Amǝ Ibǝru 13:7 - Maləmce Məfele mala Ɓakuli: Kurcau Məbəshe

⁷ Wu ɗenyi nǝ aɓwana-mǝgule ma'wun mǝnana à kania wun cau mala Ɓakuli ka. Wu ɗenyi nǝ agir mǝɓoarne mǝnana à pur aɓa do malea ka, sǝ wu twal kusǝ kǝ paɓamuru malea.

Amǝ Ibǝru 13:7 ပူးပေါင်းရင်းမြစ်များ

Matiu 24:45

Yana ɓwe nda guro mǝ'mǝsǝcau nì andǝ mǝsǝle mǝnana mǝtala-ɓala male twali tsǝi amur acili aguro, ɓǝ̀ kǝ pea wia girlina a bu-pwari mǝnana kasǝ ka?

Luka 12:42

Mǝtalabangŋo Yesu eare ama: Yana nda muna-ɓala mǝnana mǝsǝle na, à nǝ̀ earnǝi ka? Yì ka, nda ɓwa mǝnana mǝtala-ɓala male nyinggi wi ɓala a bui, ɓǝ̀ pe acilia amuna-ɓala girlina ɓǝ̀ pwari malea pangŋǝna ka.

Luka 5:1

Ɓe pwari mwashat Yesu naban came a kun Garang Jenasaret, ɓwapǝndǝa nggiki kàrǝì aɓalǝu aban ok cau mala Ɓakuli.

Luka 8:11

Mǝnia ka ndà ɓa man yì kanicau: Mǝsǝɓeale ka nda cau mala Ɓakuli.

Amǝ Mishan 13:46

Pǝlǝa Bulǝs andǝ Barnabas nea wia nǝ mǝsǝkang-kangŋa ama: Wun amǝ Yahudi, wun nda mǝnana ɓoaro sǝm nǝ̀ bangga wun cau mala Ɓakuli peatu ka. Sǝ acemǝnana wu ɓinǝkini, sǝ wu lǝmndǝna ama wu gattini kum yilǝmu mana málá male pà kàm raka, adyan ngga sǝm ɗekina wun, sǝm nǝ̀ o aban aɓwana mana amǝ Yahudi na raka.

Amǝ Mishan 14:23

Bulǝs andǝ Barnabas twal aɓwana-mǝgule mǝnana à cia amur amǝkwaɗi a koya ikǝlisiya ka. Nǝ hiwi andǝ gilmur, à tsǝk aɓwana-mǝgule mǝnia aɓata yalban mala Mǝtalabangŋo mana à guli a rǝi ka.

Amǝ Mishan 4:31

Lang à nǝ̀ mal pak hiwi ani ka, kara ban mǝnana à ram nggam ngga dǝurǝkio. Sǝ yia kat ka, à lumsǝ nǝ Bangŋo Mǝfele, sǝ à hamnǝ cau mala Ɓakuli nǝ ɓabumcandǝa.

Amǝ Roma 10:17

Ace mani ka, paɓamuru ka kǝ yiu aɓa ok cau mala Ɓakuli, yì Cau Amsǝban mala Kǝrǝsti mǝnana à hamnǝi ka.

1 Amǝ Korinti 10:13

Kǝ karǝkiban pà kàm nǝ̀ kumo mǝnana kǝ kum ɓwapǝndǝa raka. Ɓakuli ka mǝ'ɓwamuru na, pà nǝ̀ eare wu kum karǝkiban mǝnana nǝ̀ kuti rǝcandǝa mo ka ɗang. Sǝ ɓǝ̀ karǝkiban kumo ka, yì ka, nǝ̀ po rǝcandǝa mǝnana a nǝ cambi wi, sǝ nǝ̀ mǝn njargula mana a nǝ puri ɓālǝi ka.

1 Amǝ Korinti 11:1

Wu sǝn a rǝam, kǝla mǝnana ǝn nggǝ sǝn arǝ Kǝrǝsti ka.

1 Amǝ Korinti 4:16

Ace mani ka, ǝn nggǝ zǝmbǝa wun, wu twal kusǝam.

Amǝ Filipi 3:17

Wun amǝ'eambǝam, wu twal kusǝam, sǝ wu kani arǝ aɓwana mǝnana à kǝ twal kusǝu mǝnana sǝm lǝmndǝa wun ngga.

1 Amǝ Tasalonika 1:6

Wu yi duk amǝ twalkusǝ sǝm andǝ mala Mǝtalabangŋo; kat andǝ tanni ma'wun kǝrkǝr ka, wu ak cau mala Ɓakuli nǝ banɓoarnado mala Bangŋo Mǝfele.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.

2 Amǝ Tasalonika 3:7

Wun nǝ ɓamur rǝ wun ngga, wu sǝlǝna ama ɓoaro ɓǝ̀ wu twal kusǝ sǝm. Sǝm ngga, sǝm duk do nkundǝr aɓalǝ wun ɗang.

2 Amǝ Tasalonika 3:9

Sǝm ngga, sǝm ndanǝ rǝcandǝa mǝnana sǝm nǝ̀ na wun ɓǝ̀ wu pa sǝm girlina ka, sǝ sǝm pe anggo ɗang acemǝnana sǝm earce dupa wun girkani.

1 Timoti 3:5

Sǝ ɓǝ̀ ɓwa pà nǝ̀ gandǝ bwal ɓala male raka, lang sǝ nǝ̀ gandǝ tsǝk kir ikǝlisiya mala Ɓakuli?

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

Amǝ Ibǝru 13:24

Wu makki aɓwana-mǝgule ma'wun kun, andǝ acili aɓwana mala Ɓakuli kat. Amǝkwaɗi mǝnana amǝ Italiya na ka à kǝ makka wun kun.

Amǝ Ibǝru 6:12

Sǝm earce ama ɓǝ̀ wu duk amǝnkundǝr ɗang. Sǝm ama, wu sǝn arǝ aɓwana mǝnana ace paɓamuru andǝ munyi malea ka, à yì kum gir mǝnana Ɓakuli na ce nǝ̀ pà ka.

1 Bitǝrus 4:11

Ɓǝ̀ we ka, sǝlǝ nacau na à po ka, ne kǝla Ɓakuli na nakiyi cau nǝ kuno ka. Ɓǝ̀ mo yi ɓoro ka ndà pea aɓwana gbasha ka, pè nǝ rǝcandǝa andǝ rǝɓǝla mǝnana Ɓakuli po ka. Anggo ka, gir mǝnana kat a pe ka, nǝ̀ yinǝi Ɓakuli gulo nǝban Yesu Kǝrǝsti. Gulo andǝ rǝcandǝa kat ka amale na, málá male pà kàm ɗang! Amin.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 20:4

Pǝlǝa ǝn sǝn abuno-murǝm sǝ aɓwana mǝnana à do amuria ka, à pania rǝcandǝa mala pak ɓashi. Sǝ ǝn sǝn ayilǝmi aɓwana mǝnana à kasǝ ɓamuria ace nakun malea amur Yesu andǝ bang cau mala Ɓakuli ka. Yia ka, à peri aban nyamɓikea ko ɓǝ̀nzál male ɗang, sǝ à ak nyoulǝa male a kundǝmbǝia ko arǝ abuia ɗang. Yia kat, à lo nǝ yilǝmu ɗǝm, sǝ à duk amurǝma ata Kǝrǝsti arǝ apǝlǝa á-mwashat.

Sǝna 6:9

Lang Mǝgam fasǝ tongnoia gbatali myang ngga, kara ǝn sǝn ayilǝmi aɓwana aban rambǝa aɓata gyangŋan-ɗarǝa; aɓwana mǝnana à wal-luia ace earnǝ cau mala Ɓakuli andǝ bangŋe aban aɓwana ka.