Amǝ Ibǝru 13:1 - Maləmce Məfele mala Ɓakuli: Kurcau Məbəshe

¹ Wu lidǝmbǝa nǝ lǝmndǝia rǝ wun earcearǝu kǝla amǝ'eamrǝarǝu.

Amǝ Ibǝru 13:1 ပူးပေါင်းရင်းမြစ်များ

Yohana 15:17

Mǝnia ka nda nzongcau mǝnana ǝn pa wun ngga: Wu earce rǝarǝ wun.

Amǝ Mishan 2:1

A pwari mala Lamsan mala Pentikos ka, amǝkpata Yesu na a tarǝia aban mǝ mwashati.

Amǝ Mishan 4:32

Amǝkpata Yesu kat ka à dum nǝ ɓabumia andǝ ɗenyicau malea mwashat. Acemǝnana kǝɓwa ɓalǝia twal girkuma male ka, male na nǝmurǝì raka, à gaki agir kat a rǝarǝia.

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Afisu 4:3

Wu ɓariki, wu dapi mur wun mwashat aɓa Bangŋo mala Ɓakuli, wu kur rǝarǝ wun abanɓwáná nǝ dorǝpwala.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

Amǝ Ibǝru 10:24

Ɓǝ̀ sǝm alta anjargula mala loasǝ rǝarǝ sǝm aban ká lǝmndǝ earcearǝu andǝ pakki aturo mǝɓoarne.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

1 Bitǝrus 2:17

Wu pe koyana le ka gulo, sǝ wu earce amǝ'eamrǝarǝu. Wu kǝ ɓanggi Ɓakuli, sǝ wu kǝ pe murǝm gulo.

1 Bitǝrus 3:8

A masǝlǝate ka, wun kat ka, ɗenyicau ma'wun ɓǝ̀ duk mwashat. Wu kǝ sǝn mǝsǝswatǝr mala rǝarǝ wun. Wu earce rǝarǝ wun kǝla amǝ'eamrǝarǝu. Wu dum nǝ ɓabum ɓukɓuka andǝ nyesǝmuru.

1 Bitǝrus 4:8

Gir mǝnana kutibanì kat ka, wu lidǝmbǝa nǝ lǝmndǝì arǝ wun earcearǝu mǝlime, acemǝnana earcearǝu ka, kǝ gír múr acauɓikea pas.

2 Bitǝrus 1:7

Sǝ do ɓanggi Ɓakuli ka wu gbashite nǝ ɗenyi nǝ aɓwana kǝla amǝ'eamrǝarǝu andǝ lǝmndǝ earcearǝu aban koyan ngga.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 4:20

Ɓǝ̀ kǝɓwa na ama: “Ən nggǝ earce Ɓakuli,” sǝ kǝ ɓinǝ mǝsǝ mǝ'eambǝi ka, mǝnia yì ɓwa ka, mǝ'nyir na. Acemǝnana ɓǝ̀ ɓwa pà nǝ̀ earmǝsǝ mǝ'eambǝi mǝnana kǝ sǝni ado raka, pà nǝ̀ gandǝ earce Ɓakuli mǝnana kǝ sǝni raka ɗang.

Sǝna 2:4

Sǝa ma mǝnia ka nda gir mǝnana ǝn earnǝi a rǝo raka: A pǝlǝni earcearǝu mo mǝdǝmbe nzǝmo!