Amǝ Filipi 4:6 - Maləmce Məfele mala Ɓakuli: Kurcau Məbəshe

⁶ Ɓǝ̀ kǝgir ɓǝ̀ kǝa tsǝk wun a do-tiki nǝ muru ɗang. Aɓa koya gir ka, wu pak hiwi nǝ zǝmbǝa, wu lǝmndǝì Ɓakuli agir mǝnana wu earkiyi cea ka, sǝ wu kǝ pak yàwá.

Amǝ Filipi 4:6 ပူးပေါင်းရင်းမြစ်များ

Matiu 10:19

Sǝ ɓǝ̀ à yì bwalkina wun ngga, ɓalǝ wun ɓǝ̀ kǝa kasǝkia arǝ cau mǝnana wu nǝ̀ na ko lang sǝ wu nǝ̀ na ce ka ɗang. Àkǝ̀ pwari mǝno Bangŋo mala Ɓakuli nǝ̀ pa wun cau mǝnana wu nǝ̀ na ka.

Matiu 13:22

Mǝnana kpa aɓalǝ azwe ka nda cam a kun ɓwa mana kǝ ok ce, sǝ bumpina arǝ alta agir mala ɓanza mǝnia andǝ swarkiban mala kume à yì marǝki sǝ à tsǝi pusǝ ɓǝle ɗang.

Matiu 6:34

Ɓǝ̀ ɓalǝ wun ɓǝ̀ kǝa kasǝkya amur cau mala li ɗang, acemǝnana pwari mala lí ka ndanǝ amale yì tanni. Ko ya pwari ka ndanǝ atanni male mǝnana à kārǝa rǝì ka.

Matiu 6:8

Wu kǝa pa kǝla yia ɗang, acemǝnana kaniama wu nǝ̀ zǝm ngga, Tár wun angŋǝna dǝmbǝa surǝna rǝ gir mǝnana wu earkiyice ka.

Luka 10:41

Mǝtalabangŋo Yesu ne wi ama, “Marta, Marta, ɓabumo pi sǝ a kǝ pe rǝo tanni arǝ agir pas.

Luka 12:22

Yesu pǝlǝa ne alaggana male ama: Ən nggǝ na wun ama ɓabum wun ɓǝ̀ kǝa pi ace gir mǝnana wu nǝ̀ li ace do nǝ yilǝmu, andǝ mǝnana wu nǝ̀ oasǝo a rǝ wun ngga ɗang.

Luka 12:29

Ɓǝ̀ ɓabum wun ɓǝ̀ kǝa pi ace agir mǝnana wu nǝ̀ li ko wu nǝ̀ nu ka ɗang, wu kǝa pak ɗenyicau amuri ɗang.

Luka 18:1

Yesu ne alaggana male ɓe kǝ kanicau mǝnana nǝ̀ lǝmndǝ ama yia ka ɓǝa kǝ pak hiwi cala rǝia wuki ɗang.

Luka 18:7

Wu kǝ sǝni kǝla Ɓakuli ka pà nǝ̀ pak ɓashi mǝ'mǝsǝcau nì ace aɓwana male mǝnana tària, mǝnana à kǝ ɓua a ɓadǝmbǝi, du andǝ pwari ka re? Nǝ̀ dǝndi arǝ bwalia wia kam le?

1 Amǝ Korinti 7:21

A nda guro ɗiɗyal sǝ a yi kum tunǝban le? Mǝnia yì gir ka ɓǝ̀ kǝa zunggǝli ɗenyicau mo ɗang. Sǝ ɓǝ̀ a nǝ kum njargula mǝnana a nǝ pusǝ ɓamuro ka, pangŋǝna turo nǝi.

1 Amǝ Korinti 7:32

Ən earce nǝma wu kǝa wu ɓuanǝbum wun amur agir mala do ɓanza ɗang. Ɓwa mǝnana dukɓala raka, ɗenyicau male ka nda amur turo mala Mǝtalabangŋo, ace mǝnana ɓǝ̀ pwasǝ bumi ka.

2 Amǝ Korinti 1:11

Wu kǝ bwala sǝm nggam nǝ hiwi, ace mǝnana ɓǝa aɓwana pas pak yàwá a kunì sǝm ace ɓwamuru mǝnana sǝm kumo nǝ hiwi mala aɓwana pas ka.

Amǝ Afisu 5:20

Wu kǝ pakki Ɓakuli Tarrû yàwá amur koya gir, a koya bu-pwari ka, aɓa lullǝ Mǝtala sǝm Yesu Kǝrǝsti.

Amǝ Afisu 6:18

Wu pak hiwi aɓa Bangŋo a koya pwari, nǝ ko ya ulang hiwi andǝ zǝmbǝa amur koya gir kat. Wu dum nǝ tsǝkiru, wu lidǝmbǝa nǝ hiwi ace amǝ kpata Ɓakuli mǝnana a koya ban ngga.

Amǝ Kolosi 3:15

Sǝ wu nying dorǝpwala mǝnana pur nǝban Kǝrǝsti ka, ɓǝ̀ ak ɓabum wun. Acemǝnana kǝla nggūrǝu mǝ'mwashati ka, à tunǝ wun ace dorǝpwala. Koya pwari ka wu kǝ pak yàwá.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

Amǝ Kolosi 4:2

Wu pa ɓamur rǝ wun arǝ pak hiwi, sǝ aɓa pe ka wu dum nǝ parkiru andǝ ɓabum mala pak yàwá aban Ɓakuli.

1 Timoti 2:1

A dǝmbǝa nǝ agir kat ka, ǝn nggǝ pa kwarkiru ama, wu kǝ pak hiwi ace aɓwana kat. Wu kyan nǝ ɓua ma'wun aban Ɓakuli amuria, wu zǝmbǝi wi ɓǝ̀ bwalia wia kam kat nǝ ɓwamuru male, sǝ wu kǝ pakki wi yàwá acea.

1 Timoti 5:5

Man-lú mǝɓafoe, mǝnana nda nǝmurǝì, kǝɓwa pà amuri a ɓanza man raka, kǝ tsǝk ɓalǝi arǝ Ɓakuli, sǝ kǝ lidǝmbǝa du andǝ pwari, aban zǝmbǝi Ɓakuli ɓǝ̀ bwali wi kam.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

1 Bitǝrus 5:7

Gir mǝnana kat kǝ pisǝ bum wun ngga, wu nyinggi Ɓakuli a bui, acemǝnana yì ka, kǝ ɗenyi nǝ wun.