Amǝ Galati 1:7 - Maləmce Məfele mala Ɓakuli: Kurcau Məbəshe

⁷ Wu nda ban kpata ɓe “cau amsǝban” mǝnana a mǝsǝ sǝm ngga, kǝ cau amsǝban na raka. Aɓea aɓwana na, à kǝ earce zurǝì mur wun, à nǝ̀ ɓosǝki ta Cau Amsǝban mala Kǝrǝsti ka.

Amǝ Galati 1:7 ပူးပေါင်းရင်းမြစ်များ

Matiu 24:24

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ puro sǝ à nǝ̀ pakki agir-lǝmndǝa mǝgulke andǝ agir-ndali ace swarki aɓwana, yale ɓǝa nǝ̀ gandǝi ka, nggearǝ aɓwana mǝnana Ɓakuli tarkia ka, à nǝ̀ ɓosǝkia.

Amǝ Mishan 13:10

“We muna mala Shetan! A nda ɓimǝbura mala gir mana kat mǝɓoarne na ka! We ka, a lumsǝ nǝ aɓealɓikea ɗàngɗáng mala swarkiban andǝ ɓosǝkia aɓwana. A pà nǝ nying buo arǝ pūrǝki mǝsǝcau mala Mǝtalabangŋo ama ɓǝ̀ pǝlǝ nyir ɗang?

Amǝ Mishan 15:24

Sǝm o ama aɓea aɓwana mana sǝm nǝ̀ turia raka, à pur aɓalǝ sǝm à yiu aban wun à yì zurǝi mur wun, à zunggǝli ɓabum wun nǝ acau mana à bang ngga.

Amǝ Mishan 20:30

Sǝ a nggearǝ ɓalǝ wun ngga, aɓea aɓwana nǝ̀ lo à nǝ̀ ɓosǝki kusǝ mǝsǝcau. À nǝ̀ kutia kanigir-nyir ace mǝnana à nǝ̀ kum aɓea aɓwana mǝnana à nǝ̀ swarkia ɓǝa pǝlǝ amǝkpata tea ka.

2 Amǝ Korinti 11:13

Amǝnia yì aɓwana ka, amǝ'mishan mǝ'nyirì na. Yia ka, amǝɓosǝkiban na, mǝnana à ɓosǝki rǝia kǝla amǝ'mishan mǝɓafoe mala Kǝrǝsti ka.

2 Amǝ Korinti 2:17

Sǝm pa kǝla acilia aɓwana, mǝnana à twal cau mala Ɓakuli gir nggaliki na ka ɗang. Sǝm, aɓa tárǝu ma'sǝm sǝnǝa Kǝrǝsti ka, sǝm nggǝ hamnǝ cau nǝ ɓabum sǝm mwashat a ɓadǝm Ɓakuli, kǝla aɓwana mǝnana Ɓakuli nǝ̀ turia ka.

2 Amǝ Korinti 4:2

Sǝm nyingŋǝna bu sǝm arǝ agir kǝsǝkya mǝnana à kǝ pea aɓa sǝmbǝrǝa ka, sǝ sǝm ginǝce ɓealǝu mala swarkiban. Pà sǝm nǝ̀ na cau mala Ɓakuli nǝ nyir ɗang. Sǝm nǝ̀ dukdo mǝsǝcau aɓa tǎlaban a ɓadǝm Ɓakuli, sǝ sǝm nǝ̀ ɓariki aban lǝmndǝ ɓamur rǝ sǝm a njar mǝɓoarne aban aɓwana kat mǝnana à kǝ gandǝ gakita mǝɓoarne andǝ mǝɓane aɓa ɗenyicau malea ka.

Amǝ Galati 1:6

Ən nggǝ ndali nǝ kaurǝ ndǝli ma'wun arǝ Ɓakuli, mǝnana tunǝ wun nǝ ɓwamuru mala Kǝrǝsti, sǝ wu pǝlǝa wu kǝ kpata ɓe kǝ cau ɗàng ngga.

Amǝ Galati 2:4

Mǝno yì cau ka lo, ace aɓea ɓwana mǝnana à na ama à nda ka amǝ kpata Yesu, sǝ ɓafo à nda raka. Yia ka, à kutio aɓalǝ sǝm zàng, à kǝ shenzǝki sǝm, à kǝ earce iu panzǝban mǝnana sǝm ndanǝi aɓa Kǝrǝsti Yesu ka. À kǝ ear ama à nǝ̀ nyesǝ sǝm ɓǝ̀ sǝm duk guro mala anggurcau mala amǝ Yahudi.

Amǝ Galati 4:17

Amǝno yì amǝkanigir mǝ'nyir nì ka, à ndanǝ rǝɓǝla arǝ alta ɓabum wun, sǝ ɗenyicau malea aban wun ngga, mǝɓoarne na ɗang. À kǝ ɓariki ama ɓǝ̀ sǝm gau sǝnǝa wun, ace mǝnana kǝ̀ yia na ɓǝ̀ wu kǝ okia wia ka.

Amǝ Galati 5:10

Mǝ ndanǝ makɓalǝu arǝ Mǝtalabangŋo ama pa wu nǝ̀ ɓinǝ cau mem, wu nǝ̀ earnǝ ɓe kǝ cau ɗang. Ɓakuli nǝ̀ ɓashi mǝno yì ɓwa kǝ zurǝki kusǝ wun ngga, ko ɓǝ̀ yì nda yan ngga.

Amǝ Galati 5:12

Yale eare mem ngga nggearǝ aɓwana mǝnana à kǝ pa wun tanni, à kǝ zurǝki kusǝ wun nǝ cau mala kasǝ-ɓatau ka, ɓǝa jamsǝ ɓamuria, ɓǝa duk abaran nǝ yia.

Amǝ Galati 6:17

Adyan ngga, kǝɓwa ɓǝ̀ kǝa na ama nǝ̀ soaki ɓabumam nǝ amǝnia yì agir ka ɗang. Acemǝnana mǝ ndanǝ ayalenpenye a nggūrǝam mǝnana à lǝmndǝ ama mǝ nda mala Yesu ka.

2 Timoti 2:18

À ɗekini njar mala mǝsǝcau, à kǝ na ama loapi ɓembe mala alú kutina. Nǝ ulang mǝnia yì kanigir ka, à tsǝngŋǝna aɓwana pas à ɗekina paɓamuru malea aban Ɓakuli.

1 Yohana 2:26

Mǝ nda ban gilǝa wun amǝnia yì agir ka, ace nunkir wun arǝ aɓwana mǝnana à kǝ earce à nǝ̀ tsǝk wun, ɓǝ̀ wu ɓwarki ka.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.

2 Yohana 1:10

Ɓǝ̀ kǝɓwa yiu aɓa kpapi ma'wun, sǝ yinǝ mǝnia yì kanigir raka, wu kǝa é arǝ aɓala ma'wun, ko wu cianda ɗang.

2 Yohana 1:7

Ən bang mǝnia ka acemǝnana amǝ swarkiban pas mana à ear ama Yesu Kǝrǝsti yiu aɓa nggūrǝu raka, à kutina a ɓanza. Ɓwa kǝla ulang amǝno ka, mǝswarkiban na sǝ ɓimǝbura mala Kǝrǝsti na.

Yahuda 1:4

Ən bangŋa anggo acemǝnana aɓea aɓwana mana à kǝ ɓanggi Ɓakuli raka, à swarǝ́na zàng, à kutikina aɓalǝ wun. À nda ka ɓwana mǝnana à nyesǝ ɓwamuru mala Ɓakuli ma'sǝm pǝlǝia wia njar pakki agirɓana mala nonggi nǝ rǝarǝu, sǝ à kǝ ginǝki kǝ Múr sǝm, Mǝtala sǝm, Yesu Kǝrǝsti. Ɓashi mǝnana nda amuria ka Ɓakuli angŋa dǝmbǝa gilǝni ɓara-ɓara.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!

Sǝna 13:14

Nǝ agir-ndǝlǝki mǝnana à eari wi ɓǝ̀ pea a ɓadǝm nyamɓikea mǝdǝmbe ka, twalo swarki aɓwana kat mǝnana à nda ka amǝkpata ɓanza man ngga. Cia ɓǝa ɓak ɓǝ̀nzál mala nyamɓikea mǝdǝmbe mǝnana à tsǝki wi mpenye nǝ nggeabyau ɓǝ́ nǝ̀ wal-lui sǝ yi au ka.

Sǝna 19:20

Sǝ yì nyamɓikea ka, à bwali atarǝia andǝ mǝɓangna mǝ'nyirì mǝnana pakkiyi agir-ndali ace ka. Nǝ amǝno yì agir-ndali pea ka sǝ ɓosǝki ta aɓwana mǝnana à ak nyoulǝa mala nyamɓikea, sǝ à peri aban ɓǝ̀nzál male ka. Nyamɓikea andǝ mǝɓangna male mǝ'nyirì, yia kǝm, à turia nǝ yilǝmia aɓa garang mala bǝsa mǝnana kǝ li nǝ atali ear-bǝsa ka.

Sǝna 2:2

Ən surǝna rǝ aturo mo, andǝ mǝsǝkang-kangŋa mo arǝ turo, andǝ munyi mo aɓa tanni. Ən sǝlǝna ama we ka, a kǝ earnǝ aɓwana amǝ'ɓealɓikea ɗang. Aɓwana mǝnana à bangŋa ama à ndaka amǝ'mishan, sǝ nda raka, a mwamngginia, sǝ a kumia ka amǝnyir na.

Sǝna 2:20

Sǝa ma mǝnia nda gir mǝnana ǝn ɓínǝì a rǝo ka. A kǝ eari Jezebel, mɓwama mǝno tunǝki ɓamuri ama mǝɓangna ka, kǝ tsǝk aguro mem ɓǝa ɓwarki tanjar, ɓǝa li girlina mǝnana à ci ata ankúl, sǝ ɓǝa pak cauɓikea nongginǝ-rǝaria.

Sǝna 2:6

Aɓa mǝno she ka gir mǝnana banɓoaram nǝi a rǝo ka nda mǝnia ka: A ɓinǝmǝsǝ pakkiagir ɓealɓikea mala amǝ Nikolata, amǝnana mim gbal ka ǝn ɓinǝia ka.

Sǝna 20:3

Mǝturonjar pǝlǝa ramte aɓa tuli-tàtǝkǝtè, gir kuni sǝ kumlǝi, ace mǝnana ɓǝ̀ kǝa swarki aɓwana arǝ anzali ɗǝm ɗang, she ɓǝ̀ amǝno yì apǝlǝa á-mwashat malǝna ka. Anzǝm mǝno ka, dumǝna pup à nǝ̀ yia panzǝi arǝ apwari bǝti.