acauɓikea ma'sǝm nǝmurǝia ɗang, nda andǝ mala ɓanza kat.

Sǝna 19:12

Amǝsǝì na kǝla bǝsa mǝnana kǝ earki ka, sǝ a ɓamuri ka, asukuru-murǝm na kam pas. Ndanǝ lullǝu mǝnana à gilǝì a rǝì, sǝ yì nǝmurǝì na surǝ lullǝuî ka. Kǝ ɓwa pà kàm ɗǝm surǝì ɗang.

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.