Amǝ Galati 5:1 - Maləmce Məfele mala Ɓakuli: Kurcau Məbəshe

¹ A mǝsǝcau ka, Kǝrǝsti panzǝna sǝm; ace mani ka, wu cam kàngkàng aɓa mǝnia yì panzǝban ngga, wu kǝa na ama wu nǝ̀ taɓǝli rǝ wun aɓa doguro mala Nggurcau mala Musa ɗǝm ɗang.

Amǝ Galati 5:1 ပူးပေါင်းရင်းမြစ်များ

Matiu 23:4

Pak ka à kǝ yiu nǝ acau mǝkwane sǝ à nǝ̀ tsǝk aɓwana ama ɓǝa pea. Sǝ yia nǝ nggearǝia ka à pà nǝ̀ pak ko mwashat ata mǝno yì agir ka ɗang.

Luka 5:38

Mùr-anap mǝbǝshe ka aɓa du mǝbǝshe sǝ à nǝ̀ soé.

Amǝ Mishan 15:10

Sǝ palang ado, sǝ wu kǝ earce ama wu nǝ̀ karǝki Ɓakuli, nǝ tsǝki aɓwana mǝnia amǝ Yahudi na raka sǝ à pǝlǝ amǝkwaɗi ka, twalo mǝdǝmbǝre mana nggearǝ aká sǝm, ko sǝm nǝ ɓamurǝ sǝm ngga, sǝm gandǝ twale raka?

Amǝ Roma 6:14

Cauɓikea ka pà nǝ̀ duk gbani amur wun ɗang, acemǝnana wu pa ɗǝm aɓata Nggurcau ɗang, wu nda aɓata ɓwamuru mala Ɓakuli.

Amǝ Roma 6:18

Adyan ngga, à panzǝna wun a bu cauɓikea, ado ka, wu dumǝna aguro mala cauɓoarna.

Amǝ Roma 7:3

Ace mani ka, ɓǝ̀ mǝnia yì mɓwama puro al ɓe ɓwabura sǝ burri na nǝ mǝsǝì ka, nda aɓa pak cauɓikea nongnǝban a nza nǝ doɓala. Sǝ ɓǝ̀ burri pak lú ka, mɓwame purni mǝno yì Nggurcau ka, nǝ̀ gandǝ al ɓe ɓwabura, sǝ ɓǝ̀ pa anggo ka, pa aɓa pak cauɓikea nongnǝban a nza nǝ doɓala ɗang.

Amǝ Roma 7:6

Sǝ adyan ngga, sǝm purnì Nggurcau, acemǝnana sǝm wuna aban agir mǝnana ɗiɗyal à bwal sǝm a guro ka. Sǝm ado ka, sǝm nggǝ pak turo ɗǝm a njar mǝ'e mala Nggurcau mana à gilǝì nǝ́ gilǝa ka ɗang; turo ma'sǝm a dyan ngga, nda a njar mǝbǝshe mala Bangŋo.

Amǝ Roma 8:15

Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!”

Amǝ Roma 8:2

Acemǝnana, nggurcau mala Bangŋo mǝnana yinǝa sǝm yilǝmu aɓa Kǝrǝsti Yesu ka, panzǝkina sǝm a bu nggurcau mala cauɓikea andǝ lú.

1 Amǝ Korinti 15:58

Ace mani ka, wun amǝ'eambǝam, wu cam kàngkàng. Ɓǝ̀ kǝgir ɓǝ̀ kǝa gǝshi wun ɗang. Wu pita turo mala Mǝtalabangŋo koya pwari ka, acemǝnana wu sǝlǝna ama ɓe kǝ turo pà kàm wu nǝ̀ pe ace Mǝtalabangŋo, sǝ ture na ɓà ka ɗang.

1 Amǝ Korinti 16:13

Wu tsǝk kir wun. Wu tamsǝkusǝ wun kàngkàng aɓa paɓamuru. Wu pak aburana. Wu dum nǝ rǝcandǝa.

1 Amǝ Korinti 7:22

Ɗenyi ama ɓǝ̀ a nda guro ɗiɗyal sǝ Ɓakuli tunǝo wu duk mǝkwaɗi ka, Mǝtalabangŋo panzǝkino aɓa bu kùrban mala Shetan. Anggo gbal, ɓǝ̀ a ndá doɓamuro, sǝ Ɓakuli tunǝo wu duk mǝ kwaɗi ka, a dumǝna guro mala Kǝrǝsti, sǝ pup a nǝ nggǝ pak gir mǝnana Kǝrǝsti banggo ka.

2 Amǝ Korinti 11:20

Ɓafo, wu kǝ twal gandǝa nǝ ko ya ɓwa mǝnana kǝ pak guro nǝ wun, kǝ pwan agirkuma ma'wun, ko kǝ tǝpǝri wun, ko kǝ lǝmndǝa wun ama kuti wun, ko kǝ pakka wun gir kyauwikiban aɓa ɓwa ka.

2 Amǝ Korinti 3:17

Mǝtalabangŋo andǝ Bangŋo ka à nda mwashat, sǝ ban mǝnana Bangŋo mala Mǝtalabangŋo na kam ngga, panzǝban na kam.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Galati 3:25

Sǝ adyan mǝnana njar mala guli arǝ Kǝrǝsti yina ka, sǝm pa aɓata yalban mala Nggurcau ɗǝm ɗang.

Amǝ Galati 4:26

Sǝ ɓe mɓwama man yì Saratu ka, nda kǝla Urǝshalima, mǝnana a kuli ka. Yì ka, guro na ɗang. Sǝ Urǝshalima mǝnana a kuli ka, nda nggea sǝm kat.

Amǝ Galati 4:31

Ace mani ka, wun amǝ'eamrǝarǝu, sǝm ngga, sǝm nda ka amuna mala man-guro ɗang; sǝm nda ka amuna mala man-ala mana à ɓǝli aɓa do ɓamuru ka.

Amǝ Galati 4:9

Sǝ ado mǝnana wu surǝna rǝ Ɓakuli, ko a na raka, Ɓakuli surǝna rǝ wun ngga, palang sǝ wu kǝ earce nyar nǝ ta wun, wu nǝ̀ duk aguro mala alú andǝ akukwar mala ɓanza man, mǝnana à panǝ kǝ rǝcandǝa raka?

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Afisu 6:14

Ace mani ka, wu cam kàngkàng, wu kpata mǝsǝcau kǝla kur rǝǔ nǝ nggur-ɓunu, sǝ wu yal rǝ wun nǝ cauɓoarna kǝla daura-bolo mǝnana amǝ'lwa kǝ oasǝo a kikilia ace mgbali amǝsǝ-nta ka.

Amǝ Filipi 1:27

Ado ka, gir mǝnana ɓoaribanì ka, nda mǝnana ama wu do kǝla aɓwana mala Kǝrǝsti, nǝ bwal ɓamur rǝ wun aɓa njar mala Cau Amsǝban. Sǝ ko ɓǝ̀ ǝn yiu ɗǝm a sǝn wun, ko ǝn yiu raka, mǝ nǝ ok ce came ma'wun kàngkàng aɓa Bangŋo andǝ ɓabum mǝ'mwashati andǝ ɓariki a tarǝ wun ace paɓamuru ma'wun arǝ Cau Amsǝban.

1 Amǝ Tasalonika 3:8

Adyan ngga mǝnia yì gir ka, loasǝna sǝm ɗǝm, acemǝnana sǝm sǝlǝna ama wun ngga, wu nda aban came kàngkàng aɓa dotarǝu ma'wun wunǝa Mǝtalabangŋo Yesu.

2 Amǝ Tasalonika 2:15

Ace mani ka, wun amǝ'eamrǝarǝu, wu tamsǝ kusǝ wun kàngkàng, wu bwal mǝsǝcau mǝnana sǝm kania wun kat aɓa bang cau, andǝ cautera ka.

Amǝ Ibǝru 10:23

Ɓǝ̀ sǝm bwal kàngkàng arǝ tsǝkɓalǝu ma'sǝm mǝnana sǝm nggǝ bangce ka, acemǝnana Ɓakuli mǝnana pàcau aban sǝm ngga, à nǝ̀ gandǝ guli a rǝì ama kǝ nggaɗi kuni ɗang.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

Amǝ Ibǝru 3:6

Sǝ Kǝrǝsti, kǝla muna ka, dum nǝ mǝsǝcau amur aɓwana mala Ɓakuli. Sǝ sǝm ngga, sǝm ndaka amǝno yì aɓwana mala Ɓakuli, ɓǝ̀ sǝm bwal kàngkàng arǝ paɓamuru andǝ tsǝkɓalǝu ma'sǝm mǝnana sǝm nggǝ jali nǝi ka.

Amǝ Ibǝru 4:14

Sǝ acemǝnana sǝm ndanǝ nggea Pǝris Mǝgule mǝnana warina a kuli, yì Yesu Muna mala Ɓakuli ka, ɓǝ̀ sǝm bwal paɓamuru ma'sǝm kàngkàng, kǝla mǝnana sǝm ne nǝ kun sǝm ngga.

1 Bitǝrus 2:16

Wu dukdo kǝla aɓwana mǝnana à panzǝnia à kumǝna ɓamuria ka, sǝ ce wu pǝlǝ panzǝban ma'wun, dupa wun njargula pakki aɓealɓikea ɗang; ɓǝ̀ do ma'wun pa kǝla aguro mala Ɓakuli.

2 Bitǝrus 2:19

Amǝnia yì amǝkanigir mǝ'nyirì ka à kǝ nea aɓwana mǝnia ama à nǝ̀ pea wia kum-ɓamuru, sǝ yia nǝ ɓamuria ka, à nda ka guro mala aɓealǝu mala kìɗìkì. Gir mǝnana kat limurǝm amur ɓwa ka, ɓwe pǝlǝna guro aɓata gir nî.

Yahuda 1:3

Wun agyajam mem mǝnana ǝn earkiyi acea raka, mǝ ndanǝi a ɓabumam nǝ rǝɓǝla mǝ nǝ gilǝa wun cau amur amsǝban mǝnana sǝm kat sǝm ndanǝi ka. Sǝ ado ka ǝn nggǝ sǝni dumǝnam ama mǝ nǝ gilǝa, mǝ nǝ ɓakɓabum wun ɓǝ̀ wu munǝ ace yál dokwaɗi mana Ɓakuli pa kusǝ mwashat ɓǝrɓǝr ace anza kat, a ɓabu aɓwana male mǝnana tària ka.

Sǝna 2:25

Sǝa ma gir mǝnana wu ndanǝi ka, wu bwali kàngkàng she ɓǝn yina ka.

Sǝna 3:3

Nyesǝ ɓalǝo nǝ nzǝmo, ɗenyi nǝ agir mǝnana a ok atadǝmbe, sǝ a pa ɓabumo a rǝia ka; bwalia kàngkàng, sǝ wu pǝlǝ nzǝmo arǝ acauɓikea mo. Ɓǝ̀ mǝsǝo sa sǝ a lo raka, mǝ nǝ yipo a bu-pwari mǝnana a tsǝk ɓalǝo raka, kǝla yiu mala mǝn'i.