Amǝ Ibǝru 12:1 - Maləmce Məfele mala Ɓakuli: Kurcau Məbəshe

¹ Ado ka sǝm ndya nǝ ɓwabunda mǝ lakke kǝrkǝr mǝnana à lǝmndǝ ama à guli arǝ Ɓakuli, à gumbǝli sǝm aɓalǝu, à kǝ sǝn sǝm ngga! Ace mani ka, ɓǝ̀ sǝm sukki agir kat mǝnana à kǝ eara sǝm raka, andǝ acauɓikea mǝnana à kwan a taɓǝlǝki sǝm na raka. Ɓǝ̀ sǝm ɓangmire nǝ gandǝrǝu, yì mire mǝnana Ɓakuli tsǝka sǝmi a dǝm sǝm ngga.

Amǝ Ibǝru 12:1 ပူးပေါင်းရင်းမြစ်များ

Matiu 10:22

Aɓwana kat à nǝ̀ ɓinǝmǝsǝ wun acem; sǝ ɓwa mǝnana cam kàngkàng aban ká masǝlǝate ka nǝ̀ auwa.

Matiu 24:13

sǝa ma ɓwa mǝnana cam kàngkàng aɓa paɓamuru aban ká masǝlǝate ka, nǝ̀ auwa.

Markus 10:50

Kara túr girkumsǝo male anggo, lo pǝrpǝr yiu aban Yesu.

Luka 12:15

Pǝlǝa ne ɓwabunda ama, “Wu parkir wun, wu yal rǝ wun arǝ koya ulang kikil ka, acemǝnana lakki mala agirkuma mala ɓwa ka, nda yilǝmi ɗang.”

Luka 16:28

acemǝnana mǝ ndanǝ amǝ'eambu tongno. Ɓǝ̀ kya nunkiria, ace mǝnana ɓǝa kǝa yiu a mǝnia yì ban tanni nggea mǝɓike ka ɗang.”

Luka 21:34

Wu parkir wun wu kǝa eare ɓǝ̀ ɗenyicau ma'wun lumsǝ nǝ likiagir, wal-wale andǝ pisǝ ɓalǝu arǝ alta agir ɓanza, gandǝa mǝno yì pwari ka nǝ̀ yia yasǝlǝ wun ngga ɗang.

Yohana 3:32

Yì ka, yiu, yi bǝlkuni amur gir mǝnana sǝna sǝ ok ka, sǝ kǝɓwa ak cau male ɗang.

Yohana 4:39

Amǝ Samariya pas a mǝno yì là ka à pa ɓamuria aban Yesu ata cau mala mɓwama mǝnana banggia wia ama, “Nam koya gir nani ǝn pa aɓa do mem ngga.”

Yohana 4:44

Yesu nǝ ɓamuri ka bangŋǝna ama, “À kǝ pê mǝɓangna mala Ɓakuli gulo a la male ɗang.”

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

2 Amǝ Korinti 7:1

Wun amǝ'eamrǝarǝu, acemǝnana sǝm ndanǝ amǝnia yì apacau ka, ɓǝ̀ sǝm lak ɓamur rǝ sǝm arǝ agir kat mǝnana à nǝ̀ ká nǝ nggurǝ sǝm ko bangŋo ma'sǝm aɓa pě mǝnana Ɓakuli ginǝce ka. Ɓǝ̀ sǝm nggǝ pa anggo ka, sǝm nǝ̀ kum lumsǝo nǝ domǝfele aɓa ɓanggi Ɓakuli.

Amǝ Galati 2:2

Ən wari kano, acemǝnana Ɓakuli nǝ̀ lǝmndǝam ama ɓǝ̀ ǝn kyane. Akano ka, sǝm nggea do nǝ murǝ sǝm, sǝnǝ aɓwana mǝnana à twalia ama à nda ka aɓwana-mǝgule mala Ikǝlisiya ka. Pǝlǝa ǝn bǝlia wia ɓa Cau Amsǝban mǝnana ǝn nggǝ hamnǝi aban aɓwana mala acili anzali ka. Eare mem nda mǝnana kun sǝm ɓǝ̀ duk mwashat, ace mǝnana ɓǝ̀ turo mem mǝnana ǝn pangŋǝni andǝ mǝnana ado mǝ nda rǝ pe ka, ɓǝa kǝa ue ɓa ɗang.

Amǝ Galati 5:7

Wu tite ka, wu nda arǝ lidǝmbǝa pepe. Sǝ yana yi tamsǝ wun ɗǝm arǝ kpata mǝsǝcau?

Amǝ Afisu 4:25

Wu ɗeki bu wun arǝ na nyir. Ɓǝ̀ sǝm nea rǝ sǝm mǝsǝcau, acemǝnana sǝm kat ka, sǝm nda mwashat kǝla mǝnana abare nggūrǝu ɓwa pak ka.

Amǝ Filipi 1:30

Mǝnia yì wara ka sǝm nda ate sǝnǝa wun. Wu sǝnǝna ɓariki mem, sǝ wu ongŋǝna ce mǝno ado mǝ nda a ɓalǝi ka.

Amǝ Filipi 2:16

Sǝ aɓa doe anggo ɓǝ̀ wu kǝ bwal kàngkàng arǝ cau mǝnana pākiyi yilǝmu ka. Ɓǝ̀ wu kǝ pa anggo ka, a pwari mǝnana Kǝrǝsti nǝ̀ nyar nǝi ka, mǝ nǝ nggori nǝ wun, sǝ mǝ nǝ sǝlǝ gbal ama turo mem andǝ ɓariki mem ngga, à pà ɓà ɗang.

2 Timoti 2:4

Kǝ soje pâ kàm mǝnana nǝ̀ oasǝ ɓamuri aɓa dukiado mala aɓwana mǝnana asoje na raka ɗang, acemǝnana kǝ earce nǝ̀ pwasǝbum ɓwa mǝnana twali a soje ka.

2 Timoti 4:7

Ən munǝna munǝo mǝɓoarne, mire mem bwalǝna masǝlǝate, sǝ ǝn camǝna kàngkàng aɓa paɓamuru arǝ Kǝrǝsti māna à pam a buam ngga.

Amǝ Ibǝru 6:15

Sǝ acemǝnana Ibǝrayim pak munyi, kundǝ ka, yi kum gir mǝnana Ɓakuli ne wi ama nǝ̀ pe wi ka.

Jemis 1:3

acemǝnana ɓǝ̀ wu cam kàngkàng aɓa karǝkiban ngga, paɓamuru ma'wun nǝ̀ lidǝmbǝa nǝ rǝcandǝa.

1 Bitǝrus 2:1

Ace mani ka, wu swár koya ulang ɓealɓikea, andǝ koya ulang kutan mǝɓane, andǝ kúnɓárína, andǝ mwararǝu, andǝ koya ulang naki acau kiɗiki ɓwa.

1 Bitǝrus 4:2

Twal ado ka, cili do yilǝmu male a ɓanza ka pà nǝ̀ duk mala ɓangŋa ata anpel mala nggūrǝu ɗǝm ɗang. Nǝ̀ dukdo mala lumsǝ kani mala Ɓakuli.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

2 Bitǝrus 1:6

surǝgir ka wu gbashite nǝ bwalrǝu; bwalrǝu ka wu gbashite nǝ gandǝrǝu; gandǝrǝu ka wu gbashite nǝ do ɓanggi Ɓakuli.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.

Sǝna 13:10

“Ɓwa mǝnana kat à kasǝi wi bwalban a guro ka, à nǝ̀ bwali nǝ̀ o a guro. Ɓwa mǝnana kat à kasǝi wi wal-lui nǝ nggeabyau ka, nǝ nggeabyau sǝ à nǝ̀ wali.” Mǝnia ka kwarkiru na ace aɓwana amǝ'mǝsǝcau nì mala Ɓakuli, ɓǝa cam kàngkàng sǝ ɓǝa dum nǝ paɓamuru abani aɓa koya tanni ka.

Sǝna 22:16

Mim Yesu, ǝn túr mǝturonjar mem ɓǝ̀ bangga wun amǝnia yì agir ka ace a'ikǝlisiya. Mǝ nda Mǝkà Murǝm Dauda, ǝn pur a tau male. Mǝ nda nlero dǝmbari mǝ tàne.

Sǝna 3:10

Acemǝnana a kpana ta nzongcau mem mala do gandǝrǝu aɓa mǝkwane nǝ munyi ka, mǝ nǝ yallo, a nǝ api pwari mala nggea tanni mǝnana kǝ yiu amur ɓwapǝndǝa kat a ɓanza, ace mwam aɓwana mǝnana a mala ɓanza na ka.