Amǝ Ibǝru 10:10 - Maləmce Məfele mala Ɓakuli: Kurcau Məbəshe

¹⁰ Sǝ aɓa pě mala mǝno yì kànì mala Ɓakuli ka, sǝm dumǝna amale nǝ pá mǝnana Yesu Kǝrǝsti pà ɓoro nǝ nggūrǝì kusǝ mwashat ɓǝrɓǝr ace koyan ngga.

Amǝ Ibǝru 10:10 ပူးပေါင်းရင်းမြစ်များ

Yohana 17:19

Sǝ àkǝ̀ cea sǝ ǝn tar ɓamuram ɓǝn duk mo, acemǝnana yia gbal ka, ɓǝa tar ɓamuria aceo ɓǝa duk amo aɓa mǝsǝcau.

Yohana 19:34

Sǝa ma, mwashat aɓalǝ amǝnia yì asoje ka, zuɓi Yesu a nkanggari nǝ kaɗa, kara nkila andǝ mur puro aban sukkio.

Yohana 6:51

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

1 Amǝ Korinti 6:11

Sǝ aɓalǝ wun ngga, anggo sǝ aɓea aɓwana pak ɗiɗyal. Sǝ adyan ngga à langŋǝna wun, à tarna wun ace Ɓakuli, wu dumǝna amǝ'cauɓoarna aɓa lullǝ Mǝtalabangŋo Yesu Kǝrǝsti, sǝ nǝ Bangŋo mala Ɓakuli ma'sǝm.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Afisu 5:26

Kǝrǝsti pa yilǝmi ace mǝnana ɓǝ̀ tar aɓwana male, yì ikǝlisiya, ɓǝa duk a mala Ɓakuli, nǝ̀ nggǝ lea nǝ mur lakban mala cau mala Ɓakuli.

Amǝ Ibǝru 10:12

Sǝ Kǝrǝsti ka, pa ɓamuri kǝla gir'nkila kusǝ mwashat ɓǝrɓǝr ace acauɓikea, pàɓoro mǝnana karǝna ace twalban cauɓikea, málá male pà kàm raka, pǝlǝa ɓùn tè do a bu-mǝli mala Ɓakuli.

Amǝ Ibǝru 10:14

Nǝ mǝnia yì pa ɓamuri mǝnana pa kusǝ mwashat ka, tsǝngŋǝna aɓwana mǝnana kǝ tària ace Ɓakuli ka, à lumsǝna kǝla mǝnana Ɓakuli earkiyice ɓǝa pak ka, málá male pà kàm ɗang.

Amǝ Ibǝru 10:20

Yi mǝnba sǝm bǝsa njar mǝpà yilǝmui mǝnana kútí nǝ ɓa lagir aban ká aɓa Ban Nggea Mǝfele kat ka. Yì bǝsa njar ka yi pang nǝ́ nggūrǝi mǝnana pǎ ɓǝ̀ duk gir'nkila ka.

Amǝ Ibǝru 10:29

Sǝ mala ɓwa mǝnana ɓǝsǝki Muna mala Ɓakuli, parki a ɓakusǝi, sǝ nyesǝ ce nkila male ɓà, kǝla gir mǝfele na raka, ɓashi male nǝ̀ ɓiki pa kǝrkǝr. Acemǝnana mǝnia yì nkila ka nda nkila mala kurcau mǝnana panzǝi aɓalǝ acauɓikea male ɓǝ̀ duk mala Ɓakuli ka. Sǝ ɗǝm ngga ɓǝ̀ mǝno yì ɓwa ka sanggi Bangŋo Mǝfele mǝnana kǝ yinǝ ɓwamuru mala Ɓakuli amur sǝm ngga, ɓashi mǝnana nǝ̀ sulǝo amuri ka, nǝ̀ ɓiki pa kǝrkǝr.

Amǝ Ibǝru 10:5

Nda gir mǝnana tsǝa sǝ Kǝrǝsti, lang yina a ɓanza ka, banggi Ɓakuli ama: “Agir-nkila andǝ aɓoro ka, a éarceà ɗang, sǝa ma a pa nam nggūrǝu.

Amǝ Ibǝru 13:12

Kǝla mǝno gbal ka Yesu tanni anzǝm nggeala, ace mǝnana ɓǝ̀ tàr aɓwana male ace Ɓakuli nǝ nkile.

Amǝ Ibǝru 2:11

Sǝ ado ka, Yesu andǝ aɓwana mǝnana kǝ táría ɓǝa duk mala Ɓakuli ka, Tárria mwashat. Nda gir mǝnana tsǝa sǝ kǝsǝkya pakki Yesu arǝ tunǝia ama, amǝ'eambǝi raka.

Amǝ Ibǝru 2:14

Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

Amǝ Ibǝru 5:7

Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.

Amǝ Ibǝru 7:27

Yì ka, pà kǝla acili apǝris mǝgule mǝnana à camarǝ paki agir-nkila pwari-pwari ace acauɓikea malea ata dǝmbǝa, sǝ mala acili aɓwana ka ɗang. Yì ka, pà gir'nkila kusǝ mwashat ɓǝrɓǝr ace acauɓikea malea, yì mǝnana yi pa ɓamuri ka.

Amǝ Ibǝru 9:12

Kǝrǝsti kutio aɓa Ban Nggea Mǝfele kat kusǝ mwashat ɓǝrɓǝr. Pà nǝ́ nkila mala ambulpǝndǝa andǝ alo-nda ace pà gir-ɗarǝa sǝ kuti ɗang. Nda nǝ́ nggearǝ nkila male sǝ kutio. Sǝ anggo sǝ yì nǝ́ ɓamuri ka, kumba sǝm panzǝban aɓa cauɓikea andǝ tangnakusǝu male. Panzǝ sǝm nǝ panzǝban mǝnana pà nǝ̀ mal raka.

Amǝ Ibǝru 9:14

Sǝ gir mǝnana kuti mǝno kuko ka, nkila mala Kǝrǝsti nǝ̀ pè. Kǝrǝsti mǝnana cauɓikea pa a rǝì raka, pa ɓamuri kǝla gir'nkila aban Ɓakuli, aɓa rǝcandǝa mala Bangŋo mǝnana tè malkiyi raka. Nkila male nǝ̀ lak ɓabum sǝm aɓalǝ aturo mǝpǝndǝke mǝnana à nǝ̀ ká nǝ sǝm a lú ka. Sǝ anggo ka, sǝm nǝ̀ peri aban Ɓakuli mǝyilǝmuì.

Amǝ Ibǝru 9:26

Ɓǝ̀ nda anggo ka, ɓǝ́ Kǝrǝsti camǝna arǝ nu tanni tutu, twal a tita ɓanza yi bwal adyan. Sǝa ma ado ka, yi pusǝrǝi kusǝ mwashat ɓǝrɓǝr a masǝlǝata anza, ace mǝnana ɓǝ̀ twalban cauɓikea, nǝ́ pa mǝnana pà ɓamuri duk gir'nkila ka.

Amǝ Ibǝru 9:28

anggo gbal, Kǝrǝsti wu kusǝ mwashat ɓǝrɓǝr ace mǝnana ɓǝ̀ twalban cauɓikea mala ɓwapǝndǝa pas ka. Nǝ̀ ngga yiu ɗǝm, sǝ pà ace twalban cauɓikea ɗang, nda ace mǝnana nǝ̀ yia amsǝ aɓwana mǝnana à kǝ kundǝi nǝ rǝɓǝla ka.

1 Bitǝrus 2:24

Yì nǝ nggearǝì ka, twal acauɓikea ma'sǝm a nggūrǝì amur nggun- gangndi, ace mǝnana ɓǝ̀ sǝm wuki cauɓikea, sǝ ɓǝ̀ sǝm duk do ɓealɓoarna. Nǝ́ anpenye male mana à tsǝki wi ka sǝ wu kum twalban rǝkwana.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Yohana 5:6

Ɓwa mǝnana yiu nǝ múr andǝ nkila ka, nda Yesu Kǝrǝsti. Pà nǝ múr nǝmurǝì sǝ yiu ɗang, ndà nǝ múr andǝ nkila. Sǝ Bangŋo mala Ɓakuli ka nda mǝnana banggiyi mǝnia yì cau ka, acemǝnana yì Bangŋo ka, nda mǝsǝcau.