Amǝ Ibǝru 2:11 - Maləmce Məfele mala Ɓakuli: Kurcau Məbəshe

¹¹ Sǝ ado ka, Yesu andǝ aɓwana mǝnana kǝ táría ɓǝa duk mala Ɓakuli ka, Tárria mwashat. Nda gir mǝnana tsǝa sǝ kǝsǝkya pakki Yesu arǝ tunǝia ama, amǝ'eambǝi raka.

Amǝ Ibǝru 2:11 ပူးပေါင်းရင်းမြစ်များ

Matiu 25:40

Pǝlǝa Murǝm nǝ̀ nyesǝia wia ama, “Ɓafo, ǝn nggǝ bangga wun, gir mana kat wu pakki mwashat ata aɓwana mem, ko nggearǝ mǝnana à kǝ sǝni nda ɓwa mǝkyauwe mala aɓi ka, Mǝ nda wu pakkam ngga.”

Matiu 28:10

Yesu pǝlǝa nea wia ama, “Ɓangciu ɓǝ̀ kǝa pakka wun ɗang. Wu kyane wu kya ne amǝ'eambǝam ɓǝa o a Galili, à nǝ̀ ngga sǝnam nggam.”

Markus 3:34

Pǝlǝ mǝsǝì arǝ aɓwana mana à rambǝa à kàrǝì aɓalǝu ka, sǝ na ama, “Anggem andǝ amǝ'eambǝam nia ka!

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 9:26

Ɓǝ̀ kǝsǝkya kǝ pakki ɓwa a rǝam andǝ cau mem ngga, kǝsǝkya nǝ̀ pakki Muna mala Ɓwa a rǝì, a pwari mǝnana nǝ̀ yiu nǝi, aɓa ɓoarɓwa male andǝ ɓoarɓwa mala Tarrí andǝ mala amǝturonjar mǝfele ka.

Yohana 17:19

Sǝ àkǝ̀ cea sǝ ǝn tar ɓamuram ɓǝn duk mo, acemǝnana yia gbal ka, ɓǝa tar ɓamuria aceo ɓǝa duk amo aɓa mǝsǝcau.

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

Amǝ Mishan 17:26

Aɓa ɓwa mwashat sǝ pusǝ aɓwapǝndǝa ɗàngɗáng, amana à lumsǝ ɓanza kat ka. Kǝ yì na ɓara-ɓara kasǝ tite andǝ masǝlǝata anza malea, andǝ abu-ɓanza mana à nǝ̀ do kam ngga.

Amǝ Mishan 17:28

Acemǝnana “A ɓalǝi sǝ sǝm do nǝ yilǝmu, sǝm nggǝ gya, sǝ sǝm pa.” Kǝla mana aɓea amǝnggyal ma'wun bang ngga ama, “Sǝm gbal ka, sǝm ndaka muna male” ka.

Amǝ Roma 8:29

Aɓwana mǝnana Ɓakuli angŋa dǝmbǝa twalǝnia ka, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.

Amǝ Galati 4:4

Sǝa ma, lang pwari ni yi karǝna ka, Ɓakuli tur Muni, mǝnana mɓwama nǝ̀ ɓǝli, a ɓata nggurcau mala Musa ka.

Amǝ Ibǝru 10:10

Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 10:14

Nǝ mǝnia yì pa ɓamuri mǝnana pa kusǝ mwashat ka, tsǝngŋǝna aɓwana mǝnana kǝ tària ace Ɓakuli ka, à lumsǝna kǝla mǝnana Ɓakuli earkiyice ɓǝa pak ka, málá male pà kàm ɗang.

Amǝ Ibǝru 11:16

Sǝ yia ka, à nda ban alta nzali mǝɓoarne mǝnana kuti mǝno ka, nzali mǝnana a kuli ka. Nda gir mǝnana tsǝa sǝ Ɓakuli ka, kǝsǝkya pakki wi, yi mana ɓǝa tunǝi ama nda Ɓakuli malea ka ɗang, acemǝnana gilǝkina nggeala acea.

Amǝ Ibǝru 13:12

Kǝla mǝno gbal ka Yesu tanni anzǝm nggeala, ace mǝnana ɓǝ̀ tàr aɓwana male ace Ɓakuli nǝ nkile.

Amǝ Ibǝru 2:14

Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.