Amǝ Filipi 4:5 - Maləmce Məfele mala Ɓakuli: Kurcau Məbəshe

⁵ Ɓǝ̀ ɓwapǝndǝa sǝn domunyi ma'wun aɓa girbunda kat. Pà nǝ̀ sau ɗang, Mǝtalabangŋo nǝ̀ yiu.

Amǝ Filipi 4:5 ပူးပေါင်းရင်းမြစ်များ

Matiu 6:25

Nda ǝn nggǝ na wun ama, wu kǝa pe rǝ wun tanni nǝ ɗenyicau ɓangciu amur do ma'wun, ace gir mǝnana wu nǝ̀ li andǝ mǝnana wu nǝ̀ nu ka ɗang; ko ace gir mǝnana wu nǝ̀ oasǝo arǝ wun ngga. Nggearǝì ka yilǝmu kuti girlina re, sǝ nggurǝu kuti agir-nggurǝu re?

Matiu 6:34

Ɓǝ̀ ɓalǝ wun ɓǝ̀ kǝa kasǝkya amur cau mala li ɗang, acemǝnana pwari mala lí ka ndanǝ amale yì tanni. Ko ya pwari ka ndanǝ atanni male mǝnana à kārǝa rǝì ka.

Luka 21:34

Wu parkir wun wu kǝa eare ɓǝ̀ ɗenyicau ma'wun lumsǝ nǝ likiagir, wal-wale andǝ pisǝ ɓalǝu arǝ alta agir ɓanza, gandǝa mǝno yì pwari ka nǝ̀ yia yasǝlǝ wun ngga ɗang.

1 Amǝ Korinti 16:22

Ɓǝ̀ kǝɓwa kǝ earce Mǝtalabangŋo raka, ɓǝ̀ suban sulǝo amur ɓwe! Marana tha - Mǝtala sǝm, yiu!

1 Amǝ Korinti 6:7

Ká ma'wun a ndaɓashi ace wuli rǝarǝ wun ngga, lǝmndǝ ama wu kpana amur abu wun. Pà nǝ̀ ɓoaribanì wu li ce arǝ wun re? Pà nǝ̀ ɓoaribanì ɓǝa tǝpǝri wun re?

1 Amǝ Korinti 8:13

Ace mani ka, ɓǝ̀ girlina mǝnana ǝn nggǝ li ka, nǝ̀ tsǝk mǝ'eambǝam nǝ̀ kpa aɓa cauɓikea ka, pà mǝ nǝ li ulang mǝno yì nyama ɗǝm ɗang, acemǝnana mǝ ngga ci ɓǝ̀ kpa ka ɗang.

1 Amǝ Korinti 9:25

Aɓwana mǝnana kat à nǝ̀ kutio aɓa pakiɗire ɓanggi-amire ka, dumǝna ama à nǝ̀ pa rǝia ace kwar rǝǔ mala ɓangmire. Yia ka à kǝ pa anggo ace mǝnana à nǝ̀ kum tangnakusǝu mana nǝ̀ mal ka; sǝ ma'sǝm ngga, sǝm nggǝ pe ace tangnakusǝu mǝnana pà nǝ̀ mal raka.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Tasalonika 2:2

wu kǝa kaurǝa arǝ dǝurǝo ɗang. Sǝ ɓǝ̀ ɓabum wun ɓǝ̀ kǝa lo, nǝ cau mǝnana aɓea ɓwana na ama Pwari mala Mǝtalabangŋo angŋa dǝmbǝa yina pale ka ɗang. À nǝ̀ gandǝ bangŋa ama à sǝni aɓa bangŋo, ko à oe a kun ɓǝɓwa, ko à ɓalli aɓa ɓǝ̀ cautera mǝnana à twali ama pur nǝban sǝm ngga.

Titus 3:2

Banggia wia, ɓǝa kǝa na kǝ cau mǝɓane amur kǝɓwa ɗang. Yia ka, ɓǝa dukdo ɓukɓuka, ɓǝa ɗeki munǝki amunǝo, ɓǝa kǝ ak aɓwana a rǝia, sǝ ɓǝa kǝ lǝmndǝ nongsǝmuru mǝɓafoe aban ko ya ɓwa.

Amǝ Ibǝru 10:25

Sǝ ɓǝ̀ sǝm ngga burice kpapi ma'sǝm abanɓwáná, kǝla mǝnana aɓea aɓwana na aɓa ɓealǝu mala pê anggo ka ɗang. Ɓǝ̀ sǝm nggǝ ɓak ɓabuma rǝ sǝm, sǝ ɓǝ̀ sǝm pa rǝcandǝa arǝ pe kpǝm, kǝla mǝnana ado wu kǝ sǝn Pwari nyare yiu mala Mǝtalabangŋo no kǝ gbashi tu ka.

Amǝ Ibǝru 10:37

Acemǝnana, kǝla mana Malǝmce bang ngga, “Banì pà nǝ̀ sau ɗang, ɓwa mǝnana kǝ yiu ka, nǝ̀ yiu, sǝ pà nǝ̀ dǝndi yiu ɗang.

1 Bitǝrus 1:11

À alte à nǝ̀ surǝ pwari mǝnana Bangŋo mala Kǝrǝsti mana aɓalǝia nakiyicau amuri ka. Bangŋo mala Kǝrǝsti ak dǝmbǝa lǝmndǝia wia, atanni mǝnana Kǝrǝsti nǝ̀ yia nu sǝ nǝ̀ kutia ɓoarɓwa male ka, sǝ lang sǝ mǝnia yì gir ka nǝ̀ yia pǎ.

1 Bitǝrus 4:7

Masǝlǝata ɓanza ka, gbashina. Ace mani ka, wu shambum wun, nǝ gandǝrǝu ace pak hiwi.

Sǝna 22:20

Yì, yì ɓwa mǝnana kǝ bangŋa ama amǝnia yì agir ka mǝsǝcau na ka, kǝ na ama, “E, mǝ ndya ǝn nggǝ yiu adyan tu ka!” “Amin! Yiu, Mǝtalabangŋo Yesu!”

Sǝna 22:7

Yesu kǝ na ama, “Wu sǝni, mǝ ndya ǝn nggǝ yiu adyan tu ka! Aɓwana mǝnana à kǝ kpata acau ɓangna mǝnana à gilǝia aɓa mǝnia yì malǝmce ka, à ndanǝ tsǝkbu!”