Amǝ Galati 1:1 - Maləmce Məfele mala Ɓakuli: Kurcau Məbəshe

¹ Mǝnia yì cautera ka, pur a banam, mim Bulǝs mǝ'mishan. Twalban mem a turo mishan ngga pur nǝban ɓwapǝndǝa ɗang, pur nǝ bu Yesu Kǝrǝsti andǝ Ɓakuli Tarrû, mana loasǝi yì Kǝrǝsti a ɓembe ka.

Amǝ Galati 1:1 ပူးပေါင်းရင်းမြစ်များ

Yohana 10:30

Mim sǝnǝ Tárram ka sǝm nda mwashat.

Yohana 20:21

Yesu banggia wia ɗǝm ama, “Ɓǝ̀ rǝ wun pwalo. Kǝla mǝnana Tárram turam ngga, anggo gbal sǝ ǝn nggǝ tur wun.”

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Amǝ Mishan 22:10

Sǝ ǝn ɗi ama, “Mana mǝ nǝ pak le Mǝtalabangŋo?” Pǝlǝa Mǝtalabangŋo nam ama, “Lo, o aɓa Damaska, akàm sǝ à nǝ̀ ngga no gir mǝnana kat a wu nǝ́ pak ka.”

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 9:6

Sǝ ado ka lo, kutio a nggeala, à nǝ̀ ngga banggo gir mǝnana a wu nǝ pak ka.”

Amǝ Roma 1:1

Mǝnia yì cautera ka pur nǝban Bulǝs, guro mala Kǝrǝsti Yesu, mǝnana Ɓakuli tunǝi ɓǝ̀ duk mǝ'mishan, sǝ tarrì ace turo hamnǝ bǝsa Cau Mǝɓoarne mala Ɓakuli ka.

Amǝ Roma 10:9

Ɓǝ̀ a wu nǝ na nǝ kuno ama, “Yesu ka Mǝtalabangŋo na,” sǝ a nǝ earnǝi nǝ mǝsǝcau a ɓabumo ama Ɓakuli loasǝi a ɓembe ka, a nǝ kum amsǝban.

Amǝ Roma 14:9

Nda àkǝ̀ ce mǝnia sǝ Kǝrǝsti wú, sǝ lo nǝ yilǝmu, acemǝnana ɓǝ̀ duk Mǝtalabangŋo amur aɓwana mǝnana à wuna ka, andǝ aɓwana mǝnana à ndanǝ yilǝmu ka.

1 Amǝ Korinti 1:1

Mǝnia yì cautera ka, pur nǝ ban Bulǝs, yì ɓwa mǝnana nǝ kani mala Ɓakuli ka, tunǝi ɓǝ̀ duk mǝturo mishan mala Kǝrǝsti Yesu. Yì Bulǝs andǝ mǝ'eam sǝm Sosǝtins na à kǝ̀ tasǝ mǝnia yì cautera ka.

2 Amǝ Korinti 1:1

Mǝnia yì cautera ka, pur nǝ bu Bulǝs mǝnana nǝ eare mala Ɓakuli sǝ tàri, ama ɓǝ̀ duk mǝ'mishan mala Kǝrǝsti Yesu ka, andǝ mǝ'eam sǝm Timoti. Sǝm nda ban gilǝì ikǝlisiya mala Ɓakuli mǝnana a Korinti, andǝ aɓwana mala Ɓakuli kat mǝnana a nzali Akaya ka.

Amǝ Galati 1:15

Sǝ kani ama à nǝ̀ ɓǝlam ngga, Ɓakuli taram, sǝ tunǝam aɓata ɓwamuru male. Banɓoari wi

Amǝ Galati 1:17

Yale ǝn wari ma a Urǝshalima nǝma mǝ nǝ ngga ok ɓe kǝcau a kun aɓwana mǝnana à akàm dǝmbǝa aɓa turo mishan ngga ɗang. A kun mani ka, ǝn o kporong aɓa nzali Arabiya, sǝ nǝ nzǝmo ka, ǝn nyare a nggeala Damaska.

Amǝ Afisu 3:8

Ko kat andǝ amani ama mǝ nda rítǎu mala aɓwana mala Ɓakuli kat ka, yi pam mǝnia yì ɓwamuru mala banggi aɓwana arǝ anzali cau male. Yì Cau Amsǝban amur atsǝkbu mǝnana à pà nǝ̀ gandǝ bwal maɗanyia raka, mǝnana à malea na aɓa kpapi malea andǝa Kǝrǝsti ka.

2 Timoti 1:1

Man yì cautera ka, pur nǝ banam Bulǝs, mǝnana Ɓakuli nǝ nggearǝì twallam ɓǝn duk mǝ'mishan mala Kǝrǝsti Yesu ka. Ɓakuli tasǝam ɓǝn hamnǝ ce pàcau mala yilǝmu mǝnana sǝm ndanǝi aɓa kpapi ma'sǝm sǝnǝa Kǝrǝsti Yesu ka.

Titus 1:3

Anggo lang pwari male mǝnana tsǝk ka yi karǝna ka, Ɓakuli yi lǝmndǝi a banfana aɓa cau male. Mǝnia yì cau ka, à pam sǝ ǝn yi hamnǝi kǝla mǝnana Ɓakuli Mǝ'amsǝ sǝm tasǝam ngga.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

1 Bitǝrus 1:21

Nǝ́ bani yì Kǝrǝsti, sǝ wu pa ɓamur wun aban Ɓakuli, mǝnana loasǝi a ɓembe, sǝ pe wi nggea gulo ka; ace mani ka paɓamuru ma'wun, andǝ tsǝkɓalǝu ma'wun ngga, à kwakina amur Ɓakuli.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.

Sǝna 1:5

Sǝ ǝn nggǝ shamba wun ɓwamuru andǝ do rǝpwala mǝnana à kǝ pur nǝban Yesu Kǝrǝsti ka. Yì Yesu Kǝrǝsti ka nda mǝ'nakún mala Ɓakuli aɓa mǝsǝcau, mǝdǝmbǝa mala aɓwana mǝnana à kǝ loapi ɓembe anzǝm lú ka. Sǝ yì nda mǝyalban amur amurǝma mala ɓanza. Yì nda mǝnana earmǝsǝ sǝm, sǝ panzǝna sǝm aɓalǝ acauɓikea ma'sǝm nǝ nkila male,

Sǝna 2:8

Gilǝî mǝturonjar mala ikǝlisiya mǝnana a Sǝmirna ka ama: Mǝnia ka nda cautera mǝnana pur nǝban Yì ɓwa mǝnana nda Mǝdǝmbe andǝ Masǝlǝate, mǝnana wǔ sǝ lo nǝ yilǝmu ɗǝm ngga.