Amǝ Ibǝru 1:3 - Maləmce Məfele mala Ɓakuli: Kurcau Məbəshe

³ Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 1:3 ပူးပေါင်းရင်းမြစ်များ

Matiu 22:24

“Malǝm, Musa bangŋa ama ɓǝ̀ ɓwa wu pànǝ muna raka mǝ'eambǝi ɓǝ̀ al mami ɓǝ̀ ɓǝli lú amuna.

Markus 16:19

Anzǝm mǝnana Mǝtalabangŋo Yesu nania cau ka, kara à twali à um nǝi a kuli, kya do a bu-mǝli mala Ɓakuli.

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 1:29

Ɓe ban fana ka, Yohana sǝn Yesu aban yiu nǝ bani, sǝ pǝlǝa na ama, “Wu sǝn Mǝgam mala Ɓakuli, mǝnana twalkiyi cauɓikea mala ɓanza ka!

Yohana 1:4

Yì nda tǝr yilǝmu, sǝ mǝnia yì yilǝmu ka yiu nǝ tǎlaban aban ɓwapǝndǝa.

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

Amǝ Mishan 7:56

Pǝlǝa na ama, “Wu sǝni! Ndo ǝn sǝn kuli à mǝnni, sǝ Muna mala Ɓwa no cam nǝ came a bu mǝli mala Ɓakuli ka!”

Amǝ Roma 1:16

Mim ngga kǝsǝkya kǝ pakkam arǝ Cau Amsǝban mala Kǝrǝsti ɗang, acemǝnana mǝnia ka rǝcandǝa mala Ɓakuli na ace amsǝ aɓwana mana à paɓamuria ka, tite nǝ ɓwa Yahudi, sǝ ɓwa mǝnana ɓwa Yahudi na raka.

Amǝ Roma 8:34

Yana ɓwe na ado kasǝkiyi ɓashi amur sǝm? Yesu Kǝrǝsti na le, yì ɓwa mǝnana yi wú, sǝ lo nǝ yilǝmu, nda a bu-mǝli mala Ɓakuli, kǝ zǝmbǝa ace sǝm ngga le?

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

Amǝ Kolosi 3:1

Acemǝnana à loasǝna wun nǝ bǝsa yilǝmu aɓa Kǝrǝsti ka, wu tsǝk ɓabum wun arǝ agir mǝnana a kuli, aban mǝnana Kǝrǝsti dukam abuno gulo a bu-mǝli mala Ɓakuli ka.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 1:13

Ata amǝturonjar ka, yana Ɓakuli ne wi àkǝ̀ pwari ama, “Do a buam-mǝlì, she ɓǝ̀ ǝn nyesǝna aɓeo-amǝbura à pǝlǝna buno-tsǝk kusǝu a ɓakusǝo ka?”

Amǝ Ibǝru 10:12

Sǝ Kǝrǝsti ka, pa ɓamuri kǝla gir'nkila kusǝ mwashat ɓǝrɓǝr ace acauɓikea, pàɓoro mǝnana karǝna ace twalban cauɓikea, málá male pà kàm raka, pǝlǝa ɓùn tè do a bu-mǝli mala Ɓakuli.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.

Amǝ Ibǝru 7:27

Yì ka, pà kǝla acili apǝris mǝgule mǝnana à camarǝ paki agir-nkila pwari-pwari ace acauɓikea malea ata dǝmbǝa, sǝ mala acili aɓwana ka ɗang. Yì ka, pà gir'nkila kusǝ mwashat ɓǝrɓǝr ace acauɓikea malea, yì mǝnana yi pa ɓamuri ka.

Amǝ Ibǝru 8:1

Mugula cau mǝnana sǝm nakiyi ka, nda mǝnana ama, sǝm ndanǝ mǝno yì Pǝris Mǝgule mǝnana nda aban do a bu mǝli mala bunomurǝm mala Ɓakuli mǝnana karban kat ka, a kuli.

Amǝ Ibǝru 9:16

Amur cau mala eare mala ɓwa ace liɓala mǝnana à kǝ gilǝì nǝ gilǝe ka, kaniama à nǝ̀ pangŋǝna turo nǝi ka, she à nǝ̀ lǝmndǝ ama mǝtala-ɓala ka wuna pa andǝa mǝsǝi ɗang.

Amǝ Ibǝru 9:26

Ɓǝ̀ nda anggo ka, ɓǝ́ Kǝrǝsti camǝna arǝ nu tanni tutu, twal a tita ɓanza yi bwal adyan. Sǝa ma ado ka, yi pusǝrǝi kusǝ mwashat ɓǝrɓǝr a masǝlǝata anza, ace mǝnana ɓǝ̀ twalban cauɓikea, nǝ́ pa mǝnana pà ɓamuri duk gir'nkila ka.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

1 Bitǝrus 3:22

Ado ka, Kǝrǝsti umǝna a kuli, nda a bu-mǝli mala Ɓakuli, sǝ amǝturonjar, andǝ ayalban, andǝ arǝcandǝa kat ka, à nda a ɓate.

2 Bitǝrus 1:16

Cau mǝnana sǝm bangga wun amur rǝcandǝa andǝ yiu mala Mǝtala sǝm Yesu Kǝrǝsti ka, sǝm pà aban bangga wun njarnzǝne mǝnana ɓeɓwa pusǝì aɓa kutan ngga ɗang. Nǝ nggearǝ mǝsǝ sǝm, sǝm sǝn tâ mala ɓoarɓwa male.

2 Bitǝrus 1:17

Sǝm nda kam à kǝ banì mǝnana Ɓakuli Tarrû pe wi ɓoarɓwa andǝ gulo, pǝlǝa gi Ɓakuli pur nǝ ɓa mǝno yì tâ mǝgule mala ɓoarɓwa ka, yiu abani ama, “Mǝnia ka, nda Munem mǝnana ǝn nggǝ earce ka, kǝ pwasǝ bumam kǝrkǝr.”

1 Yohana 1:7

Sǝa ma ɓǝ̀ sǝm gya aɓa tǎlaban, kǝla mǝnana yì ka, nda aɓa tǎlaban ngga, lǝmndǝ ama sǝm ndanǝ dotarǝu nǝ rǝarǝ sǝm, sǝ nkila mala Muni Yesu kǝ lak sǝm arǝ acauɓikea kat.

1 Yohana 3:5

Sǝ wu sǝlǝna ama, Yesu ka yiu ace twal acauɓikea ma'sǝm, sǝ yì ka, cauɓikea pa a ɓalǝi ɗang.

Yahuda 1:25

Gulo kat ka, ɓǝa pe wi, yì Ɓakuli mwashat, Mǝ'amsǝ sǝm nǝ bu Yesu Kǝrǝsti Mǝtala sǝm. Nggearǝ ɓoarɓwa, andǝ gulo, andǝ rǝcandǝa, andǝ murǝm ngga, male na ɓara-ɓara, arǝ anza mǝnana à kutikina ka, ba adyan, andǝ dǝmbǝa. Amin.

Sǝna 3:21

Ɓwa mǝnana limurǝm ngga mǝ nǝ yinǝi nǝ̀ yia do atam amur bunomurǝm mem, kǝla mǝnana ǝn limurǝm sǝ ǝn yi do ata Tárram amur bunomurǝm male ka.

Sǝna 4:11

“A karǝna, We Mǝtalabangŋo Ɓakuli ma'sǝm. A karǝna ɓǝa ɓwangsǝo, ɓǝa po gulo, sǝ wu ak rǝcandǝa. Acemǝnana a nda mana a pusǝ agir kat ka. Kani mala ɓabumo na sǝ a pusǝia, sǝ do malea gbal ka, kani mala ɓabumo na.”