Amǝ Ibǝru 2:14 - Maləmce Məfele mala Ɓakuli: Kurcau Məbəshe

¹⁴ Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

Amǝ Ibǝru 2:14 ပူးပေါင်းရင်းမြစ်များ

Matiu 16:17

Yesu ne wi ama: Tsǝkbu na muro, we Shiman muna mala Yunana, acemǝnana sure mala ɓwapǝndǝa na lǝmndǝo mǝnia yì gir ka ɗang. Tárram mǝnana a kuli ka nda.

Matiu 25:41

Pǝlǝa nǝ̀ ne aɓwana mana a bui mǝnggare ka ama, “Wu upi banam, wun mǝnana Ɓakuli su wun ngga! Wu kya ɓa bǝsa mǝnana li male pà nǝ̀ mal raka, mǝnana à pe ace Shetan andǝ amǝturonjar male ka.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 12:24

Mǝ nda ban bangga wun mǝsǝcau, ɓǝ̀ mǝsǝ mǝssa kpa a nzali sǝ wu raka, nǝ̀ ueo anggo nǝmurǝì mwashat. Sǝ ɓǝ̀ wu ka, nǝ̀ pusǝ amǝsǝì pas.

Amǝ Roma 14:9

Nda àkǝ̀ ce mǝnia sǝ Kǝrǝsti wú, sǝ lo nǝ yilǝmu, acemǝnana ɓǝ̀ duk Mǝtalabangŋo amur aɓwana mǝnana à wuna ka, andǝ aɓwana mǝnana à ndanǝ yilǝmu ka.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

1 Amǝ Korinti 1:28

Ɓakuli twal agir mǝnana ɓanza nyesǝia ɓà ka, andǝ agir mǝnana à kǝ ɓǝsǝkia ka, andǝ agir mǝnana à pà kun ɓe kǝgir raka, ace mǝnana ɓǝ̀ nyesǝ agir mǝnana ɓanza twalia nǝ gulo ka ɓà.

1 Amǝ Korinti 15:50

Wun amǝ'eamrǝarǝu, cau mǝnana ǝn nakiyi ka ɓālǝi nda mǝnana ama, nggūrǝu mǝnia mala nyama andǝ nkila ka, à pà nǝ̀ kutio a Domurǝm mala Ɓakuli ɗang. Anggo gbal, gir mǝnana nǝ̀ wu ka, pà nǝ̀ liɓala mala gir mǝnana pà nǝ̀ wu raka ɗang.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

Amǝ Kolosi 2:15

Yi ak agirbura mala amurǝma andǝ arǝcandǝa mala abangŋo. Pea wia kǝsǝkya a banfana bwāng, nǝ limurǝm male amuria amur nggun-gangndi.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

2 Timoti 1:10

Sǝ ado ka, lǝmndǝna sǝmi bwāng nǝ yiu mala Kǝrǝsti Yesu, Mǝ'amsǝ sǝm, mǝnana ɓun rǝcandǝa mala lú, pǝlǝa lǝmndǝa sǝm njar mala yilǝmu mǝnana málá male pà kàm raka, aɓa Cau Amsǝban.

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 10:5

Nda gir mǝnana tsǝa sǝ Kǝrǝsti, lang yina a ɓanza ka, banggi Ɓakuli ama: “Agir-nkila andǝ aɓoro ka, a éarceà ɗang, sǝa ma a pa nam nggūrǝu.

Amǝ Ibǝru 2:17

Ace mani ka, dumǝni wi ama she nǝ̀ nyesǝ ɓamuri kǝla amǝ'eambǝi a koya njargula, ace mǝnana ɓǝ̀ duk Pǝris Mǝgule mǝnana ndanǝ mǝsǝswatǝr aban aɓwana, à nǝ̀ earnǝi aɓa turo male aban Ɓakuli ka. Anggo ka sǝ́ nǝ̀ pa gir'nkila ace twalban cauɓikea mala aɓwana mala Ɓakuli.

Amǝ Ibǝru 2:18

Sǝ acemǝnana yì nǝ nggearǝì ka, kutina aɓa tanni andǝ karǝkiban ngga, nǝ̀ gandǝ bwali aɓwana mǝnana à kutio aɓa karǝkiban ngga.

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.

Amǝ Ibǝru 9:15

Nda gir mǝnana tsǝa sǝ Kǝrǝsti duk mǝkutio a nre-rǝarǝu mala bǝsa kurcau a nre Ɓakuli andǝ aɓwapǝndǝa ka. Ado ka kǝ yinǝ aɓwana mana kat à tunǝia ka, ɓǝa ak liɓala mǝnana tè pà nǝ̀ mal raka, a bu Ɓakuli mǝnana angŋa dǝmbǝa náná ama nǝ̀ pea wia ka. Mǝnia ka nǝ̀ gandǝ pa acemǝnana Kǝrǝsti wú ace panzǝia aɓata ɓashi mala acauɓikea mǝnana à pea aɓata kurcau mǝ'e ka.

1 Bitǝrus 1:20

Kaniama à nǝ̀ kwakita ɓanza ka, Ɓakuli tarrì, ci male ɗang. Sǝ aɓa mǝnia yì masǝlǝata apwari ka, à yì lǝmndǝni a banfana àkǝ̀ ace wun.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 20:2

Yiu yi gbami dǝragon, mǝno yì share n'yau mǝnana à tunǝki ama Mǝɓealɓikea ko Shetan ngga, sǝ kùrrì nǝ nsolo ɓǝ̀ pak apǝlǝa á-mwashat aɓa kùrban.