Amǝ Ibǝru 11:32 - Maləmce Məfele mala Ɓakuli: Kurcau Məbəshe

³² Sǝ mana ɗǝm mǝ nǝ bangŋa? Pwari pà nǝ̀ kārǝam ɗang yi mǝnana mǝ nǝ na wun cau amur paɓamuru mala aɓwana kǝla Gidiyon, andǝ Barak, andǝ Samsǝn, andǝ Jefta, andǝ Dauda, andǝ Samuyila, sǝ amǝ'ɓangna mala Ɓakuli ka.

Amǝ Ibǝru 11:32 ပူးပေါင်းရင်းမြစ်များ

Yohana 21:25

Aɓea agir nakam pas mǝnana Yesu pea ka, yale ɓǝa na ama, à nǝ̀ kpatea mwashat-mwashat à nǝ̀ gilǝia kat ka, ǝn nggǝ sǝni nǝma ɓanza kat ka, pà nǝ̀ gandǝ bwal amalǝmce mǝnana à nǝ̀ gilǝia ka ɗang.

2 Bitǝrus 1:21

Acemǝnana na gi Ɓakuli ka, kǝ pur aɓa kani mala mǝɓangna ɗang. Amǝno yì amǝ'ɓangna ka, Bangŋo Mǝfele na gingnǝia sǝ à na cau mǝnana pur nǝban Ɓakuli ka.

Amǝ Roma 7:7

Sǝ mana ado sǝm nǝ̀ na? Nggearǝ Nggurcau ka, cauɓikea na le? Awo! Pa anggo ɗang! Ɓǝ̀ pà ace Nggurcau raka, ɓǝ́ pà mǝ surǝ cauɓikea ɗang. Ɓǝ́ pa mǝ nǝ sǝlǝ ce cauɓikea mala sham gir mala ɓwa ɗang, mǝnana ɓǝ̀ Nggurcau bang ma ama, “Kǝa sham gir raka” ɗang.

Amǝ Roma 4:1

Mana ado sǝm nǝ̀ na amur Ibǝrayim, yì kà-aɓwana ma'sǝm aɓa nggūrǝu? Mana gir nì na yi sǝlǝa amur cau mala do mǝ'cauɓoarna aban Ɓakuli?

Amǝ Roma 3:5

Sǝ ɓǝ̀ ɓealɓikea ma'sǝm kǝ lǝmndǝ cauɓoarna mala Ɓakuli ka, aman sǝ sǝm nǝ̀ na? Sǝm nǝ̀ na ama Ɓakuli pangŋǝna kpak, yì mǝnana ɓǝ̀ so bumlulla male amur sǝm ngga le? (Mǝnia ka nê mala ɓwapǝndǝa na.)

Amǝ Mishan 13:20

Amǝnia yì agir ka à twal apǝlǝa gbǝman-ine nǝ lumi-tongno (450). Anzǝm man ngga, Ɓakuli pea wia amǝla amuria ba baku mala Samuyila mǝɓangna mala Ɓakuli.

Amǝ Mishan 10:43

Yì nda mana amǝ'ɓangna mala Ɓakuli kat ka, à nakun ace ama, koyana kat sǝ paɓamuri abani ka, nǝ̀ kum twalban cauɓikea aɓa lullǝi.

Amǝ Mishan 3:24

Tite aban Samuyila, amǝ'ɓangna mala Ɓakuli kat, amǝnana Ɓakuli bang cau nǝia ka, à bangŋa cau amur agir mǝnana à kǝ kumban yalung ngga.

2 Bitǝrus 3:2

Ən nggǝ earce nǝma ɓǝ̀ wu ɗenyi nǝ acau mǝnana amǝ'ɓangna mǝfele mala Ɓakuli bangŋi a pwaryan, sǝ ɓalǝ wun ɓǝ̀ kǝa lorǝ nzongcau mǝnana Mǝtalabangŋo, Mǝ'amsǝban pá nǝ bu amǝ'mishan ma'wun ngga ɗang.

Jemis 5:10

Wun amǝ'eamrǝarǝu, wu ɗenyi nǝ amǝ'ɓangna mala Ɓakuli mǝnana à yì bang cau aɓa lullǝ Mǝtalabangŋo ka. Ɓǝ̀ domunyi malea aɓa gandǝrǝu aɓata tanni dupa sǝm gir kani.

Amǝ Roma 6:1

Mana ɗǝm sǝm nǝ̀ na? Sǝm nǝ̀ lidǝmbǝa aɓa cauɓikea, ace mǝnana ɓǝ̀ ɓwamuru ɓǝ̀ gul ka le?

Luka 16:31

Pǝlǝa Ibǝrayim ne wi ama, “Ɓǝa ok à Musa andǝ amǝ'ɓangna mala Ɓakuli raka, ko ɓǝ̀ ɓwa lo a ɓembe ka à pà nǝ̀ oe ɗang!”

Luka 13:28

Akàm wu nǝ̀ nggǝ ɓua nǝ nǝmnggi munabu wun, ɓǝ̀ wu sǝna Ibǝrayim, andǝ Ishaku andǝ Yakupu andǝ amǝ'ɓangna mala Ɓakuli kat aɓa Domurǝm mala Ɓakuli, sǝ wun ngga à ɗekina wun nǝ nza ka.

Matiu 5:12

Wu pak bumpwasǝa, ban ɓǝ ɓoara wun, acemǝnana tangnakusǝ wun ngga mǝgule na a kuli. Anggo sǝ à pe amǝ'ɓangna mala Ɓakuli mǝnana à aka wun dǝmbǝa ka tanni.