Amǝ Ibǝru 10:32 - Maləmce Məfele mala Ɓakuli: Kurcau Məbəshe

³² Wu ɗenyi nǝ anonggeo mǝnana a pwaryan wu tita kum tǎlaban a ɓabum wun ngga. Wu tanni kǝrkǝr, sǝ wu eare tanni mak wun ɗang.

Amǝ Ibǝru 10:32 ပူးပေါင်းရင်းမြစ်များ

Amǝ Mishan 26:18

ace mǝnana wu mǝnbia wia mǝsǝia, ɓǝa puri ɓa pǝndǝa, ɓǝa yiu aɓa tǎlaban ngga. Mǝ ndarǝ túrǒ abania ace mǝnana ɓǝa pǝlǝa ɓǝa puri ɓata parban mala Shetan, sǝ ɓǝa yiu aban Ɓakuli. Anggo ka à nǝ̀ twalia wia ban acauɓikea malea, sǝ nǝ́ paɓamuru malea abanam ngga, à nǝ̀ kum ban-do aɓalǝ aɓwana mǝnana Ɓakuli tàrria ɓǝa duk amale ka.”

Amǝ Roma 12:12

Wu dum nǝ banɓoarnado aɓa tsǝkɓalǝu ma'wun; wu dum nǝ munyi aɓa tanni; wu do aɓa pak hiwi ko ya pwari.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

Amǝ Filipi 3:16

Sǝm ngga, ɓǝ̀ sǝm bwal kàngkàng arǝ bancame mǝnana sǝm bingŋǝna kam ngga.

Amǝ Kolosi 2:1

Ən nggǝ earce ɓǝ̀ wu surǝ ulang tanni mǝnana ǝn nggǝ tanni ace wun, andǝ amǝkpata Yesu mǝnana a Lawodisi, andǝ amǝkpata Yesu kat mǝnana à malaká sǝnam à surǝam raka.

Amǝ Ibǝru 12:4

Nggearǝ wara ma'wun arǝ cauɓikea ka, malaká ká nǝ wun aban sukki nkila wun ɗang.

Amǝ Ibǝru 5:12

Wu sauwuna aɓa kpata Yesu, ɓǝ́ ado ka, ɓoaro wu dumǝna amǝkani aɓea ɓwana gir. Sǝ ndo wu ndarǝ kundǝarǝ ɓe ɓwa ɓǝ̀ kǝ̀ kania wun amunacau mǝkeke aɓa cau mala Ɓakuli. Wu nda kǝla abangna-muna; mùr-kiura na wu earkiyi ce ka, wu gandǝ li girlina mǝcande ɗang.

Amǝ Ibǝru 6:10

Ɓakuli ka mǝ'ɗwanyi mǝsǝcau na ɗang; ɓālǝi pà nǝ̀ lorǝ aturo ma'wun andǝ earcearǝu mǝnana wu lǝmndǝi ace, nǝ ɗenyi mǝnana wu ɗenyi nǝ aɓwana male, sǝ wu ndarǝ lidǝmbǝa nǝi ka ɗang.

Amǝ Ibǝru 6:4

Aɓwana mǝnana à purî ɓa paɓamuru malea arǝ Kǝrǝsti ka, à pà nǝ̀ gandǝ nyesǝia ɗǝm ɓǝa pwanzali ɗang. Lang sǝ mani ka nǝ̀ pa anzǝm mana à kumǝna tǎlaban a ɓabumia, à ongŋǝna ɓoro mana yiu nǝ kuli, mana Ɓakuli kǝ pea aɓwana male, sǝ à kumǝna kāmbe malea mala Bangŋo Mǝfele, sǝ à nyare à yì pǝlǝ nǝ nzǝmia ka?

2 Yohana 1:8

Wu tsǝkir wun, ace mǝnana wu kǝa ɗwanyi tangnakusǝu turo ma'wun ɗang. Wu ak tangnakusǝ wun ɗǝɗak.

Sǝna 2:5

Ɗenyi nǝ bancame mo mǝnana a ndakam ɗiɗyal sǝ a yi kpa ka! Pǝlǝ nzǝmo arǝ acauɓikea mo sǝ wu nyare arǝ agir mǝnana a pakkiyi ɗiɗyal atadǝmbe ka. Ɓǝ̀ a pǝlǝ nzǝmo arǝ cauɓikea mo a pwanzali raka, mǝ nǝ yipo, sǝ mǝ nǝ yia twal gir tamsǝ pitǝla mo aban came male.

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.