Amǝ Galati 4:3 - Maləmce Məfele mala Ɓakuli: Kurcau Məbəshe

³ Kani ama Yesu nǝ̀ yiu ka, anggo gbal sǝ sǝm pa. Sǝm nda kǝla amuna, aguro mala abangŋo mǝnana ado à bwal ɓanza mǝnia ka.

Amǝ Galati 4:3 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Yohana 8:31

Yesu ne aɓwana mǝnana à pà ɓamuria abaní ka ama, “Ɓǝ̀ wu kpata kanigir mem ngga, wu nda ka amǝkpatam amǝ'mǝsǝcau nì.

Amǝ Mishan 15:10

Sǝ palang ado, sǝ wu kǝ earce ama wu nǝ̀ karǝki Ɓakuli, nǝ tsǝki aɓwana mǝnia amǝ Yahudi na raka sǝ à pǝlǝ amǝkwaɗi ka, twalo mǝdǝmbǝre mana nggearǝ aká sǝm, ko sǝm nǝ ɓamurǝ sǝm ngga, sǝm gandǝ twale raka?

Amǝ Roma 7:14

Sǝm sǝlǝna ama Nggurcau ka, gir mala Bangŋo na, sǝ mim ngga mǝ nda ɓwa aɓa nggūrǝu, guro aɓata cauɓikea.

Amǝ Roma 8:15

Bangŋo mǝnana à pa wun ngga, nda mǝnana nǝ̀ tsǝk wun a guro aban ká do ɓangciu ɗǝm ngga ɗang. Bangŋo mala pǝlǝ wun ɓǝ̀ wu duk amuna mala Ɓakuli na. Sǝ nǝ́ rǝcandǝa mala Bangŋo ka, ko yan ata sǝm ngga nǝ̀ ɓua aban Ɓakuli, nǝ̀ tunǝi ama, “Dâ!”

2 Amǝ Korinti 11:20

Ɓafo, wu kǝ twal gandǝa nǝ ko ya ɓwa mǝnana kǝ pak guro nǝ wun, kǝ pwan agirkuma ma'wun, ko kǝ tǝpǝri wun, ko kǝ lǝmndǝa wun ama kuti wun, ko kǝ pakka wun gir kyauwikiban aɓa ɓwa ka.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Galati 3:19

Sǝ mana ɗe nda tǝr pa Nggurcau? Ɓakuli pa Nggurcau nǝ nzǝmo, ace mǝnana ɓǝ̀ lǝmndǝì ɓwapǝndǝa acauɓikea malea. Sǝ Nggurcau ka à ci ama ɓǝ̀ pak turo ɓǝ̀ kya bik pwari yiu mala mǝno yì muna mala Ibǝrayim, mǝnana Ɓakuli pacau ace ka. Ɓakuli pa Nggurcau male nǝ bu amǝturonjar aban Musa, mǝnana do a nre ka aɓwana andǝ Ɓakuli ace banggia wia cau mala Nggurcau ka.

Amǝ Galati 4:2

Dumǝnia wia púp ɓǝa oki amǝ'lǝsǝban, she ɓǝa kya bwalǝna pǝlǝa mǝnana tarrìa kasǝ ka.

Amǝ Galati 4:24

Amǝnia yì agir ka, à nǝ̀ twalia kun-ndunocau na. Amamǝna mǝnia ɓari ka, à do a kun akurcau mala Ɓakuli mana ɓari ka. Mɓwama mǝdǝmbe yì Haga ka, cam a kun kurcau mana à pà a Nkono Saina, mǝnana kǝ ɓǝl amuna mǝnana aguro mala nggurcau na ka.

Amǝ Galati 4:25

Sǝ Haga, mǝnana cam a kunì Nkono Saina a nzali Arabiya ka, nda lǝmndǝ nggeala Urǝshalima mǝnana ado ka, acemǝnana yì andǝ aɓwana male ka, à nda ka guro, aɓata nggurcau.

Amǝ Galati 4:31

Ace mani ka, wun amǝ'eamrǝarǝu, sǝm ngga, sǝm nda ka amuna mala man-guro ɗang; sǝm nda ka amuna mala man-ala mana à ɓǝli aɓa do ɓamuru ka.

Amǝ Galati 4:8

Ɗiɗyal, mǝnana wu malaká surǝ Ɓakuli raka, wu nda ka aguro mala agir mǝnana aɓa mǝsǝcau ka a Ɓakuli na raka.

Amǝ Galati 4:9

Sǝ ado mǝnana wu surǝna rǝ Ɓakuli, ko a na raka, Ɓakuli surǝna rǝ wun ngga, palang sǝ wu kǝ earce nyar nǝ ta wun, wu nǝ̀ duk aguro mala alú andǝ akukwar mala ɓanza man, mǝnana à panǝ kǝ rǝcandǝa raka?

Amǝ Kolosi 2:20

Wun ngga, wu wuna wunǝa Kǝrǝsti sǝ à panzǝna wun a bu rǝcandǝa mala abangŋo mala mǝnia yì ɓanza ka. Sǝ ace mana sǝ wu kǝ dukdo kǝla weama wu ndaka mala ɓanza ka? Man tsǝa sǝ wu kǝ kpata anzongcau mala amǝɓanza mǝnana ama:

Amǝ Kolosi 2:8

Wu kǝa eari kǝɓwa ɓǝ̀ swarki wun nǝ makgir amur surǝe male mǝlime mana ɓe kǝ mǝɓoarne pà kàm a ɓalǝi raka. Ulang mǝno yì amakgir ka à kǝ pur aɓa kanigir mana à kumi a bu ɓwapǝndǝa, andǝ abangŋo mala ɓanza man, mǝnana mala Kǝrǝsti na raka.

Amǝ Ibǝru 5:12

Wu sauwuna aɓa kpata Yesu, ɓǝ́ ado ka, ɓoaro wu dumǝna amǝkani aɓea ɓwana gir. Sǝ ndo wu ndarǝ kundǝarǝ ɓe ɓwa ɓǝ̀ kǝ̀ kania wun amunacau mǝkeke aɓa cau mala Ɓakuli. Wu nda kǝla abangna-muna; mùr-kiura na wu earkiyi ce ka, wu gandǝ li girlina mǝcande ɗang.

Amǝ Ibǝru 7:16

Yesu ka duk pǝris, sǝ pà acemǝnana yì ka, lumsǝ kun gir mǝnana nggurcau mala Ɓakuli earkiyi ce amur ɓǝlban a tau mala Lawi ka ɗang. Yi duk pǝris nǝ rǝcandǝa mala yilǝmu mǝnana à pà nǝ̀ gandǝ kiɗiki raka.