Amǝ Ibǝru 11:7 - Maləmce Məfele mala Ɓakuli: Kurcau Məbəshe

⁷ Paɓamuru mala Nuhu aban Ɓakuli na ci sǝ kpata nunkiru mala Ɓakuli amur agir mǝnana à kǝ yiu a dǝmbǝa, gandǝ sǝnia raka. Lo nǝ ɓangciu mala pagulo aban Ɓakuli, gballì nggea waru ace amsǝ amǝ ɓala male. Nǝ mǝnia ka, yinǝ kasǝ-ɓashi amur ɓanza, pǝlǝa Ɓakuli é mǝ'cauɓoarna na, akban mǝnana à kǝ kumi nǝ paɓamuru ka.

Amǝ Ibǝru 11:7 ပူးပေါင်းရင်းမြစ်များ

Matiu 2:12

Ɓakuli nun kiria a lorǝo ama ɓǝa kǝa nyar aban Hirǝdus ɗang. Pǝlǝa à twal ɓe njargula ɗang à nyare a nzali malea.

Matiu 24:15

Wu nǝ̀ yia sǝn yì “Gir ɓeami mǝnana kǝ tsǝa Ɓakuli nǝ̀ nying ban-do male aɓalǝ aɓwana,” mana Daniyel mǝɓangna mala Ɓakuli bang ce, camǝna aban mǝfele aɓa Ndàmǝgule mala Ɓakuli. Sǝ ɓǝ̀ wu sǝnǝni ka, ɓwa mǝnana kǝ ɓal mǝnia yì cau ka ɓǝ̀ surǝ ɓālǝi.

Matiu 24:25

Wu tsǝk kir wun, ǝn gbara ǝn bangŋǝna wun adyan.

Matiu 24:38

A nza mǝnana mùrgula malaká yiu peatu raka, ɓwapǝndǝa kǝ lili, kǝ nu, sǝ à kǝ al rǝarǝia, yi bwal pwari kutio mala Nuhu aɓa nggea-waru.

Matiu 3:7

Sǝ lang Yohana sǝn amǝ Farisi andǝ amǝ Saduki à nǝ̀ nggǝ yiu pas abani ace mǝnana ɓǝa pakkia wia batisǝma ka, nea wia ama, “Wun amuna an'yau barya! Yan nun kir wun ama ɓǝ̀ wu ɓanggi ɓashi mala Ɓakuli mǝnana kǝ yiu ka?

Luka 17:26

Kǝla mǝnana kumban a nza mala Nuhu ka, anggo sǝ nǝ̀ pa aɓalǝ anonggeo mǝnana Muna Mala Ɓwa nǝ̀ nyare nǝ̀ yiu nǝi ka.

Amǝ Roma 1:17

Yì Cau Amsǝban ngga, ndá kǝ̀ lǝmndǝa sǝm lang sǝ Ɓakuli kǝ nggaɗi sǝm, ɓǝ̀ sǝm pǝlǝ aɓwana amǝɓoarne a ɓadǝmbǝi. Mǝnia ka kǝ pa anggo nǝ guli arǝ Kǝrǝsti, twal a tite kya pur a masǝlǝate, kǝla mǝnana Malǝmce na ka ama: “Ɓwa mǝnana kumǝna akban aban Ɓakuli ka, nǝ̀ dumnǝ yilǝmu aɓa guli arǝ Ɓakuli.”

Amǝ Roma 10:6

Sǝ ɓwa mǝnana pàɓamuru male aɓa guli arǝ Kǝrǝsti na yinǝi wi kum akban aban Ɓakuli ka, pà nǝ̀ ɗiban a ɗenyicau male ama, “Yana nǝ̀ eau a kuli, ace mǝnana nǝ̀ ngga sulǝ Kǝrǝsti a nzali ka” ɗang?

Amǝ Roma 3:22

À nǝ̀ pǝlǝ sǝm, sǝm nǝ̀ duk amǝ'cauɓoarna aban Ɓakuli ace paɓamur sǝm aban Yesu Kǝrǝsti. Mǝnia ka anggo sǝ pa nǝ koyana mǝnana paɓamuri aban Kǝrǝsti ka, tàrban pa kàm ɗang.

Amǝ Roma 4:11

Yì kasǝ-ɓatau mǝnana à kasǝi Ibǝrayim ngga nda gir mǝnana lǝmndǝ ama, nǝ́ paɓamuru male aban Ɓakuli ka, Ɓakuli earǝna angŋǝni, ama yì ka, mǝ'cauɓoarna na abani, sǝ à yì kasǝi wi ɓate. Ace mani ka, Ibǝrayim nda tar aɓwana kat mǝnana à pà ɓamuria aban Ɓakuli sǝ Ɓakuli kǝ ea amǝ'cauɓoarna na, kat andǝ amani ama à kasǝia wia ɓatea raka.

Amǝ Roma 4:13

Mǝnana Ɓakuli pacau aban Ibǝrayim andǝ amǝkè ama nǝ̀ tsǝkia wia bu sǝ ɓanza kat nǝ̀ duk malea ka, pa acemǝnana Ibǝrayim bwal Nggurcau mala Ɓakuli ka ɗang. Nda acemǝnana yì ka, earnǝ Ɓakuli, guli a rǝì ama nǝ̀ pak gir mǝnana bang ngga. Sǝ ace mǝno ka Ɓakuli é mǝ'cauɓoarna na.

Amǝ Roma 9:30

Sǝ aman sǝ sǝm bangŋa? Aɓwana mala acili anzali mǝnana à kǝ kpata Nggurcau mala Ɓakuli raka, Ɓakuli nyesǝnia à pǝlǝna amǝ'cauɓoarna abani, ata cau mala guliarǝu malea arǝ Kǝrǝsti.

Amǝ Galati 5:5

Sǝ sǝm ngga, ace paɓamuru ma'sǝm aban Kǝrǝsti ka, sǝm tsǝk ɓalǝ sǝm, sǝm nggǝ kúndǝo nǝ rǝɓǝla ɓǝ̀ Ɓakuli ak sǝm, ɓǝ̀ nyesǝ sǝm ɓǝ̀ sǝm duk pepe a ɓadǝmbǝi nǝ Bangŋo male.

Amǝ Filipi 3:9

sǝ ɓǝ̀ sǝm duk mwashat sǝnǝi. Ən panǝ cauɓoarna mala ɓamuram mǝnana à kumnggiki ace kpata Nggurcau ka ɗang; she kǝ mǝnana à kumnggiki nǝ paɓamuru aban Kǝrǝsti ka. Acemǝnana njar mana Ɓakuli nǝ tsǝk sǝm, sǝm nǝ̀ duk aɓwana mǝɓoarne a kane male ka, ndǎ ɓǝ̀ sǝm pa ɓamur sǝm aban Kǝrǝsti ka.

Amǝ Ibǝru 11:1

Adyan ngga, guli arǝ Ɓakuli ka, nda makɓalǝu ama kàngkàng sǝm nǝ̀ kum agir mǝnana sǝm tsǝkɓalǝ sǝm a rǝia ka; nda mǝsǝkang-kangŋa arǝ gir mǝnana sǝm nggǝ sǝni raka.

Amǝ Ibǝru 12:25

Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?

Amǝ Ibǝru 5:7

Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.

Amǝ Ibǝru 8:5

Ban mǝnana apǝris kǝ pak turo-pǝris kam ngga, kanikigir na arǝ mǝɓafoe sǝ yilǝmi mǝɓafoe na mǝnana akano a kuli ka. Nda gir mǝnana tsǝa sǝ lang Musa nǝ̀ loasǝ Taragula ka, Ɓakuli nunkiri ama: “Sǝlǝ ama koya gir ka a pangŋǝni kǝla mǝnana ǝn lǝmndǝo amur nkono ka.”

1 Bitǝrus 3:20

Amǝnia ka, à ndaka abangŋo mǝnana à mgbiki Ɓakuli kiru a pwaryan a nza mala Nuhu, a baku mǝnana Nuhu na aban shar nggea waru male, sǝ Ɓakuli na arǝ kundǝo nǝ́ munyi ka. Kǝ aɓwana tongno-nong-tārú na à amsǝia amǝno yì nggea-murgula ka.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

2 Bitǝrus 2:5

Sǝ aɓwana mǝnana a ɓanza mana ɗiɗyal ka, Ɓakuli sǝn mǝsǝswatǝr malea ɗang, she kǝ Nuhu mǝ hamnǝ cau mala do-ɓealɓoarna andǝ aɓea aɓwana tongno-nong-ɓari na. Ɓakuli amsǝia a baku mǝnana yinǝ nggea-murgula amur ɓanza mala amǝ'cauɓikea ka.

2 Bitǝrus 3:6

Pǝlǝa pak turo nǝ mǝnia yì mùr, yì nggea mùrgula ka, sǝ kiɗiki ɓanza mǝ'e.