Amǝ Ibǝru 2:17 - Maləmce Məfele mala Ɓakuli: Kurcau Məbəshe

¹⁷ Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.

Amǝ Ibǝru 2:17 ပူးပေါင်းရင်းမြစ်များ

Amǝ Roma 15:17

Ace mani ka, ǝn nggǝ nggori nǝ Kǝrǝsti Yesu aɓa turo mem aban Ɓakuli.

Amǝ Roma 5:10

Kat aɓa do ma'sǝm ɗiɗyal mǝnana sǝm ndaka aɓibura mala Ɓakuli ka, à yì gilǝki nre sǝm sǝnǝa Ɓakuli nǝ lú mala Muni mana yi wú ace sǝm ngga. Ɓǝ̀ mǝno ka yi pa anggo ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa, mǝnana ado ka à yina nǝ sǝm aɓa dotarǝu sǝnǝa Ɓakuli ka. Acemǝnana yì Muna mala Ɓakuli ka ndakam nǝ yilǝmu.

Amǝ Afisu 2:16

Nǝ́ lú male amur nggun-gangndi ka, Kǝrǝsti yiu nǝ dotarǝu mala amǝ Yahudi andǝ aɓwana mǝnana amǝ Yahudi na raka, aɓa nggūrǝu mwashat andǝa Ɓakuli. Anggo ka, yiu yi kiɗiki ɓibura mǝnana a nre rǝia ka.

Amǝ Kolosi 1:21

Ɗiɗyal ka wu cambi Ɓakuli zak. Wu duk aɓiubura mala Ɓakuli aɓalǝ aɗenyicau ma'wun, mana wu lǝmndǝi nǝ aturo ɓealɓikea ma'wun ngga.

Amǝ Ibǝru 10:21

Lǝmndǝ ama sǝm ndanǝ Pǝris Mǝgule amur aɓwana mala Ɓakuli.

Amǝ Ibǝru 2:11

Sǝ ado ka, Yesu andǝ aɓwana mǝnana kǝ táría ɓǝa duk mala Ɓakuli ka, Tárria mwashat. Nda gir mǝnana tsǝa sǝ kǝsǝkya pakki Yesu arǝ tunǝia ama, amǝ'eambǝi raka.

Amǝ Ibǝru 2:14

Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

Amǝ Ibǝru 2:16

Aɓa mǝsǝcau ka, amǝturonjar na Yesu falǝnia nǝ̀ bwalia wia kam ngga ɗang. Yiu male ka, nda ace bwalia amǝkau mala Ibǝrayim.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

Amǝ Ibǝru 3:2

Yì ka, ndanǝ mǝsǝcau aban Ɓakuli mana twali, kǝla mǝnana Musa ka, ndanǝ mǝsǝcau aɓa turo male aban aɓwana mala Ɓakuli kat ka.

Amǝ Ibǝru 3:5

Musa, kǝla guro aɓalǝ aɓwana mala Ɓakuli kat ka, dum nǝ mǝsǝcau, sǝ bangcau amur agir mǝnana Ɓakuli nǝ̀ yia nea a dǝmbǝa ka.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.

Amǝ Ibǝru 5:1

Koya Pǝris Mǝgule ka, Ɓakuli na twali aɓalǝ aɓwana, sǝ ci ɓǝ̀ cam acea a ɓadǝmbǝi, ɓǝ̀ pà aɓoro andǝ agir-nkila ace acauɓikea malea ka.

Amǝ Ibǝru 5:10

Sǝ Ɓakuli tunǝi, tàrì ɓǝ̀ duk Pǝris Mǝgule, kǝla mala Melkizedek ka.

Amǝ Ibǝru 5:2

Sǝ yì ka, nǝ̀ gandǝ bwali amǝ'ɗwanyi sǝlǝe andǝ aɓwana à ɓwarki ka, ɓukɓuk, acemǝnana yì nǝ nggearǝì ka, ndanǝ rǝwukya.

Amǝ Ibǝru 5:5

Anggo gbal, Kǝrǝsti pe ɓamuri gulo mala duk Pǝris Mǝgule ɗang. Ɓakuli nǝ pe wi mǝno yì gulo ka sǝ ne wi ama, “A nda Munem! Yalung ngga, ǝn dumǝna Tarró.”

Amǝ Ibǝru 6:20

Yesu angŋa dǝmbǝa warina kam ace sǝm. Dumǝna Pǝris Mǝgule mǝnana dobuno-pǝris male pà nǝ̀ mal raka, kǝla mala Melkizedek.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

Amǝ Ibǝru 7:28

Nggurcau mala Musa kǝ twal aɓwapǝndǝa aɓa gatti malea, ɓǝa duk apǝris mǝgule. Sǝa ma anzǝm mǝnana à pana Nggurcau mala Musa ka, Ɓakuli yi twal Muni nǝ́ kánna ɓǝ̀ yì duk Pǝris Mǝgule, mǝnana lumsǝna aɓalǝ agir kat mana Ɓakuli earkiyi ce ɓǝ̀ duk ka, málá male pà kàm ɗang.

Amǝ Ibǝru 8:1

Mugula cau mǝnana sǝm nakiyi ka, nda mǝnana ama, sǝm ndanǝ mǝno yì Pǝris Mǝgule mǝnana nda aban do a bu mǝli mala bunomurǝm mala Ɓakuli mǝnana karban kat ka, a kuli.

Amǝ Ibǝru 8:3

Sǝ acemǝnana koya Pǝris Mǝgule ka, à twali ace mǝnana ɓǝ̀ kǝ pà aɓoro andǝ agir-nkila aban Ɓakuli ka, anggo gbal sǝ mǝnia yì Pǝris Mǝgule ma'sǝm ngga, dumǝna ama she nǝ̀ pang nǝ ɓe gir a bui, mana nǝ̀ pà ka.

Amǝ Ibǝru 9:11

Mǝnia ka lǝmndǝ ama, Kǝrǝsti yina kǝla Pǝris Mǝgule mala agir mǝɓoarne mǝnana à nda kani ado ka. Yì ka, kutina aɓa Taragula mǝno mǝnana kuti mǝdǝmbe nǝ gulo andǝ lumsǝo ka; Taragula mǝnana bu ɓwapǝndǝa nǝ pe raka, sǝ pà gbal aɓa ɓanza mǝnia Ɓakuli pusǝì ka ɗang.