Amǝ Galati 4:9 - Maləmce Məfele mala Ɓakuli: Kurcau Məbəshe

⁹ Sǝ ado mǝnana wu surǝna rǝ Ɓakuli, ko a na raka, Ɓakuli surǝna rǝ wun ngga, palang sǝ wu kǝ earce nyar nǝ ta wun, wu nǝ̀ duk aguro mala alú andǝ akukwar mala ɓanza man, mǝnana à panǝ kǝ rǝcandǝa raka?

Amǝ Galati 4:9 ပူးပေါင်းရင်းမြစ်များ

Matiu 11:27

Tárram Ɓakuli panam agir kat aɓa buam. Kǝ ɓwa surǝam yì Muni ɗang, she kǝ yì Ɓakuli Tárram; sǝ kǝɓwa surǝ Ɓakuli yì Tárram ɗang, she kǝ mim Muni andǝ aɓwana mana ǝn tarkia mǝ nǝ lǝmndǝ Ɓakuli Tárram abania ka.

Luka 5:38

Mùr-anap mǝbǝshe ka aɓa du mǝbǝshe sǝ à nǝ̀ soé.

Yohana 10:14

Mǝ nda yalgir mǝɓoarne; ǝn surǝ anzur mem, sǝ yia gbal ka à surǝam,

Yohana 10:27

Anzur mem kǝ ok giem; ǝn surǝia, sǝ à kǝ kpatam.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Amǝ Roma 8:29

Aɓwana mǝnana Ɓakuli angŋa dǝmbǝa twalǝnia ka, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

1 Amǝ Korinti 13:12

Adyan ngga, sǝm nggǝ sǝnban mbǝrǝm-mbǝrǝm, kǝla yilǝmi gir aɓa tapwari mǝpǝndǝke, sǝ a dǝmbǝa ka, sǝm ne sǝnban ɓamǝsǝu andǝ ɓamǝsǝu. Ado ka, surǝe mem ngga lumsǝ ɗang, sǝ a dǝmbǝa ka, mǝ nǝ surǝ koman ngga, kǝla mǝnana Ɓakuli surǝam ɗǝɗak ka.

1 Amǝ Korinti 15:34

Wu nyare aɓa ɗenyicau ma'wun, sǝ wu bwaki bu wun arǝ cauɓikea. Aɓea ɓwana ata wun, à surǝ Ɓakuli ɗang. Ən bang mǝnia ka ace ɓǝ̀ wu kum kǝsǝkya.

1 Amǝ Korinti 8:3

Sǝ ɓwa mǝnana earce Ɓakuli ka, Ɓakuli surǝna rǝì.

2 Amǝ Korinti 11:20

Ɓafo, wu kǝ twal gandǝa nǝ ko ya ɓwa mǝnana kǝ pak guro nǝ wun, kǝ pwan agirkuma ma'wun, ko kǝ tǝpǝri wun, ko kǝ lǝmndǝa wun ama kuti wun, ko kǝ pakka wun gir kyauwikiban aɓa ɓwa ka.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

Amǝ Galati 3:3

Palang sǝ wu ɓanggea anggo? Anzǝm mǝnana wu tinata do kpata Yesu aɓa Bangŋo mala Ɓakuli ka, wu kǝ earce ado ama wu nǝ̀ masǝlǝte aɓa nggūrǝu le?

Amǝ Galati 4:3

Kani ama Yesu nǝ̀ yiu ka, anggo gbal sǝ sǝm pa. Sǝm nda kǝla amuna, aguro mala abangŋo mǝnana ado à bwal ɓanza mǝnia ka.

Amǝ Afisu 1:17

Ən nggǝ zǝmbǝi Ɓakuli mǝgulo, yì Tár Mǝtala sǝm Yesu Kǝrǝsti, ɓǝ̀ pa wun sǝlǝe mala Bangŋo mala Ɓakuli andǝ sǝngir, ace mǝnana ɓǝ̀ wu surǝ Ɓakuli kam kpǝm.

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

Amǝ Ibǝru 7:18

Nzongcau mala dobuno-pǝris mǝ'e ka, à nyesǝni a giriban, acemǝnana pà nǝ́ rǝcandǝa ɗang, sǝ gandǝ pak gir mǝnana ɓoaro ɓǝ̀ pak ka ɗang.

2 Bitǝrus 2:20

Sǝ ɓǝa ɓwana apini aɓealɓikea mala ɓanza nǝ njargula surǝ Mǝtala sǝm andǝ Mǝ'amsǝ sǝm Yesu Kǝrǝsti, sǝ à nyar ɗǝm nǝ nzǝmo à yì marǝki rǝia sǝ à ɓunggio aɓalǝ aɓealɓikea mǝno ka, zuriki mǝnana à nda a ɓalǝi ado ka, ɓikina kutina mǝdǝmbe.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.