Amǝ Galati 3:9 - Maləmce Məfele mala Ɓakuli: Kurcau Məbəshe

⁹ Nda gir mǝnana tsǝa sǝ aɓwana mana à paɓamuria aban Kǝrǝsti ka, à kum lumsǝo mala tsǝkbu mǝ'mwashati mǝnana Ibǝrayim kumo, nǝ́ paɓamuru male aban Ɓakuli ka.

Amǝ Galati 3:9 ပူးပေါင်းရင်းမြစ်များ

Amǝ Roma 4:11

Yì kasǝ-ɓatau mǝnana à kasǝi Ibǝrayim ngga nda gir mǝnana lǝmndǝ ama, nǝ́ paɓamuru male aban Ɓakuli ka, Ɓakuli earǝna angŋǝni, ama yì ka, mǝ'cauɓoarna na abani, sǝ à yì kasǝi wi ɓate. Ace mani ka, Ibǝrayim nda tar aɓwana kat mǝnana à pà ɓamuria aban Ɓakuli sǝ Ɓakuli kǝ ea amǝ'cauɓoarna na, kat andǝ amani ama à kasǝia wia ɓatea raka.

Amǝ Roma 4:16

Ace mani ka, nǝ́ guli a rǝ Ɓakuli sǝ ɓwa nǝ̀ kum gir mǝnana Ɓakuli pàcau ace ka. Ɓakuli pe anggo ace mǝnana ɓǝa sǝlǝ ama kàngkàng gir mǝnana pàcau ace ka nǝ̀ ɓwamur aɓwana nǝi, yia aɓwana kat mǝnana amuna mala Ibǝrayim na ka. Mǝno yì ɓwamuru ka pa ace amǝ Yahudi mǝnana à kpakiyi ata Nggurcau ka nǝmurǝia ɗang, nda gbal ace aɓwana mǝnana à earnǝ Ɓakuli, à guli a rǝì kǝla mala Ibǝrayim ngga. Ibǝrayim ngga nda tar sǝm kat.

Amǝ Roma 4:24

Nda gbal ace sǝm sǝ à gilǝì, sǝm mǝnana Ɓakuli nǝ̀ ak sǝm kǝla amǝ'cauɓoarna, acemǝnana sǝm pa ɓamur sǝm abani, yì ɓwa mana loasǝ Yesu Mǝtala sǝm a ɓembe ka.

Amǝ Galati 3:14

Kǝrǝsti akmúr sǝm ace mǝnana tsǝkbu mǝ'mwashati mǝnana Ɓakuli banggi Ibǝrayim ama nǝ̀ tsǝki wi ka, ɓǝ̀ yiu amur aɓwana arǝ anzali kat, nǝ bu Kǝrǝsti Yesu. Acemǝnana sǝm mana sǝm ndaka amǝkwaɗi ka, sǝm nǝ̀ gandǝ ak pacau mala Bangŋo Mǝfele nǝ paɓamuru.

Amǝ Galati 3:29

Sǝ ado mǝnana wu dumǝna a mala Kǝrǝsti ka, wu nda ka amuna mǝɓafoe mala Ibǝrayim. Wu nda ka amǝliɓala, sǝ pàcau mala Ɓakuli aban Ibǝrayim ngga, dumǝna ma'wun.

Amǝ Galati 4:28

Sǝ ado ka, wun amǝ'eambǝam, wu nda ka amuna mala kurcau, kǝla mana Ishaku pak ka.