Amǝ Ibǝru 13:16 - Maləmce Məfele mala Ɓakuli: Kurcau Məbəshe

¹⁶ Ɓǝ̀ ɓalǝ wun ɓǝ̀ kǝa lorǝ ce pak mǝɓoarne, andǝ gau gir mǝnana wu ndanǝi ka wunǝ aɓwana ɗang, acemǝnana nǝ ulang amǝno yì aɓoro ka sǝ bum Ɓakuli kǝ pwasǝo.

Amǝ Ibǝru 13:16 ပူးပေါင်းရင်းမြစ်များ

Luka 18:22

Lang Yesu ok mǝnia ka, ne wi ama, “Ɓe gir mwashat na a ɗwanyi ka. Maki agir mǝnana kat a ndanǝia ka, gaki amǝtǝr, a wu nǝ kum gǝna a kuli, sǝ wu yiu, wu yi kpatam.”

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 9:36

Aɓa nggeala Jopa ka, ɓe ɓwama nakam, mǝkwaɗi na, lullǝi ama Tabita. (Lullǝi nǝ kun Gǝrik ka nda Dokas, ɓālǝi nda: mbamba). Yì ka, aulǝ a pakkiyi aɓwana gir mǝɓoarne ɗang, kǝ bwali amǝtǝr kam.

Amǝ Roma 12:13

Wu kǝ gau gir ma'wun ace bwalia aɓwana mala Ɓakuli mǝnana à nda aɓa tǝle ka; wu kànì ak abǝri.

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Galati 6:6

Aɓwana mǝnana à kǝ kania wia cau mala Ɓakuli ka, ɓoaro ɓǝa kǝ pakkì amǝ kania wia gir mana nda pepe ka; ɓǝa kǝ gau agir mǝɓoarne malea andǝia ace mǝnana ɓǝa kumo atea.

Amǝ Afisu 4:28

Ɓǝ̀ a kǝ iun'i ɗiɗyal ka, nying buo a rǝì. Pak turo mǝɓoarne nǝ abuo, ace mǝnana wu kumo wu pe aɓwana mǝnana à ɗwanyi ka.

Amǝ Filipi 4:14

Kat andǝ amǝno ka, gbasha mǝnana wu pakkam aɓalǝ atanni mem ngga, ndanǝ ɓoaro.

Amǝ Filipi 4:18

Ado ka, ǝn kumǝna agir kat mǝnana ǝn earkiyi cea ka, yale nǝ mur amuri. Ən lumsǝna nǝ agirbunda kǝrkǝr nǝ aɓoro mǝnana wu tasǝam ban nǝia nǝ bu Apafuroditus ka. À nda kǝla aɓoro mǝɓoarne mǝnana agir'a na aban Ɓakuli sǝ à kǝ pwasǝbumi ka.

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

2 Amǝ Tasalonika 3:13

Sǝ wun, amǝ'eambǝam ngga, wu kǝa aulǝ nǝ pe mǝɓoarne ɗang.

1 Timoti 6:18

Nea wia ɓǝa kǝ pak mǝɓoarne nǝ boalo malea. Ɓǝa duk amǝkume aɓalǝ aturo mǝɓoarne, sǝ ɓǝa kǝ pabu aban aɓwana mǝnana à panǝi raka. A koya pwari ka, ɓǝa kǝ kumia nǝ gilǝrǝu mala bwalia aɓwana kam, nǝ agir mǝnana kat Ɓakuli pea wia ka.

Filimon 1:6

Hiwi mem ngga nda mǝnana ama dotarǝu ma'sǝm sǝnǝ we kǝla amǝkwaɗi ka nǝ̀ yinǝ bwaltagir mǝlime mala koya gir mǝɓoarne mǝnana sǝm ndanǝi a do ma'sǝm aɓa kpapi ma'sǝm sǝnǝa Kǝrǝsti ka.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

3 Yohana 1:11

Gyajam mem mǝnana ǝn earkiyi ace raka, ce a twal kusǝu mǝnana mǝɓike na ka ɗang, kpata gir mǝnana mǝɓoarne na ka. Ɗenyi ama ɓwa mǝnana kǝ pak mǝɓoarne ka, ɓwa mala Ɓakuli na. Sǝ ɓwa mǝnana kǝ pak mǝɓike ka, ɓwe malaká surǝ Ɓakuli ɗang.