Amǝ Ibǝru 12:3 - Maləmce Məfele mala Ɓakuli: Kurcau Məbəshe

³ Wu ɗenyi nǝ mǝno yì nggea tanni mǝnana yi kumi a bu amǝ'cauɓikea ka, ace mǝnana rǝ wun ɓǝ̀ kǝa wuki arǝ wun, gandǝa wu nǝ̀ bwaki bu wun ngga ɗang.

Amǝ Ibǝru 12:3 ပူးပေါင်းရင်းမြစ်များ

Matiu 11:19

Muna mala Ɓwa yiu kǝ li sǝ kǝ nu, à yì bangŋa ama, “Mǝligula na sǝ mǝ'ɓiki nu mur anap na, gyajam mala amǝ'aki aboalo-cemi andǝ acilia amǝ'cauɓikea ka.” Sǝ sǝlǝe mala Ɓakuli ka à kǝ surǝì arǝ turo male.

Matiu 12:24

Sǝ amǝ Farisi ka lang à ok mǝnia yì cau ka à bangŋa ama, pa ɓa ɗang, nǝ rǝcandǝa mala Baalzabul Murǝm mala akukwar sǝ kǝ pusǝki akukwar.

Matiu 15:2

“Mana tsǝa sǝ alaggana mo kǝ yàl nzongcau mala aká sǝm? À kǝ̀ lak buia sǝ à nǝ̀ lili ɗang!”

Matiu 21:23

Yesu kutio aɓa Ndàmǝgule mala Ɓakuli; lang nda ban kanigir ka agbani pǝris andǝ aɓwana-mǝgule mala amǝ Yahudi yiu abani sǝ à ɗi ama, “Nǝ́ yà bangŋo sǝ a kǝ pakki amǝnia yì agir ka, sǝ yana po bangŋo mala pakki agir nì?”

Matiu 21:46

à alte ama à nǝ̀ bwali, sǝ ɓangciu pakki wia arǝ aɓwana acemǝnana ɓwapǝndǝa pas earǝna ama Yesu ka mǝɓangna na.

Matiu 22:15

Amǝ Farisi o à kya kur kunarǝia amur njargula mǝnana à nǝ̀ bwali nǝi kam aɓa nacau ka.

Luka 14:1

Aɓe Sabbat, pwari usǝlǝo mala amǝ Yahudi ka, Yesu kutio aban lili a ɓala mala ɓe ɓwamǝgule Farisi. Kara aɓwana tsǝki wi mǝsǝu.

Luka 15:2

Sǝ amǝ Farisi andǝ amalǝm Nggurcau mala Musa ka à kǝ nggwani ama, “Mǝnia yì ɓwa ka kǝ do ata amǝ'cauɓikea, kǝ lili andǝia.”

Luka 16:14

Sǝ yia amǝ Farisi mǝnana amǝ earce boalo na ka, à nǝ̀ ok mǝnia yì acau ka, à sonzǝkì Yesu ngge.

Luka 2:34

Pǝlǝa Shimiyan tsǝkia wia bu sǝ ne ngge Maryamu ama, “Kwaki kiro pepe: Mǝnia yì Muna ka Ɓakuli tsǝngŋǝni ama nǝ̀ duk tǝr kpa andǝ lo mala ɓwapǝndǝa pas a Isǝrayila. Yì ka, nǝ̀ duk gir'lǝmndǝa mǝnana pur nǝ ban Ɓakuli, mǝnana aɓwana pas nǝ̀ na mǝɓane amuri ka.

Luka 5:21

Amalǝm Nggurcau andǝ amǝ Farisi tita ndali nǝ ɓabumia ama, “Yana mǝnia yì ɓwa kǝ ak bancame mala Ɓakuli ka! Ɓǝ̀ Ɓakuli nǝmurǝì raka, yana nǝ̀ twalban cauɓikea!”

Yohana 10:20

Aɓea aɓwana pas aɓalǝia à bangŋa ama, “Yì ka, ndanǝ kukwar a rǝì! Pà aɓa ɗenyicau male ɗang! Ace man sǝ wu kǝ kwaki kir wun a rǝì?”

Yohana 18:22

Lang Yesu bangŋǝna anggo ka, ɓeɓwa aɓalǝ amǝ yal Ndàmǝgule, mǝnana came abanì, kwak Yesu a takiri, sǝ bangŋa ama, “Anggo sǝ a nǝ pǝlǝì Pǝris Mǝgule cau?”

Yohana 5:16

Pǝlǝa yia amǝ Yahudi ka à tsǝk Yesu a dǝmbǝa, acemǝnana twalban rǝkwana a pwari Sabbat, pwari usǝlǝo.

Yohana 7:12

Aɓwabunda kǝ na cau nggùr-nggùr amur Yesu. Aɓea ɓwana ama, “Yì ka, ɓwa mǝɓoarne na.” Sǝ aɓea ɓwana gbal ka ama, “Awo, yì ka, mǝswarkiban na.”

Yohana 8:13

Amǝ Farisi ne wi ama, “Ado ka a ban nakun ɓamuro, cau mo ka à pà nǝ̀ é ama mǝsǝcau na ɗang.”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Yohana 8:59

À nǝ̀ ok mǝno yì cau ka, kara à pwan atali ama à nǝ̀ ɓukki, sǝ Yesu gbar rǝì, pǝlǝa puro nying Ndàmǝgule mala Ɓakuli.

Yohana 9:40

Aɓea amǝ Farisi mana aban came tù abanì ka, ok cau mǝnana Yesu na ka, pǝlǝa à ɗi ama, “A nda ban na ama, sǝm nda ka nte le?”

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

2 Amǝ Korinti 4:1

Sǝ acemǝnana Ɓakuli, aɓa sǝn mǝsǝswatǝr male sǝ pà sǝm mǝnia yì turo mishan ngga, ɓabum sǝm pà nǝ̀ ɓunggi ɗang.

2 Amǝ Korinti 4:16

Ace mani ka, ɓabum sǝm ɓunggi ɗang. Ko ɓǝ̀ do ama nggurǝ sǝm mǝnana à kǝ sǝni nǝ mǝsǝu, nda ban ká kìɗìkì ka, bangŋo ma'sǝm ngga kǝ duk bǝshe a koya pwari.

Amǝ Galati 6:9

Ace mani ka, ɓǝ̀ sǝm ngga aulǝ nǝ pak gir mǝnana mǝɓoarne na ka ɗang. Ɓǝ̀ pwari yi karǝna ka, sǝm nǝ̀ ngga kum tangnakusǝu mǝɓafoe, yì mǝnana ɓǝ̀ aulǝa pa ka sǝm, sǝm bwaki bu sǝm raka.

2 Amǝ Tasalonika 3:13

Sǝ wun, amǝ'eambǝam ngga, wu kǝa aulǝ nǝ pe mǝɓoarne ɗang.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 12:5

Ɗǝm ngga, ɓalǝ wun lorǝna cau ɓakɓabum mala Ɓakuli aban wun mǝnana kǝ tunǝ wun ama amuni ka le? Yi mǝnana ama: “Munem, kǝa burice kwarkiru mala Mǝtalabangŋo ɗang, sǝ rǝo ɓǝ̀ kǝa wuki ɗang, mǝnana ɓǝ̀ cio a njar ka.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

1 Bitǝrus 2:23

Lang aɓwana sanggì ka, nyesǝî kǝɓwa nǝ sangban ɗang; sǝ lang à pe wi tanni ka, ɓalbura kǝɓwa ama nǝ̀ ɗi tangna a kúnì mǝnana à pakki wi ka ɗang. Tanni male ka, nyinggi Ɓakuli mǝnana kǝ pak ɓashi nǝ mǝsǝcau ka, a bui.

Sǝna 2:3

Ən sǝlǝna ama we ka, a cam kàngkàng, a dum nǝ gandǝrǝu aɓa nutanni ace lullǝam, sǝ a aulǝ ɗang.