Amǝ Ibǝru 11:16 - Maləmce Məfele mala Ɓakuli: Kurcau Məbəshe

¹⁶ Sǝ yia ka, à nda ban alta nzali mǝɓoarne mǝnana kuti mǝno ka, nzali mǝnana a kuli ka. Nda gir mǝnana tsǝa sǝ Ɓakuli ka, kǝsǝkya pakki wi, yi mana ɓǝa tunǝi ama nda Ɓakuli malea ka ɗang, acemǝnana gilǝkina nggeala acea.

Amǝ Ibǝru 11:16 ပူးပေါင်းရင်းမြစ်များ

Matiu 25:34

Sǝ Murǝm nǝ̀ ne aman a bui mǝli ka ama, “Wu yiu, wun aɓwana mana tsǝkbu mala Tárram na mur wun ngga. Wu yi ak Domurǝm mana à gilǝki ace wun pur a tita ɓanza ka.

Markus 12:26

Sǝ amur cau mala lo mala alú ka, wu ɓal mbo aɓa malǝmce mala Musa, amur mǝ'ndanggun mǝnana kǝ earki bǝsa ka? Nda anzǝm mǝnana a Ibǝrayim andǝ Ishaku andǝ Yakupu wukina, sǝ apǝlǝkia pas yi kutikina ka, sǝ Ɓakuli yi bangcau nǝ Musa ama, “Mǝ nda Ɓakuli mala Ibǝrayim, andǝ Ɓakuli mala Ishaku, andǝ Ɓakuli mala Yakupu.”

Markus 8:38

Wu kǝa pak kǝsǝkyem andǝ cau mem aɓa mǝnia yì ɓanza mǝ ɗwanyi do nǝ mǝsǝcau aban Ɓakuli, andǝ mǝnana lumsǝ nǝ cauɓikea ka ɗang. Ɓǝ̀ kǝɓwa pak kǝsǝkyem ngga, mim Muna mala Ɓwa ka, mǝ nǝ pak kǝsǝkye gbal a pwari mǝnana mǝ nǝ nyar nǝi aɓa ɓoarɓwa mala Tárram, andǝ amǝturonjar mǝfele male ka.

Luka 12:32

Domwan mǝkyauwe, ɓangciu ɓǝ̀ kǝa pakka wun ɗang, acemǝnana Tar wun ngga ban kǝ ɓoari wi ɓǝ̀ pa wun agir mǝɓoarne mala Domurǝm male.

Luka 20:37

Sǝ amur cau mala loapi ɓembe ka, nggearǝ Musa ka lǝmndǝ ama alú nǝ̀ loapi ɓembe. Aɓa cau mǝnana à gilǝe amur mǝ'ndanggun mǝnana kǝ earki bǝsa ka, bangŋa ama Mǝtalabangŋo ka nda, “Ɓakuli mala Ibǝrayim, Ɓakuli mala Ishaku, sǝ Ɓakuli mala Yakupu.”

Yohana 14:2

Aɓa ɓala mala Tárram ngga aban-do na kam pas. Ɓǝ̀ pa anggo raka ɓǝn bangŋǝna wun. Mǝ ká mǝ nǝ ngga gilǝki ban-do ace wun.

Amǝ Mishan 7:32

“Mǝ nda Ɓakuli mala akeo, Ɓakuli mala Ibǝrayim, andǝ Ishaku, sǝ Yakupu.” Rǝ Musa twal ɓǝla nǝ ɓangciu, gandǝ loasǝ mǝsǝì nǝ̀ sǝnban ɗang.

Amǝ Filipi 3:20

Sǝ ma'sǝm ngga, sǝm nda ka aɓwana mala kuli. Sǝm nda ban kundǝ nyare yiu mala Mǝ'amsǝ sǝm nǝ kuli, yì Mǝtalabangŋo Yesu Kǝrǝsti.

2 Timoti 4:18

Yì, yì Mǝtalabangŋo ka, nǝ̀ amsǝam aɓalǝ aɓealɓikea kat, sǝ nǝ̀ ká nǝ mim jam aɓa domurǝm male mala kuli. Gulo ka, male na kat, masǝlǝate pà kàm ɗang. Amin.

Amǝ Ibǝru 10:34

Aɓwana mǝnana à turia aɓa ndàkurban ngga, wu sǝn mǝsǝswatǝr malea. Ko nggearǝ akume ma'wun mǝnana à ea arǝ wun nǝ rǝcandǝa ka, wu pak bumpwasǝa nǝ mǝno, acemǝnana wu sǝlǝna ama wu ndanǝ kume mana kuti mǝno ka, sǝ ɗǝm ngga pà nǝ̀ mal raka.

Amǝ Ibǝru 11:10

Ibǝrayim pak mǝnia yì gir ka, acemǝnana nda ban kundǝ nggeala mǝnana ndanǝ kusǝɓa, sǝ ɓwa mǝnana nyoulǝ pa male sǝ ɓè ka, Ɓakuli na nǝ nggearǝì.

Amǝ Ibǝru 11:14

Lǝmndǝa a banfana ama aɓwana mǝnana à kǝ na ulang amǝnia yì acau ka, à nda ban alta nzali mǝnana à nǝ̀ tunǝi ama malea na ka.

Amǝ Ibǝru 11:40

acemǝnana Ɓakuli ka, ndanǝ gir mǝnana ɓoaribanì ka aɓa kane mala ace sǝm. Kane mala Ɓakuli ka nda mǝnana ama, yia ka à pà nǝ̀ kum lumsǝo kǝla mǝnana earkiyice ɓǝa pak ka ɗang she ɓǝ̀ sǝm ngga sǝm nda atea ka.

Amǝ Ibǝru 12:22

Sǝa ma yiu ma'wun ngga, wu yina aban Nkono Siyona, a nggeala mala Ɓakuli mǝyilǝmuì, a Urǝshalima mǝnana a kuli, aban mǝnana á-pas amur á-pas mala amǝturonjar nakam aban rambǝa aɓa banɓoarnado ka.

Amǝ Ibǝru 13:14

Aɓa mǝnia yì ɓanza ka, sǝm pànǝ nggeala mǝnana pà nǝ̀ mal raka ɗang, sǝm nda ban kundǝ nggeala mǝnana kǝ yiu ka.

Amǝ Ibǝru 2:11

Sǝ ado ka, Yesu andǝ aɓwana mǝnana kǝ táría ɓǝa duk mala Ɓakuli ka, Tárria mwashat. Nda gir mǝnana tsǝa sǝ kǝsǝkya pakki Yesu arǝ tunǝia ama, amǝ'eambǝi raka.

Sǝna 21:2

Sǝ ǝn sǝn Nggeala Mǝfele, yì bǝsa Urǝshalima. Ən sǝni puro aban Ɓakuli a kuli, sǝ kǝ sulǝo aban yiu. À gilǝkini pepe kǝla manfela mǝnana à gilǝkì wi rǝì aɓa ɓoarnsari ace ká aban burri ka.