Amǝ Ibǝru 1:1 - Maləmce Məfele mala Ɓakuli: Kurcau Məbəshe

¹ A pwaryan ngga, Ɓakuli na cau nǝ aká sǝm kusǝ pas arǝ anjargula ɗàngɗáng, nǝ mburkun amǝ'ɓangna male.

Amǝ Ibǝru 1:1 ပူးပေါင်းရင်းမြစ်များ

Luka 1:55

kǝla mǝnana pàcau aban aká sǝm, à Ibǝrayim andǝ amǝkè, málá male pà kàm ɗang!”

Luka 1:72

Pak mǝnia ka ace lǝmndǝì atár sǝm mǝsǝswatǝr, sǝ ɓǝ̀ ɗenyi nǝ kurcau male mǝfele.

Luka 24:27

Pǝlǝa tite nǝ Nggurcau mala Musa andǝ Kanigir mala amǝ'ɓangna mala Ɓakuli kat, bǝlkia wia ɓalǝ acau mǝnana à gilǝia aɓalǝ Amalǝmce amuri ka.

Luka 24:44

Pǝlǝa nea wia ama, “Mǝnia ka nda cau mǝnana ǝn bangga wun, mana sǝm nda a tarǝ sǝm ngga. Koya gir mǝnana à gilǝì a muram aɓa Nggurcau mala Musa andǝ amalǝmce mala Amǝ'ɓangna mala Ɓakuli andǝ Anggyal ka, dumǝna púp à nǝ̀ lumsǝo.”

Yohana 16:13

Sǝ ɓǝ̀ Bangŋo, mǝnana kǝ lǝmndǝ mǝsǝcau amur Ɓakuli, yina ka, nǝ̀ yia kania wun ɓǝ̀ wu surǝ mǝsǝcau kat mǝnana kǝ pur aban Ɓakuli ka. Pà nǝ̀ ɓun cau a ɓamuri ɗang, kǝgir mǝnana o a kun Ɓakuli ka, kǝ nda nǝ̀ bang ngga. Sǝ nǝ̀ bangga wun ce agir mǝnana à malaká yiu peatu raka.

Yohana 7:22

Musa pà wun Nggurcau mala kasǝ-ɓatau kat andǝ amani ama yì nǝ̀ tite raka, aká wun nǝ̀ tite. Ace mani ka wu kǝ kasǝi muna ɓate a pwari Sabbat, pwari usǝlǝo.

Yohana 9:29

Sǝm sǝlǝna ama, Ɓakuli na cau nǝ Musa, sǝ mala ɓwabura mǝno ka, yale sǝm surǝ ban mǝnana pur kam ngga ɗang!”

Amǝ Mishan 13:32

Sǝ ado ka, sǝm ndya sǝm yina wun nǝ mǝnia yì Cau Amsǝban ngga. Mǝnia ka nda gir mana Ɓakuli bangŋa ama nǝ̀ pakki aká sǝm ngga.

Amǝ Mishan 2:30

Sǝ acemǝnana yì ka, mǝɓangna mala Ɓakuli na ka, surǝna rǝ cau mǝnana Ɓakuli banggi wi nǝ kángir ama, nǝ̀ tsǝk mwashat ata amǝkè ɓǝ̀ do a bunomurǝm male ka.

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 3:21

Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.

Amǝ Ibǝru 11:18

Ɓakuli angŋa dǝmbǝa nani wi ama, “Nǝ́ ban munio Ishaku, sǝ a wu nǝ kum amǝkau mo mǝnana ǝn po cau ace ka.”

Amǝ Ibǝru 11:2

Nda ace guliarǝu mala aɓwana mǝnana a pwaryan ngga, sǝ Ɓakuli ɓwangsǝia.

Amǝ Ibǝru 12:25

Wu tsǝkir wun, cala wu ginǝ oki Ɓakuli mǝnana kǝ na wun cau ka ɗang. Ɓǝ̀ amǝ Isǝrayila mǝnana à ginǝ oki Musa, lang nunkiria akani a ɓanza ka, à au raka, lang sǝ sǝm nǝ̀ auwa, ɓǝ̀ sǝm pǝlǝì Ɓakuli nzǝm sǝm, mǝno ado kǝ nunkir sǝm nǝ kuli ka?

Amǝ Ibǝru 2:2

Ɓǝ̀ cau mǝnana amǝturonjar ne ka, kum came kàngkàng, sǝ koya yàl nzongcau andǝ mgbicau ka, à kum tangnakusǝu mǝnana karǝ a rǝia ka,

Amǝ Ibǝru 2:3

lang sǝ sǝm nǝ̀ auwa, yi mǝnana ɓǝ̀ sǝm burice mǝnia yì amsǝban mǝgule ka? Mǝtalabangŋo bang ce a nggea dǝmbe, sǝ aɓwana mǝnana a oe nǝ kiria ka, à na sǝm ama, kǝ nda anggo.

Amǝ Ibǝru 3:5

Musa, kǝla guro aɓalǝ aɓwana mala Ɓakuli kat ka, dum nǝ mǝsǝcau, sǝ bangcau amur agir mǝnana Ɓakuli nǝ̀ yia nea a dǝmbǝa ka.

Amǝ Ibǝru 4:8

Ɓǝa bangŋa ama Jesǝwa pania wia mǝnia yì usǝlǝo ka, Ɓakuli pa nǝ̀ nyare nǝ̀ na ce ɓe kǝ pwari usǝlǝo ɗǝm mǝnana nǝ̀ yiu ka ɗang.

Amǝ Ibǝru 5:5

Anggo gbal, Kǝrǝsti pe ɓamuri gulo mala duk Pǝris Mǝgule ɗang. Ɓakuli nǝ pe wi mǝno yì gulo ka sǝ ne wi ama, “A nda Munem! Yalung ngga, ǝn dumǝna Tarró.”

Amǝ Ibǝru 9:19

Anzǝm mǝnana Musa malǝna banggi aɓwana kat koya nzongcau mala nggurcau ka, pǝlǝa twal nkila mala alo-nda andǝ mala ambulpǝndǝa, andǝ múr, sǝ watsǝkia amur malǝmce mala nggurcau. Watsǝkia gbal amur aɓwana kat, nǝ́ ɗàndíng mǝbangŋe andǝ mbú bondo-hisop.