Amǝ Galati 2:8 - Maləmce Məfele mala Ɓakuli: Kurcau Məbəshe

⁸ Kǝ Ɓakuli mǝ'mwashati, mǝnana pak turo nǝ Bitǝrus, ci mǝ'mishan na aban ká aban amǝ Isǝrayila ka, nda mǝnana pak turo nǝ mim, ciem mǝ'mishan aban ká gbal aban aɓwana mala acili anzali ka.

Amǝ Galati 2:8 ပူးပေါင်းရင်းမြစ်များ

Amǝ Mishan 1:25

ɓwa mǝnana nǝ̀ twal banturo mishan a kuni Yahuda, mǝnana nying sǝm o aban mǝnana dupi wi ka.”

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 15:12

Koyana ka duk ɗǝong, lang Barnabas andǝ Bulǝs kutia nacau mala agir-ndǝlǝki andǝ agir-gyambǝliban mana Ɓakuli pea nǝ buia aɓalǝ aɓwana mana amǝ Yahudi na raka.

Amǝ Mishan 19:26

A dyan ngga, wu nda wu kǝ sǝni sǝ wu kǝ oe nǝ akir wun, gir mǝnana mǝnia yì ɓwa à tunǝki ama Bulǝs kǝ pe ka. Nda ban na ama agir mǝnana aɓwapǝndǝa pe nǝ buia sǝ à kǝ peri abania ka, agir na à nǝ̀ peri abania ɗang ko bǝti, sǝ nda kǝ̀ pwan ɓabum ɓwapǝndǝa ka. Tsǝngŋǝnia à ɓwarkini tanjar akani aɓa Afisu andǝ bu-nzali Asiya kat.

Amǝ Mishan 21:19

Anzǝm makkun ngga, Bulǝs bǝl ɓalǝ agir mwashat-mwashat, mǝnana Ɓakuli pea nǝ bu turo mishan male aɓalǝ aɓwana mǝnana amǝ Yahudi na raka.

Amǝ Mishan 22:21

Pǝlǝa Mǝtalabangŋo nam ama, “Kyane, acemǝnana mǝ nǝ turo kuko aban aɓwana mǝnana amǝ Yahudi na raka.”

Amǝ Mishan 4:4

Kat andǝ amani ka, aɓwana pas mǝnana à ok cau mala Ɓakuli ka à paɓamuria, sǝ mǝnia ka yi tsǝk lakki mala aburana mǝnana à paɓamuria ka, yi bwal á-tongno (5,000).

Amǝ Mishan 8:17

Pǝlǝa Bitǝrus andǝ Yohana tsǝk buia amuria, sǝ à kum Bangŋo Mǝfele.

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

1 Amǝ Korinti 15:10

Ɓǝ̀ mana gir nì mǝ nda ado ka, nda acemǝnana ɓwamuru mala Ɓakuli nǝ̀ cem sǝ ǝn duk gir nì, sǝ mǝnia yì ɓwamuru à lǝmndǝam ngga yi duk ɓà ɗang. Yale ǝn pak turo ǝn kuti koyan ata amǝ'mishan ngga, sǝ mǝnia ka sǝlǝpe mem na ɗang, ko bǝti, ɓwamuru mala Ɓakuli mana nda atam ngga, nǝ̀ pak mani kat.

1 Amǝ Korinti 9:2

Ko ɓǝ̀ ndo ama aɓea aɓwana em ama mǝ nda mǝ'mishan raka, dumǝna ama wun ngga, wu nǝ̀ em! Acemǝnana wun ngga, wu nda ka gir'lǝmndǝa aɓa mǝsǝcau mala turo mishan mem aban Mǝtalabangŋo.

Amǝ Galati 3:5

Mǝ nǝ ɗi wun ɗǝm ngga, Bangŋo Mǝfele mǝnana Ɓakuli pa wun, sǝ pakki agir-ndǝlǝki aɓalǝ wun ngga, nda acemǝnana wu kpata Nggurcau mala Musa ka le, ko nda acemǝnana wu pa ɓamur wun arǝ Cau Amsǝban mana wu ok amur Kǝrǝsti ka?

Amǝ Kolosi 1:29

Ace mani ka ǝn nggǝ pak turo, ǝn nggǝ ɓariki kǝrkǝr, nǝ guli arǝ rǝcandǝa mǝgule mala Kǝrǝsti mǝnana pakkiyi turo a ɓalǝam ngga.

1 Amǝ Tasalonika 2:13

Sǝ ɗǝm ngga sǝm nggǝ pakki Ɓakuli yàwá tutu. Acemǝnana, lang sǝm yinǝ́nà wun nǝ́ cau mala Ɓakuli ka, wu twali kǝla cau mala ɓwapǝndǝa na ɗang. Wu oe, sǝ wu é cau mala Ɓakuli na, mǝ'mǝsǝcau nì mǝnana ndaban pak turo a ɓabum wun, wun aɓwana mǝnana kat wu pa ɓamur wun abani ka.