Amǝ Filipi 4:18 - Maləmce Məfele mala Ɓakuli: Kurcau Məbəshe

¹⁸ Ado ka, ǝn kumǝna agir kat mǝnana ǝn earkiyi cea ka, yale nǝ mur amuri. Ən lumsǝna nǝ agirbunda kǝrkǝr nǝ aɓoro mǝnana wu tasǝam ban nǝia nǝ bu Apafuroditus ka. À nda kǝla aɓoro mǝɓoarne mǝnana agir'a na aban Ɓakuli sǝ à kǝ pwasǝbumi ka.

Amǝ Filipi 4:18 ပူးပေါင်းရင်းမြစ်များ

Amǝ Mishan 10:4

Yì ka, pǝlǝ mǝsǝì aban mǝturonjar nǝ rǝɓǝla, sǝ ɗiban ama, “Mana gir ni na, Ɓwamǝgule?” Mǝturonjar ne wi ama, “Ahiwi mo andǝ aɓoro mo mǝnana a kǝ pe amǝtǝr ka, Ɓakuli angŋǝnia.

Amǝ Roma 12:1

Ace mani ka, wun amǝ'eambǝam, ǝn nggǝ ɓuakia rǝ wun, nǝ ɓwamuru mala Ɓakuli, wu pa rǝwun aban Ɓakuli, kǝla aɓoro mǝyilǝmui, mǝnana wu nǝ̀ duk amale, sǝ nǝ̀ pwasǝbumi ka. Mǝnia ka nda peri ma'wun mǝɓafoe abani.

2 Amǝ Korinti 11:8

Nǝ̀ gandǝ do ama mǝ nda aban ɓǝmbǝri aɓea ikǝlisiya yi mana ǝn ak boalo a buia ace mǝnana mǝ pakka wun turo ka!

2 Amǝ Korinti 9:12

Mǝnia yì turo mǝɓoarne wu pè ka nǝ̀ tsǝa tǝle mala amǝkwaɗi mǝnana a Urǝshalima ka nǝ̀ mala, sǝ yàwá nǝ̀ alí aban Ɓakuli nǝ bumpwasǝa.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Filipi 4:12

Ən surǝna rǝ do aɓa tǝle andǝ kume. Ən kánìna do aɓa koya gir; ko aɓa ɗǝmbǝo, ko aɓa nzala, ko aɓa kume kpǝm, ko aɓa ɗwanye.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

Amǝ Ibǝru 13:16

Ɓǝ̀ ɓalǝ wun ɓǝ̀ kǝa lorǝ ce pak mǝɓoarne, andǝ gau gir mǝnana wu ndanǝi ka wunǝ aɓwana ɗang, acemǝnana nǝ ulang amǝno yì aɓoro ka sǝ bum Ɓakuli kǝ pwasǝo.

1 Bitǝrus 2:5

Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.