Amǝ Galati 2:6 - Maləmce Məfele mala Ɓakuli: Kurcau Məbəshe

⁶ Sǝ amǝno yì aɓwana à twaliá ama à nda ka aɓwana amǝgule mala ikǝlisiya ka, à pànǝ kǝ kaɓe cau mǝnana à nǝ̀ tsǝa amur cau mǝnana ǝn nggǝ hamnǝi ka ɗang. Kat andǝ amani ama à ndaka aɓwana amǝgule aɓa dǝmbam ngga, ǝn eari mǝno ɓǝ̀ ciem ɓǝn nying kpata gir mǝnana Ɓakuli lǝmndǝam ngga ɗang, ko bǝti, acemǝnana Ɓakuli ka, kǝ lǝmndǝ tàrban ɗang.

Amǝ Galati 2:6 ပူးပေါင်းရင်းမြစ်များ

Matiu 22:16

Pǝlǝa à tur amuna-ɓala malea andǝ aɓea ɓwana mala Hirǝdus abani. À na ama, “Malǝm, sǝm sǝlǝna ama we ka a nda ɓwa mǝɓafoe, ɗǝm ngga a kǝ kani tanjar mala Ɓakuli nǝ mǝsǝcau. A kǝ tar ɓwa ɗang, acemǝnana aɓwana kat abano ka à nda mwashat.

Markus 12:14

À yiu abani à yì na ama, “Malǝm, sǝm sǝlǝna ama we ka a kǝ came amur mǝsǝcau. Kǝɓwa pà kàm nǝ̀ pūrǝo ata bui male ka ɗang, acemǝnana ɓwapǝndǝa kat abano ka à twalia à nda mwashat. A kǝ kani njargula mala Ɓakuli nǝ mǝsǝcau. Sǝm ngge earce wu bangga sǝm; nggurcau eare ama ɓǝ̀ sǝm mbwe boalo-cemi aban Kaisar, yì murǝm mǝgule mala amǝ Roma le, ko pa a njari ɗang?

Luka 20:21

Pǝlǝa amǝ'iucau ɗi Yesu ama, “Malǝm, sǝm sǝlǝ ama cau mo andǝ kanigir mo ka mǝsǝcau na kat. Aɓwana kat abano ka amǝ'mwashati na. A kǝ kani njargula mala Ɓakuli nǝ mǝsǝcau.

Amǝ Mishan 10:34

Pǝlǝa Bitǝrus tita na cau ama: Ado ka ǝn sǝlǝna ama ɓafo na Ɓakuli ka earce kǝɓwa kuti ɓe ɗang.

Amǝ Mishan 5:36

Wu nǝ̀ gandǝ ɗenyi ama, ɓwa kǝla Tiudas, pur a pwaryan kǝ na ama, yì ka, ɓwamǝgule na, yi mǝnana aɓwana gbǝman-ine pǝlǝ amǝkpate ka. Sǝ à yì wali wǔ, amǝ kpate gbal ka à mesǝke, sǝ cau male yi wú anggo.

Amǝ Roma 2:11

Mǝnia ka nda acemǝnana Ɓakuli ka, kǝ tàrban ɗang.

2 Amǝ Korinti 11:5

Sǝ a sǝne mem ngga, aɓwana mǝno wu tunǝkia ama, “akanggǝrang amǝ'mishan” ngga, à kutiam nǝ kǝgir ɗang!

2 Amǝ Korinti 12:11

Ən kutia pakkiagir kǝla ɓwaɓana. Sǝ wu nda wu ciem a ɓalǝi ka, a kun mǝnana ɓǝ́ wu nǝ̀ nggǝ ɓwangsǝam ngga. Acemǝnana amǝno yì “akanggǝrang amǝ'mishan” ma'wun ngga, à kutiam nǝ kǝgir ɗang, kat andǝ amani ama mǝ nda kǝgir gbal raka.

2 Amǝ Korinti 5:16

Ace mani ka, twal adyan aban ká dǝmbǝa ka, sǝm nggǝ sǝn ɓwapǝndǝa ɗǝm nǝ sǝne mala ɓanza aɓa nggurǝu ɗang. Kat andǝ amani ama ɗiɗyal ka, sǝm twal Kǝrǝsti aɓa sǝne mala nggūrǝu ka, adyan ngga, anggo sǝ sǝm twali ɗang.

Amǝ Galati 2:2

Ən wari kano, acemǝnana Ɓakuli nǝ̀ lǝmndǝam ama ɓǝ̀ ǝn kyane. Akano ka, sǝm nggea do nǝ murǝ sǝm, sǝnǝ aɓwana mǝnana à twalia ama à nda ka aɓwana-mǝgule mala Ikǝlisiya ka. Pǝlǝa ǝn bǝlia wia ɓa Cau Amsǝban mǝnana ǝn nggǝ hamnǝi aban aɓwana mala acili anzali ka. Eare mem nda mǝnana kun sǝm ɓǝ̀ duk mwashat, ace mǝnana ɓǝ̀ turo mem mǝnana ǝn pangŋǝni andǝ mǝnana ado mǝ nda rǝ pe ka, ɓǝa kǝa ue ɓa ɗang.

Amǝ Galati 6:3

Ɓǝ̀ kǝ ɓwa twalî ɓamuri ama ndanǝ gulo, sǝ pà nǝ̀ nyesǝ ɓamuri nǝ̀ bwali kǝ ɓwa kàm raka, ɓwe kǝ swarki ɓamuri nǝ swarkio. Yì ka, pà a kun ɓe kǝgir ɗang.

Amǝ Ibǝru 13:17

Wu oki aɓwana mǝnana a múr wun ngga, wu pà ɓamur rǝ wun a ɓatea. Acemǝnana à ndaka amǝyal wun, sǝ à ndaka aɓwana mǝnana Ɓakuli nǝ̀ ngga ɗia amur mǝnia yì turo pea wia ka. Ace mani ka, wu cia ɓǝa pak ture nǝ bumpwasǝa, pà aɓa bumkiɗikea ɗang. Ɓǝ̀ ana raka, pà nǝ̀ ɓoara wun ɗang.

Amǝ Ibǝru 13:7

Wu ɗenyi nǝ aɓwana-mǝgule ma'wun mǝnana à kania wun cau mala Ɓakuli ka. Wu ɗenyi nǝ agir mǝɓoarne mǝnana à pur aɓa do malea ka, sǝ wu twal kusǝ kǝ paɓamuru malea.

1 Bitǝrus 1:17

Wu ɗenyi ama, Tárru mǝnana a kuli, wu pakkiyi hiwi abani ka, kǝ lǝmndǝ tarban ɗang. Yì ka, nǝ̀ kasǝi ɓwa ɓashi, ko nǝ̀ pe wi tangnakusǝi mǝnana karǝ arǝ gir mǝnana pè ka. Ace mani ka, wu masǝlǝ do yilǝmu ma'wun kǝla abǝri akani a ɓanza, nǝ ɓanggi Ɓakuli.