Amǝ Filipi 3:9 - Maləmce Məfele mala Ɓakuli: Kurcau Məbəshe

⁹ sǝ ɓǝ̀ sǝm duk mwashat sǝnǝi. Ən panǝ cauɓoarna mala ɓamuram mǝnana à kumnggiki ace kpata Nggurcau ka ɗang; she kǝ mǝnana à kumnggiki nǝ paɓamuru aban Kǝrǝsti ka. Acemǝnana njar mana Ɓakuli nǝ tsǝk sǝm, sǝm nǝ̀ duk aɓwana mǝɓoarne a kane male ka, ndǎ ɓǝ̀ sǝm pa ɓamur sǝm aban Kǝrǝsti ka.

Amǝ Filipi 3:9 ပူးပေါင်းရင်းမြစ်များ

Matiu 9:13

Wu kyane wu kya bǝl ɓa mǝnia yì nggurcau mana ama: ‘Sǝn mǝsǝswatǝr na ǝn earkiyice ka, ɗarǝa na ɗang.’ Ən yiu ace tunǝ amǝ'cauɓoarna ɗang, nda ace amǝ'cauɓikea.”

Amǝ Roma 1:17

Yì Cau Amsǝban ngga, ndá kǝ̀ lǝmndǝa sǝm lang sǝ Ɓakuli kǝ nggaɗi sǝm, ɓǝ̀ sǝm pǝlǝ aɓwana amǝɓoarne a ɓadǝmbǝi. Mǝnia ka kǝ pa anggo nǝ guli arǝ Kǝrǝsti, twal a tite kya pur a masǝlǝate, kǝla mǝnana Malǝmce na ka ama: “Ɓwa mǝnana kumǝna akban aban Ɓakuli ka, nǝ̀ dumnǝ yilǝmu aɓa guli arǝ Ɓakuli.”

Amǝ Roma 10:10

Acemǝnana nǝ ɓabum sǝ ɓwa nǝ̀ eare nǝ̀ pà ɓamuri aban Kǝrǝsti, sǝ aɓa pě anggo ka Ɓakuli angŋǝni mǝ'cauɓoarna na; sǝ ɗǝm ngga nǝ kûn sǝ ɓwa nǝ̀ bang paɓamuru male aban Kǝrǝsti, sǝ aɓa pě anggo ka kumǝna amsǝban.

Amǝ Roma 16:7

Wu makki Andǝronikus andǝ Juniya kun, aɓǝla mem mǝnana sǝm nda a ndàkurban sǝnǝia ka. Yia ka, amǝ'mishan surǝia pepè, sǝ yia ka, à akàm dǝmbǝa ak Kǝrǝsti.

Amǝ Roma 5:21

Kǝla mana cauɓikea do amur ɓwapǝndǝa kat a njar mala lú ka, anggo gbal ɓwamuru mala Ɓakuli ɓǝ̀ duk murǝm. Mǝnia yì ɓwamuru mala Ɓakuli ka kǝ yinǝ aɓwana ɓǝa kum akban abani, sǝ aɓa mǝno ka ɓǝa kum yilǝmu mǝnana málá male pà kàm raka, nǝ bu Yesu Kǝrǝsti Mǝtala sǝm.

Amǝ Roma 8:1

Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.

Amǝ Roma 8:3

Gir mǝnana Nggurcau mala Musa gandǝ pe raka, ata cau mala gatti mala nggurǝ ɓwapǝndǝa mǝ'cauɓike ka, Ɓakuli yi pe. Yi tasǝ Muni ɓǝ̀ yiu aɓa nggūrǝu mǝnana nda kǝla nggurǝ sǝm aɓwapǝndǝa mǝ'cauɓike ka, ɓǝ̀ yi pa ɓamuri kǝla gir'nkila ace twal cauɓikea. Aɓa pe mǝnia anggo ka Ɓakuli yinǝ kasǝ-ɓashi amur cauɓikea, kiɗiki rǝcandǝa male aɓa mǝno yì nggūrǝu mala ɓwapǝndǝa ka.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Galati 2:16

Kat andǝ amani ka, sǝm sǝlǝna ama, nǝ paɓamuru nǝmurǝì aban Yesu Kǝrǝsti, sǝ ɓwa nǝ̀ duk mǝ cauɓoarna aban Ɓakuli, pa ace kpata anggurcau ɗang. Nggearǝ sǝm gbal ka, sǝm pa ɓamur sǝm nǝ pa aban Yesu Kǝrǝsti ace mǝnana ɓǝ̀ sǝm duk pepe, sǝm sǝnǝa Ɓakuli, a ta cau mala guli arǝ Kǝrǝsti. Pa ace kpata nggurcau ɗang. Nda acemǝnana kpata nggurcau ka, pà nǝ̀ tsǝk ɓwa ɓǝ̀ duk pepe a ɓadǝm Ɓakuli ɗang.

Amǝ Filipi 3:6

Ɓǝ̀ nda a cau mala pakki Ɓakuli turo nǝ bumpina ka, ɓafo ǝn pe ikǝlisiya tanni kǝrkǝr. Sǝ ɓǝ̀ kàr a bui mala docauɓoarna aɓa kpata Nggurcau ka, ko ǝn yallì kǝ ɓe ɗang.

2 Timoti 1:9

Ɓakuli amsǝ sǝm, sǝ tunǝ sǝm ɓǝ̀ sǝm duk aɓwana male amǝ fele. Pa ace aturo mǝnana sǝm pak ka ɗang, nda àkǝ̀ ce male yì kani mana pusǝ sǝm ace ka, andǝ ɓwamuru male. Pa sǝm mǝnia yì ɓwamuru ka nǝ bu Kǝrǝsti Yesu sǝ yi kwakita ɓanza.

Titus 3:5

yi amsǝ sǝm. Sǝa ma pa ace kǝgir mǝɓoarne mǝnana sǝm pak ka ɗang, nda àkǝ̀ ce mǝsǝswatǝr male sǝ amsǝ sǝm. Lak sǝm, sǝ pà sǝm bǝsa ɓǝlban andǝ bǝsa do, nǝ rǝcandǝa mala Bangŋo Mǝfele;

Amǝ Ibǝru 6:18

Ɓakuli pana pàcau andǝ kángir male yia kǝm. Amǝnia yì agir ɓari ka, à kǝ gandǝ nggaɗia ɗang, acemǝnana Ɓakuli ka, pà nǝ̀ gandǝ na nyir ɗang. Ace mani ka, sǝm mana sǝm ɓangŋǝna aban ká alta auwa abani ka, sǝm kumǝna ɓakɓabum mǝgule ace bwal kàngkàng arǝ tsǝkɓalǝu mǝnana à tsǝka sǝmi a dǝm sǝm ngga.

Jemis 3:2

Acemǝnana sǝm kat ka sǝm nggǝ ɓwarkio arǝ anjar pas. Ɓǝ̀ ɓwa kǝ ɓwarki aɓalǝ acau male raka, man yì ɓwa ka lumsǝna ɓwa, mǝnana nǝ̀ gandǝi nǝ̀ bwal ɓamuri a koya njar kat ka.

2 Bitǝrus 1:1

Makkun mǝnana pur nǝ bu Shiman Bitǝrus, guro sǝ mǝ'mishan mala Yesu Kǝrǝsti. Aban ká aban aɓwana mǝnana à kumǝna paɓamuru mǝɓoarne kǝla mǝnana sǝm ndanǝi ka, ata cau mala pémǝɓoarne mala Ɓakuli andǝ Mǝ'amsǝ sǝm Yesu Kǝrǝsti.

1 Yohana 3:4

Ɓwa mǝnana kǝ pak cauɓikea ka, ndarǝ yàl nggurcau, acemǝnana cauɓikea ka, nda yàl nggurcau.