Amǝ Ibǝru 13:4 - Maləmce Məfele mala Ɓakuli: Kurcau Məbəshe

⁴ Ɓǝa aɓwana kat gusǝlǝ doɓala, sǝ wu dum nǝ mǝsǝcau a rǝarǝ wun aɓa doɓala, acemǝnana Ɓakuli nǝ pakki amǝ'nshawari ɓashi andǝ amǝ'nonggi nǝ aɓwana mana à pa doɓala andǝia raka.

Amǝ Ibǝru 13:4 ပူးပေါင်းရင်းမြစ်များ

1 Amǝ Korinti 5:13

Ɓakuli nǝ̀ pakki aɓwana mǝnana amǝ ɓanza na ka ɓashi. Sǝ kǝla mǝnana Malǝmce bang ngga, “Dumǝna púp wu pǝr ɓwa mǝnana mǝ ɓealɓikea na ka, ɓǝ̀ puri ɓalǝ wun.”

1 Amǝ Korinti 6:18

Wu ɓanggi aturo mala kìɗìkì mala nongginǝ rǝarǝu. Acemǝnana acilia acauɓikea mana kat ɓwa kǝ pea ka, à kumsǝ nggūrǝi ɗang, sǝ ɓwa mǝnana kat pak cauɓikea nongginǝ rǝarǝu ka, pangŋǝni nggūrǝi cauɓikea.

1 Amǝ Korinti 6:9

Wu sǝlǝ mbak ama amǝ'ɓealɓikea pa nǝ̀ kutio a Domurǝm mala Ɓakuli ɗang? Wu kǝa swarki ɓamur rǝ wun ɗang! Aɓwana mǝnana à kǝ dukdo kiɗìkì mala nonggi nǝ rǝarǝu, ko à kǝ peri ata ankúl andǝ nongginǝ amālá aɓea andǝ abura aɓea ka, à pà nǝ̀ kuti a domurǝm mala Ɓakuli ɗang. Sǝ kǝɓwa pà kàm ata amǝ kìɗìkì mala nongginǝban, ko aburana a rǝarǝia, ko amamǝna gbal a rǝarǝia, mana à nǝ̀ kum kutio a domurǝm mala Ɓakuli ka ɗang.

1 Amǝ Korinti 7:38

Lǝmndǝ ama ɓwa mǝnana al mansari male ka, pangŋǝna mǝɓoarne. Sǝ ɓwa mǝnana pur amur nsari, sǝ na ama pà nǝ̀ dukɓala raka, pangŋǝna pě mǝɓoarne, mǝnana kuti mǝno ka.

1 Amǝ Korinti 9:5

Aɓea amǝ'mishan, andǝ amǝ'eam Mǝtalabangŋo andǝ Bitǝrus ka, à kǝ twal amālea atea aban kà turo. Sǝm ngga, pà sǝm nǝ̀ gandǝ pa kǝla yia re?

2 Amǝ Korinti 5:10

Acemǝnana sǝm kat ka, dumǝna púp sǝm nǝ̀ ngga came, sǝ do ma'sǝm nǝ̀ lǝmndǝ kwas, a ɓadǝm buno pak ɓashi mala Kǝrǝsti. Ko yan ata sǝm ngga nǝ̀ kum gir mana kārǝa arǝ gir mǝnana pè aɓa mǝnia yì nggūrǝu a ɓanza ka, ko mǝɓoarne ko mǝɓike.

Amǝ Galati 5:19

Ɓǝ̀ wu kpata gir mǝnana nggurǝ wun mǝ'cauɓike earkiyi ce ka, ɓǝlle ka kǝ pusǝrǝi ani: kìɗìkì mala nongginǝ rǝarǝu, andǝ aturo pǝndǝki rǝǔ, andǝ ɗwanyi bwalrǝu arǝ pakkiagir kǝsǝkya,

Amǝ Galati 5:21

andǝ shamgir mala ɓwa, andǝ wal-walo gir, andǝ ká kpapí mǝɓane mala nukiagir andǝ nongginǝban, andǝ acili acauɓikea kǝla amǝnia ka. Mǝ ɓǝsǝlǝa wuni ɗǝm kǝla mǝnana ǝn na wun a dǝmbǝa ka, ama ɓwa mǝnana kat kǝ do aɓata a'ulang mǝnia yì ado ka, pà nǝ̀ kutio a Domurǝm mala Ɓakuli ɗang.

Amǝ Afisu 5:5

Wu nǝ̀ gandǝ sǝlǝ kàngkàng ama ɓwa mana kat mǝ nongginǝban na, ko mǝ pakki agir ɓeami na, ko mǝ nzumon na ka, pà nǝ̀ kum kutio a Domurǝm mala Kǝrǝsti andǝ Ɓakuli ɗang. Acemǝnana nzumon ka, ndá mwashat andǝ peri aban agirkuncau.

1 Amǝ Tasalonika 4:6

Aɓa mǝnia yì cau ka kǝɓwa ɓǝ̀ kǝa pakki ɓi mǝkwaɗi gir mǝɓane ko ɓǝ̀ ɓǝmbǝri aɓa kutio arǝ alta mami ko burri ɗang. Sǝm nanà wun ɗiɗyal nǝ nunkiru ama, Mǝtalabangŋo ka kǝ ɓashia aɓwana arǝ ulang amǝno yì acauɓikea ka.

1 Timoti 3:12

Mǝ'bwal kun turo ndahiwi ka, dumǝna pup nǝ̀ duk bura mɓwama mwashat, nǝ̀ bwal amuna andǝ ɓala male pepe.

1 Timoti 3:2

Sǝ ɓwamǝgule mur ikǝlisiya ka, ɓǝ̀ duk do ɗwanyi cau a rǝǔ. Yì ka, nǝ̀ duk bura mɓwama mwashat, andǝ do bwalrǝu, andǝ kwaro aɓa ɗenyicau, sǝ ɓwa na mǝnana aɓwana kǝ pe wi gulo ka. Yì ka, nǝ̀ duk mǝ ak abǝri a ɓala male, sǝ nǝ̀ duk mǝsǝlǝ kanigir.

1 Timoti 3:4

Dumǝna pup nǝ̀ bwal ɓala male pepe, sǝ nǝ̀ tsǝk amuni ɓǝa kǝ oki wi nǝ pagulo.

1 Timoti 4:3

À ndaka aɓwana mana à kǝ pǝrban arǝ doɓala andǝ lika aɓea agirlina, agirlina mǝnana Ɓakuli pusǝia ace aɓwana mana à surǝna rǝ mǝsǝcau, à pana ɓamuria abani ka, ɓǝa kǝ lia nǝ pak yàwá ka.

1 Timoti 5:14

Ən nggǝ kwarkir amamǝna mǝnana aburria pangŋǝna lú, sǝ a malaká gul raka, ɓǝa albura ɗǝm, ɓǝa ɓǝl amuna, ɓǝa tsǝk kir aɓala malea. Anggo sǝ ɓiumǝbura pa nǝ̀ kum njar na mǝɓane amur sǝm ɗang.

Titus 1:6

ɓwamǝgule aɓa turo mala Ɓakuli ka, dumǝna púp ama nǝ̀ duk ɓwa mǝ'ɗwanyi cau a rǝǔ. Yì ka, nǝ̀ duk bura mɓwama mwashat, sǝ amuna male gbal ka, amǝkpata Ɓakuli na, mǝnana à surǝia nǝ ɓealǝu mala mgbikiru andǝ gandǝban raka.

Amǝ Ibǝru 12:16

Wu tsǝkir wun, ce à kum kǝɓwa ata wun nǝ ɓealǝu kiɗìkì mala nonggi nǝ rǝarǝu, ko mǝnana kǝ ɓanggi Ɓakuli raka kǝla Isǝwa, mǝnana mak gulo ɓǝlban male ace kwar girlina ka.

Sǝna 22:15

A nza nǝ nggeala ka à ndaka amǝ do kiɗìkì kǝla anvwa, andǝ amǝ pakkia gir monzǝo, andǝ amǝ pak cauɓikea nonggi nǝ rǝarǝu, andǝ amǝ walki-alú, andǝ amǝ peri aban ankúl andǝ alú, andǝ aɓwana kat mǝnana à kǝ earce pak turo nyir, sǝ amǝ swarkiban na ka.