Amǝ Galati 2:2 - Maləmce Məfele mala Ɓakuli: Kurcau Məbəshe

² Ən wari kano, acemǝnana Ɓakuli nǝ̀ lǝmndǝam ama ɓǝ̀ ǝn kyane. Akano ka, sǝm nggea do nǝ murǝ sǝm, sǝnǝ aɓwana mǝnana à twalia ama à nda ka aɓwana-mǝgule mala Ikǝlisiya ka. Pǝlǝa ǝn bǝlia wia ɓa Cau Amsǝban mǝnana ǝn nggǝ hamnǝi aban aɓwana mala acili anzali ka. Eare mem nda mǝnana kun sǝm ɓǝ̀ duk mwashat, ace mǝnana ɓǝ̀ turo mem mǝnana ǝn pangŋǝni andǝ mǝnana ado mǝ nda rǝ pe ka, ɓǝa kǝa ue ɓa ɗang.

Amǝ Galati 2:2 ပူးပေါင်းရင်းမြစ်များ

Matiu 10:16

Mǝ ndya ǝn nggǝ tur wun kǝla anzur aɓalǝ anvwa bondo. Ace mani ka wu dum nǝ sǝlǝe kǝla an'yau, sǝ wu pak ɓukɓuk kǝla akutu.

Amǝ Mishan 15:12

Koyana ka duk ɗǝong, lang Barnabas andǝ Bulǝs kutia nacau mala agir-ndǝlǝki andǝ agir-gyambǝliban mana Ɓakuli pea nǝ buia aɓalǝ aɓwana mana amǝ Yahudi na raka.

Amǝ Mishan 15:2

Bulǝs andǝ Barnabas ka à earnǝ mǝnia yì kanigir ka ɗang, à makgir kǝrkǝr andǝ amǝno yì amǝ Yahudi ka. A masǝlǝate ka, à yì eare ama ɓǝa tasǝ Bulǝs, sǝ Barnabas, andǝ aɓea amǝkwaɗi ɓǝa kya Urǝshalima ɓǝa kya kum amǝ'mishan andǝ aɓwana-mǝgule amur ikǝlisiya, ɓǝa ok kunia amur mǝnia yì cau ka.

Amǝ Mishan 15:4

Lang à yina a Urǝshalima ka, amǝkwaɗi andǝ amǝ'mishan andǝ aɓwana-mǝgule amur amǝkwaɗi gingsǝia. Pǝlǝa yia ka à twal gir mǝnana kat Ɓakuli pak nǝia aɓa gya malea ka, à banggia wia.

Amǝ Mishan 18:9

Aɓe fara nǝ du ka, Mǝtalabangŋo na cau nǝ Bulǝs aɓa sǝnǝ aɓa Bangŋo ama, “Ɓangciu ɓǝ̀ kǝa pakko ɗang, sǝ kǝa na ama a nǝ nying hamnǝ cau mala Ɓakuli ɗang,

Amǝ Mishan 23:11

Àkǝ̀ bu du mǝno ka, Mǝtalabangŋo lǝmndǝrǝi aban Bulǝs sǝ na ama, “Ɓǝ̀ ɓangciu ɓǝ̀ kǝa pakko ɗang! Kǝla mǝnana a na cau mem a Urǝshalima ka, dumǝna ama anggo sǝ a wu nǝ ngga nakunam a Roma gbal.”

Amǝ Mishan 5:34

Pǝlǝa ɓeɓwa nakam aɓalǝia, ɓwa Farisi, mǝnana à tunǝki ama Gamaliyel, malǝm Nggurcau mala Musa, mǝnana ɓwapǝndǝa kat kǝ pe wi gulo ka. Lo came aɓalǝia, sǝ tsǝa ɓe amǝ'mishan pur a nza bǝti.

Amǝ Roma 9:16

Ace mani ka, Ɓakuli na twalkiyi ɓwa mǝnana nǝ̀ lǝmndǝì wi ɓwamuru ka. Sǝ twalban male ka kǝ kpata gir mǝnana aɓwana earce ko à ɓariki pe ka ɗang.

1 Amǝ Korinti 1:23

Sǝ ma'sǝm ngga, sǝm nggǝ hamnǝ bǝsa Cau Amsǝban mala Kǝrǝsti mǝnana à gballì a nggun-gangndi ka. Mǝnia yì bǝsa cau ka tali annda na aban amǝ Yahudi, sǝ cau mǝɓangge na aban aɓwana mala acili anzali.

1 Amǝ Korinti 2:2

Acemǝnana ǝn twal a bumam nǝma ǝn earce surǝ ɓe kǝgir aɓalǝ wun ɗang, she kǝ Yesu Kǝrǝsti, kǝ yì mǝnana à gballì amur nggun-gangndi ka.

1 Amǝ Korinti 9:24

Wu sǝlǝ mbak ama aɓa ɗire ɓanggi-amire ka, aɓwana pas sǝ à nǝ̀ ɓangŋa, sǝ ɓwa mwashat na nǝ̀ li, nǝ̀ kum tangnakusǝi ka? Wun ngga, wu nǝ̀ ɓangŋa anggo gbal, ace mǝnana ɓǝ̀ wu kum tangnakusǝ wun.

1 Amǝ Korinti 9:26

Nda gir mǝnana tsǝa sǝ ǝn nggǝ ɓangmire nǝ mǝsǝam jik aban ká masǝlǝate ka; mǝ nda kǝla mǝ'ta dambe mǝnana kǝ tāban ɓà raka.

2 Amǝ Korinti 12:1

Dumǝnam ama mǝ nggori, ko kat andǝ amani ama pà nǝ̀ pur kǝgir raka. Sǝ ado ka, mǝ nǝ na cau amur asǝnsǝna andǝ acausǝna mǝnana Mǝtalabangŋo lǝmndǝamia ka.

Amǝ Galati 1:12

Ən ak cau mem a bu ɓwapǝndǝa ɗang, sǝ kǝɓwa nǝ̀ kaniam gbal ɗang. Mǝnia yì cau ka, Yesu Kǝrǝsti nǝ̀ mǝnmbam ɓālǝi nǝ ɓamuri.

Amǝ Galati 1:16

ɓǝ̀ lǝmndǝam Muni ace mǝnana ɓǝ̀ ǝn hamnǝ Cau Amsǝban male aban aɓwana arǝ aɓea nzali. Sǝ mim ngga ǝn alta kwarkiru mala kǝɓwa ɗang

Amǝ Galati 1:6

Ən nggǝ ndali nǝ kaurǝ ndǝli ma'wun arǝ Ɓakuli, mǝnana tunǝ wun nǝ ɓwamuru mala Kǝrǝsti, sǝ wu pǝlǝa wu kǝ kpata ɓe kǝ cau ɗàng ngga.

Amǝ Galati 2:6

Sǝ amǝno yì aɓwana à twaliá ama à nda ka aɓwana amǝgule mala ikǝlisiya ka, à pànǝ kǝ kaɓe cau mǝnana à nǝ̀ tsǝa amur cau mǝnana ǝn nggǝ hamnǝi ka ɗang. Kat andǝ amani ama à ndaka aɓwana amǝgule aɓa dǝmbam ngga, ǝn eari mǝno ɓǝ̀ ciem ɓǝn nying kpata gir mǝnana Ɓakuli lǝmndǝam ngga ɗang, ko bǝti, acemǝnana Ɓakuli ka, kǝ lǝmndǝ tàrban ɗang.

Amǝ Galati 2:9

Ɓafo, nggearǝ Jemis, sǝ Bitǝrus, sǝ Yohana, mǝnana à twalia ama à ndaka atanggea-nggun mala Ikǝlisiya ka, à sǝnǝna ɓwamuru mǝnana Ɓakuli pam mala turo mǝnia ka; pǝlǝa à ak sǝm sǝnǝ Barnabas, sǝm duk aɓia amǝturo. À pu nzǝm sǝm aban hamnǝ cau aban aɓwana mala aɓea anzali, sǝ yia ka à kutio ata turo aban amǝ Isǝrayila.

Amǝ Galati 5:7

Wu tite ka, wu nda arǝ lidǝmbǝa pepe. Sǝ yana yi tamsǝ wun ɗǝm arǝ kpata mǝsǝcau?

Amǝ Filipi 2:16

Sǝ aɓa doe anggo ɓǝ̀ wu kǝ bwal kàngkàng arǝ cau mǝnana pākiyi yilǝmu ka. Ɓǝ̀ wu kǝ pa anggo ka, a pwari mǝnana Kǝrǝsti nǝ̀ nyar nǝi ka, mǝ nǝ nggori nǝ wun, sǝ mǝ nǝ sǝlǝ gbal ama turo mem andǝ ɓariki mem ngga, à pà ɓà ɗang.

Amǝ Filipi 2:29

Wu gingsǝi nǝ earcearǝu mala amǝkwaɗi, nǝ banɓoarnado pepe, andǝ pagulo, kǝla mǝnana ɓoaro ɓǝa pea amǝ pakki Mǝtalabangŋo turo ka.

1 Amǝ Tasalonika 3:5

Ace mani ka, lang ǝn sǝni, pa mǝ nǝ gandǝ twal gandǝa ɗǝm raka, nda sǝ ǝn tasǝ Timoti, ɓǝ̀ yiu ɓǝ̀ yi sǝn tà wun aɓa do paɓamuru ma'wun aban Yesu. Ɓangciu pakkam ama, ce wu earǝ́nì mǝkarǝkiban, yì Shetan swarkina wun, wu ɗekina kpata Yesu, sǝ turo mala Ɓakuli mǝnana sǝm pe aɓalǝ wun ngga, uena ɓà!

2 Timoti 4:7

Ən munǝna munǝo mǝɓoarne, mire mem bwalǝna masǝlǝate, sǝ ǝn camǝna kàngkàng aɓa paɓamuru arǝ Kǝrǝsti māna à pam a buam ngga.

Amǝ Ibǝru 12:1

Ado ka sǝm ndya nǝ ɓwabunda mǝ lakke kǝrkǝr mǝnana à lǝmndǝ ama à guli arǝ Ɓakuli, à gumbǝli sǝm aɓalǝu, à kǝ sǝn sǝm ngga! Ace mani ka, ɓǝ̀ sǝm sukki agir kat mǝnana à kǝ eara sǝm raka, andǝ acauɓikea mǝnana à kwan a taɓǝlǝki sǝm na raka. Ɓǝ̀ sǝm ɓangmire nǝ gandǝrǝu, yì mire mǝnana Ɓakuli tsǝka sǝmi a dǝm sǝm ngga.