Amǝ Filipi 4:9 - Maləmce Məfele mala Ɓakuli: Kurcau Məbəshe

⁹ Agir mǝnana kat wu kani, wu oe, wu é, sǝ wu sǝn a rǝam ngga, wu cia aɓa turo. Sǝ Ɓakuli mǝnana kǝ pa dorǝpwala ka, nǝ̀ do ata wun.

Amǝ Filipi 4:9 ပူးပေါင်းရင်းမြစ်များ

Matiu 1:23

“Nsari nǝ̀ kum muna-bum, nǝ̀ ɓǝl muna-ɓwabura, à nǝ̀ tunǝi ama Immanuyel,” ɓālǝi ama, “Ɓakuli na ata sǝm.”

Matiu 28:20

Wu kania wia ɓǝa kpata agir mana kat ǝn bangga wun ngga. Mǝ nda ata wun kàngkàng a ko ya pwari ka, ba masǝlǝata ɓanza.”

Matiu 7:21

Aɓwana na kat mǝnana à kǝ tunǝam ama, “Mǝtalabangŋo, Mǝtalabangŋo” ka, sǝ à nǝ̀ kutio a Domurǝm mala kuli ka ɗang, she ɓwa mǝnana kǝ pak gir mana Tárram mana a kuli ka earkiyice ka.

Luka 6:46

Ace mana sǝ wu kǝ tunǝam ama, “Mǝtalabangŋo, Mǝtalabangŋo,” sǝ wu kǝ pak gir mǝnana ǝn bangga wun ngga ɗang?

Luka 8:21

Yesu nea wia ama, “Nggem andǝ amǝ'eambǝam ngga, à ndaka ɓwana mǝnana à kǝ ok cau mala Ɓakuli sǝ à kǝ tsǝi aɓa turo ka.”

Yohana 13:17

Mǝno ado wu surǝna rǝ mǝnia yì mǝsǝcau ka, ɓǝ̀ wu ci aɓa turo ka Ɓakuli nǝ̀ tsǝka wun bui!

Yohana 15:14

Ɓǝ̀ wu kǝ pak gir mǝnana ǝn bangga wun nǝma wu pak ka, wu ndaka gyajam mem.

Yohana 2:5

Nggea Yesu ne amǝ gau girlina ama, “Wu pak gir mǝnana kat bangga wun ngga.”

Amǝ Mishan 9:6

Sǝ ado ka lo, kutio a nggeala, à nǝ̀ ngga banggo gir mǝnana a wu nǝ pak ka.”

Amǝ Roma 15:33

Adyan ngga, yì Ɓakuli, mǝtala dorǝpwala ɓǝ̀ do ata wun. Amin.

Amǝ Roma 16:20

Ɓakuli mǝ pà dorǝpwala ka malanǝ parki Shetan aɓa kusǝ wun. Ɓǝ̀ ɓwamuru mala Yesu Mǝtala sǝm do ata wun.

1 Amǝ Korinti 10:31

Sǝ ko ɓǝ̀ girlina na a nǝ li, ko a nǝ nu ka, ko ɓǝ̀ mana a nǝ pak kat ka, pe ace gusǝlǝ lullǝ Ɓakuli.

1 Amǝ Korinti 14:33

Acemǝnana Ɓakuli ka, Ɓakuli mala zuriki gir na ɗang, mala nongsǝ cau a tarǝia na andǝ dorǝpwala. Kǝla mǝnana ndakam arǝ abankpapi mala aɓwana mala Ɓakuli ka,

1 Amǝ Korinti 4:16

Ace mani ka, ǝn nggǝ zǝmbǝa wun, wu twal kusǝam.

2 Amǝ Korinti 13:11

A masǝlǝate ka, wun amǝ'eamrǝarǝu, ǝn nggǝ tsǝk wun a ndà nǝ amǝnia yì acau ka: Wu dum nǝ bumpwasǝa. Wu gulo wu kya bwal ban mǝnana wu karǝna ɓwa ka. Wu earnǝ rǝarǝ wun. Wu do aɓa rǝpwala. Anggo ka, sǝ Ɓakuli mǝ'earcearǝu nì andǝ mala dorǝpwala ka, nǝ̀ do ata wun.

Amǝ Filipi 3:17

Wun amǝ'eambǝam, wu twal kusǝam, sǝ wu kani arǝ aɓwana mǝnana à kǝ twal kusǝu mǝnana sǝm lǝmndǝa wun ngga.

Amǝ Filipi 4:7

Sǝ dorǝpwala mala Ɓakuli, mǝnana kǝɓwa pà nǝ̀ bwalte raka, nǝ̀ bwal ɓabum wun andǝ ɗenyicau ma'wun aɓa Kǝrǝsti Yesu.

1 Amǝ Tasalonika 1:6

Wu yi duk amǝ twalkusǝ sǝm andǝ mala Mǝtalabangŋo; kat andǝ tanni ma'wun kǝrkǝr ka, wu ak cau mala Ɓakuli nǝ banɓoarnado mala Bangŋo Mǝfele.

1 Amǝ Tasalonika 2:14

Wun amǝ'eam sǝm, gir mǝnana pur arǝ amǝkwaɗi mǝnana arǝ a'ikǝlisiya mala Ɓakuli mǝnana a nzali Yahudi, aɓa Kǝrǝsti Yesu ka, purna arǝ wun. Acemǝnana kǝ̀ tanni mǝ'mwashati mǝnana à nu a bu amǝ Yahudi ace pà ɓamuru malea aban Kǝrǝsti Yesu ka, àkǝ̀ nda wu kumo a bu aɓwana mala nzali ma'wun ngga.

1 Amǝ Tasalonika 5:23

Adyan ngga, Ɓakuli mana pākiyi dorǝpwala ka, nǝ ɓamuri ɓǝ̀ tàr wun, ɓǝ̀ wu duk amale arǝ anjari pupup. Ɓǝ̀ yál bangŋo ma'wun, andǝ yilǝmi wun, andǝ nggūrǝ wun kat ɓǝa do aɓa ɗwanyi cau a rǝǔ a pwari mǝnana Mǝtala sǝm Yesu Kǝrǝsti nǝ̀ nyar nǝi ka.

2 Amǝ Tasalonika 3:4

Sǝm ndanǝ makɓalǝu arǝ Mǝtalabangŋo amur wun ama, wu nda aban pak agir mǝnana sǝm bangga wun ngga, sǝ wu nǝ̀ lidǝmbǝa nǝ pea.

2 Timoti 4:22

Ɓǝ̀ Mǝtalabangŋo do ata bangŋo mo. Ɓǝ̀ ɓwamuru male do ata wun kat.

Jemis 1:22

Wu duk aɓwana mǝnana à kǝ ok cau sǝ à kǝ ci aɓa turo ka, wu kǝa duk amǝ oe nǝ kiru nǝmurǝì ɗang. Mǝno ka wu nda ban swarki ɓamur rǝ wun. Wu pak gir mǝnana ceì bang ngga.

2 Bitǝrus 1:10

Ace mani ka, wun amǝ'eamrǝarǝu, wu pà rǝcandǝa arǝ lǝmndǝi ama ɓafo na wu nda aɓalǝ aɓwana mǝnana Ɓakuli tunǝia, sǝ tarkia ka. Ɓǝ̀ wu lidǝmbǝa nǝ do aɓalǝ amǝno yì aɓealǝu ka, pà wu nǝ̀ kuti aɓa cauɓikea ɗang, sǝ paɓamuru ma'wun ngga nǝ̀ kum kusǝu came.

1 Yohana 3:22

Sǝ gir mǝnana kat sǝm zǝm abani ka nǝ̀ pa sǝmi, acemǝnana sǝm nggǝ kpata anzongcau male, sǝ sǝm nggǝ pak gir mǝnana pwasǝ bumi ka.