Amǝ Ibǝru 13:3 - Maləmce Məfele mala Ɓakuli: Kurcau Məbəshe

³ Wu ɗenyi nǝ aɓwana mǝnana à nda a ndàkurban ngga, kǝla wu ndakam atea, sǝ aɓwana mǝnana à ɓinǝ mǝsǝia, à kǝ pakkia wia mǝɓane ka, wu ɗenyi nǝia kǝla gir nî ka nda rǝ wun.

Amǝ Ibǝru 13:3 ပူးပေါင်းရင်းမြစ်များ

Matiu 25:36

Mǝ ndanǝ ɓatam, wu pam agir-nggurǝu. Mǝ nda ɓa rǝkwana, wu tsǝkiram. Mǝ nda ɓa ndàkurban, wu yiua makkam kun.”

Matiu 25:43

Mǝ nda bǝri, wu em a ɓala ɗang. Mǝ ndanǝ ɓatam, wu pam agir-nggurǝu ɗang. Mǝ ndanǝ rǝkwana, ɗǝm ngga mǝ nda aɓa ndàkurban, wu yi makkam kun ɗang.”

Amǝ Mishan 24:23

Pǝlǝa Nggwamna tsǝa ɓe soje mǝgulo ɓǝ̀ yal Bulǝs, ɓǝ̀ panzǝ nsolo mǝnana à kùrrì nǝi ka, ɓǝ̀ nyi atarǝì, sǝ ɓǝ̀ kǝa na ama nǝ̀ ɓinǝì agyajam mala Bulǝs yiu abani ɓǝa kǝ ɗenyi nǝi ɗang.

Amǝ Mishan 27:3

Ban fana ka, sǝm kya bwal nggeala Sidon. Juliyos yì soje mǝgulo ka, lǝmndǝì Bulǝs pê mǝɓoarne. Eari wi ɓǝ̀ kya sǝn agyajam male mǝnana à ndanǝ do akano ka, ɓǝa pe wi gir mǝnana kat ɗwanyi ka.

Amǝ Roma 12:15

Wu pak banɓoarnado wunǝ aɓwana mǝnana à kǝ pak banɓoarnado ka; wu ɓua wunǝ aɓwana mǝnana à kǝ ɓua ka.

1 Amǝ Korinti 12:26

Ɓǝ̀ ɓe barǝu mwashat nanǝ tanni ka, acili abarǝu ka, à kutina aɓa tanni gbal kat ate. Sǝ ɓǝ̀ ɓe mwashat kum gulo ka, abarǝu kat ka, ban nǝ ɓoaria wia ate.

Amǝ Afisu 4:1

Ace mani ka, mim mǝnana mǝ nda a kùrban ace turo mala Mǝtalabangŋo Yesu ka, ǝn nggǝ zǝmbǝa wun ɓǝ̀ ɓeal wun, ɓǝ̀ kārǝa andǝ do mǝnana Ɓakuli earkiyi ce arǝ aɓwana mǝnana tària ɓǝa duk male ka.

Amǝ Kolosi 4:18

Mim Bulǝs, mǝ nda ǝn gilǝ mǝnia yì makkun ngga nǝ buam. Wu ɗenyi ama mǝ nda a ndàkurban. Ɓwamuru mala Ɓakuli ɓǝ̀ do ata wun.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Amǝ Ibǝru 11:37

À ɓukki aɓea à wú. À zanzǝki aɓea a ɓalǝu nǝ byau zanzǝki nggun. À wal-lú aɓea nǝ nggeabyau. Anggu-nzur andǝ anggu-mbulpǝndǝa à nda ka agir-nggurǝu malea aban gya arǝ aban. À duk amǝtǝr, à paria aɓata tanni, à pakkia wia mǝɓane.

1 Bitǝrus 3:8

A masǝlǝate ka, wun kat ka, ɗenyicau ma'wun ɓǝ̀ duk mwashat. Wu kǝ sǝn mǝsǝswatǝr mala rǝarǝ wun. Wu earce rǝarǝ wun kǝla amǝ'eamrǝarǝu. Wu dum nǝ ɓabum ɓukɓuka andǝ nyesǝmuru.