Amǝ Ibǝru 11:5 - Maləmce Məfele mala Ɓakuli: Kurcau Məbəshe

⁵ Nda ace paɓamuru mala Inok sǝ à twali à um nǝi a kuli, ace mǝnana ɓǝ̀ kǝa sǝn lú raka. Kǝ ɓwa kumi ɗang, acemǝnana Ɓakuli twali um nǝi ate. Sǝ kani ama ɓǝa twali ka, à surǝì nǝ pwasǝ bum Ɓakuli.

Amǝ Ibǝru 11:5 ပူးပေါင်းရင်းမြစ်များ

Luka 2:26

Bangŋo Mǝfele lǝmndǝni wi ama pà nǝ̀ wu ɗang, she ɓǝ̀ sǝnǝna Kǝrǝsti Mǝ'amsǝban mǝnana Mǝtalabangŋo turi ka.

Luka 3:37

Lamek nda muna mala Metusela. Metusela nda muna mala Inok. Inok nda muna mala Jared. Jared nda muna mala Mahalale. Mahalale nda muna mala Kenan.

1 Amǝ Tasalonika 2:4

Sǝm ngga, sǝm nggǝ na cau kǝla aɓwana mǝnana Ɓakuli earnǝ sǝm sǝ nyingga sǝm turo hamnǝ Cau Amsǝban a bu sǝm ngga. Sǝ sǝm pà aban pe ace mǝnana ɓǝa ɓwapǝndǝa ɓwangsǝ sǝm ngga ɗang; sǝm nggǝ pê ace pwasǝ ɓabum Ɓakuli mǝnana kǝ pelǝki ɓabum sǝm ngga.

Amǝ Ibǝru 11:6

Ɓǝ̀ paɓamuru pà kàm raka, kǝɓwa pà nǝ̀ gandǝ pwasǝ bum Ɓakuli ɗang, acemǝnana ɓwa mana nǝ̀ yiu abani ka, she nǝ̀ ear ama yì ka, ndakam, sǝ nda mǝnana kǝ pa tangnakusǝ aɓwana mǝnana à kǝ alte ka.

Amǝ Ibǝru 2:9

Gir mǝnana sǝm sǝni ka nda Yesu mǝnana à cì gatti amǝturonjar bǝti, ace mǝnana nǝ ɓwamuru mala Ɓakuli ka, ɓǝ̀ wú ace ko yan ngga. Sǝ adyan ngga, sǝm sǝni ka à pǝtina muri nǝ ɓoarɓwa andǝ gulo, acemǝnana nu tanni wu ace aɓwana ka.

1 Yohana 3:22

Sǝ gir mǝnana kat sǝm zǝm abani ka nǝ̀ pa sǝmi, acemǝnana sǝm nggǝ kpata anzongcau male, sǝ sǝm nggǝ pak gir mǝnana pwasǝ bumi ka.

Yahuda 1:14

Sǝ Inok, mǝnana nda tongno-nong-ɓaria kau, twal a ɓǝlban mala Adamu ka, ɓangnǝ-ɓangna amur a'ulang amǝnia yia aɓwana ka. Bangŋa ama: “Wu sǝni, Mǝtalabangŋo nia kǝ yiu andǝ amǝturonjar male amǝfele mǝnana à pà nǝ̀ gandǝ ɓalǝia raka,