Amǝ Ibǝru 2:10 - Maləmce Məfele mala Ɓakuli: Kurcau Məbəshe

¹⁰ Ɓakuli ka nda mǝnana pusǝ agir kat ka. Sǝ agir kat ka àkǝ̀ ce ɓoarɓwa male sǝ à pa. Yi sǝni ka nda a njari ɓǝ̀ yinǝ amuna male mǝnana à nda pas ka, ɓǝa kum kāmbe aɓa ɓoarɓwa male. Pǝlǝa tsǝk Yesu, yì ɓwamǝgule malea, ɓǝ̀ kum lumsǝo aɓalǝ agir kat kǝla mǝnana Ɓakuli earkiyice ka nǝ njar mala nu tanni, ace mǝnana ɓǝ̀ duk ɓwa mǝnana karǝna nǝ̀ yinǝia aɓa amsǝban malea ka.

Amǝ Ibǝru 2:10 ပူးပေါင်းရင်းမြစ်များ

Luka 13:32

Pǝlǝa Yesu nea wia ama: Wu kyane wu kya ne mǝno yì mǝ'nyamshaminu ka ama, “Mǝ nǝ pusǝ akukwar, mǝ nǝ twali aɓwana ban rǝkwana yalung andǝ li, sǝ a tāruia nongŋo ka, mǝ nǝ masǝlǝta turo mem.

Luka 2:14

“Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Luka 24:26

Wu sǝlǝ mbo ama dumǝna púp Kǝrǝsti ka nǝ̀ nu tanni nǝ̀ amǝnia yì agir ka, sǝ nǝ̀ kutio aɓa gulo male?”

Luka 24:46

Nyare nea wia ama, “Mǝnia ka nda gir mǝnana à gilǝ ka: Kǝrǝsti Mǝ'amsǝban, nǝ̀ nu tanni, nǝ̀ wu, sǝ nǝ̀ loapi ɓembe nǝ yilǝmu, a tāruia pwari.

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Yohana 19:30

Lang Yesu sonzǝ mur anap nì ka, na ama, “Malǝna!” Pǝlǝa dili muri sǝ pa yilǝmi.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 5:31

Nda Ɓakuli loasǝi, dumsǝi a buno mala gulo, a bui mǝli, nda sǝ duk Ɓwamǝgule andǝ Mǝ'amsǝban ngga. Ɓakuli pak mǝnia yì gir ka ace pe amǝ Isǝrayila dǝmbǝu mala pwanzali ɓǝa pǝlǝ nzǝmia arǝ acauɓikea malea, sǝ nǝ̀ twalia wia banì.

Amǝ Roma 11:36

Agirbunda kat ka, à pur nǝ bani, sǝ nǝ rǝcandǝa male sǝ agir kat pa, sǝ à nda ace gulo male. Gulo kat ka, ɓǝ̀ duk male masǝlǝate pà kàm ɗang! Amin.

Amǝ Roma 9:23

Pak munyi ace mǝnana ɓǝ̀ lǝmndǝ kume mǝnana ndakam aɓa gulo male ace aɓwana mǝnana ɓwamuria ka, yia amǝnana akdǝmbǝa tàriá ɓǝa kum kāmbe mala ɓoarɓwa male ka.

1 Amǝ Korinti 2:7

Sǝlǝe mǝnana sǝm nggǝ hamnǝi ka, sǝlǝe mala Ɓakuli na, mǝnana sǝmbǝrǝi ɗiɗyal ka. Sǝ mǝnia yì sǝlǝe ka, Ɓakuli pe ace ɓoaro ma'sǝm, twal a share ta ɓanza.

1 Amǝ Korinti 8:6

Ma'sǝm ngga, kǝ Ɓakuli na mwashat sǝm nggǝ peri abani, yì Tarrû mǝnana abani sǝ agir puro, sǝ àkǝ̀ ce sǝ sǝm pak ka. Mǝtalabangŋo ka nda mwashat, yì Yesu Kǝrǝsti, mǝnana nǝ bui sǝ agir kat puro, sǝ nǝ yì sǝ sǝm pa.

2 Amǝ Korinti 3:18

Sǝm mǝnana kat sǝm panǝ lagir a ɓamǝsǝ sǝm raka, sǝ sǝm ndarǝ lǝmndǝ ta mala ɓoarɓwa mala Ɓakuli ka, à nda rǝ nggaɗi sǝm ɓǝ̀ sǝm pa kǝla yì, nǝ ɓoarɓwa mǝnana kǝ ká nǝ ká a dǝmbǝa ka. Mǝnia yì ɓoarɓwa ka pur nǝban Mǝtalabangŋo mǝnana nda Bangŋo ka.

2 Amǝ Korinti 4:17

Amǝnia yì atanni ma'sǝm mǝkeke mana bania pà nǝ̀ sau raka, à nda ban gilǝki sǝm ace kum ɓoarɓwa mǝnana málá male pà kàm ɗang, sǝ gulo male ka kǝ ɓe pà kàm à nǝ̀ kani a rǝi ɗang.

2 Amǝ Korinti 5:18

Mǝnia yì agir kat ka, ɓoro na nǝban Ɓakuli, mǝnana nyesǝ sǝm a dotarǝu andǝi nǝ bu Kǝrǝsti, sǝ pa sǝm turo bǝlban, mala nyesǝ aɓwana abani ka.

2 Amǝ Korinti 6:18

“Mǝ nǝ duk Tar wun, sǝ wu nǝ̀ duk amunem. Mǝnia ka nda cau mǝnana Mǝtalabangŋo mana Karban kat bang ngga.”

Amǝ Galati 3:26

Ace mani ka, wun kat ka, wu ndaka muna mala Ɓakuli ace guli ma'wun arǝ Kǝrǝsti Yesu.

Amǝ Afisu 2:7

Ɓakuli pe anggo ace mǝnana arǝ anza mǝnana à kǝ yiu a dǝmbǝa ka, nǝ̀ lǝmndǝ bui arǝ sǝm. Nǝ̀ na ama, sǝm ndaka turo mala ɓwamuru andǝ mǝsǝswatǝr male mǝgule andǝ mǝɓoarne kǝrkǝr, mǝnana lǝmndǝa sǝmi ata cau mala gir mǝnana Kǝrǝsti Yesu pè ka.

Amǝ Afisu 3:10

Kànì mala Ɓakuli aɓa mǝnia kat ka, nda mǝnana ama, adyan ngga nǝ̀ pak turo nǝ ikǝlisiya, amǝkpata Yesu, nǝ̀ lǝmndǝ sǝlǝe male mǝnana ndakam arǝ anjari ɗàngɗáng ngga, aban amǝ yalmuru andǝ amǝ-gara aɓa ɓanza mala abangŋo.

Amǝ Kolosi 3:4

Sǝ ɓǝ̀ Kǝrǝsti mǝnana nda tǝr bǝsa yilǝmu ma'wun, yi pusǝna rǝì aban ɓanza kat ka, wun gbal ka wu nǝ̀ yia pusǝ rǝ wun aɓa gulo male.

2 Timoti 2:10

Ace mani ka, ǝn earǝna mǝ dum nǝ gandǝrǝu aɓa ko man, ace aɓwana mana Ɓakuli tària ka, ace mǝnana yia gbal ka ɓǝa kum amsǝban mana aɓa Kǝrǝsti Yesu ka, a tarǝia andǝ gulo mǝnana pà nǝ̀ mal raka.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 6:20

Yesu angŋa dǝmbǝa warina kam ace sǝm. Dumǝna Pǝris Mǝgule mǝnana dobuno-pǝris male pà nǝ̀ mal raka, kǝla mala Melkizedek.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

Amǝ Ibǝru 7:28

Nggurcau mala Musa kǝ twal aɓwapǝndǝa aɓa gatti malea, ɓǝa duk apǝris mǝgule. Sǝa ma anzǝm mǝnana à pana Nggurcau mala Musa ka, Ɓakuli yi twal Muni nǝ́ kánna ɓǝ̀ yì duk Pǝris Mǝgule, mǝnana lumsǝna aɓalǝ agir kat mana Ɓakuli earkiyi ce ɓǝ̀ duk ka, málá male pà kàm ɗang.

1 Bitǝrus 1:12

Ɓakuli lǝmndǝi amǝnia yì amǝ'ɓangna male ka ama acau mǝno banggiyi nǝ kunia ka, à pà ace ɓamuria ɗang, à nda ace wun. Sǝ adyan ngga, mǝnia yì Cau Mǝɓoarne ka, à hamǝna nǝi a banfana aban wun. Aɓwana mǝnana à hamnǝi ka, à hamnǝi aɓa rǝcandǝa mala Bangŋo Mǝfele mǝnana Ɓakuli tasǝi nǝ kuli ka. Nggearǝ amǝturonjar mala Ɓakuli ka, à tsǝk mǝsǝia à nǝ̀ sǝni lang sǝ amǝnia yì agir ka, à nǝ̀ pa.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

Sǝna 4:11

“A karǝna, We Mǝtalabangŋo Ɓakuli ma'sǝm. A karǝna ɓǝa ɓwangsǝo, ɓǝa po gulo, sǝ wu ak rǝcandǝa. Acemǝnana a nda mana a pusǝ agir kat ka. Kani mala ɓabumo na sǝ a pusǝia, sǝ do malea gbal ka, kani mala ɓabumo na.”

Sǝna 7:9

Anzǝm mǝnia ka ǝn sǝn nggea rambǝa mala ɓwabunda kǝrkǝr, mǝnana kǝɓwa pà nǝ̀ gandǝ ɓalǝia raka. À pur arǝa koya nzali, andǝ akûn, andǝ aɓwana mala atau ɗàngɗáng, andǝ alasǝu, sǝ à came a ɓadǝm bunomurǝm andǝ ɓadǝm Mǝgam. À oasǝ anggea-daura pwasǝa a rǝia sǝ à bwal ambu nkangga a buia.