Amǝ Filipi 3:8 - Maləmce Məfele mala Ɓakuli: Kurcau Məbəshe

⁸ Sǝ kǝgir pà kàm à nǝ̀ kani arǝ surǝ Kǝrǝsti Yesu Mǝtalem ɗang. Ən nying girbunda kat ace cau male. Ən sukkinia, ǝn twalia à pà a kun kǝgir ɗang, ace mǝnana ɓǝ̀ ǝn kum Kǝrǝsti,

Amǝ Filipi 3:8 ပူးပေါင်းရင်းမြစ်များ

Luka 1:43

Lang sǝ múrɓoarna mem yipam anggo, yi mǝnana nggeau mala Mǝtalem yiu a banam ngga.

Luka 11:20

Sǝ ɓǝ̀ nǝ rǝcandǝa mala Ɓakuli sǝ ǝn nggǝ pusǝ akukwar ka, Domurǝm mala Ɓakuli yina aban wun.

Yohana 14:20

Ɓǝ̀ pwarî mǝno yina ka, wu nǝ̀ sǝlǝ ama mǝ nda aɓa Tárram, sǝ wun ngga wu nda a ɓalǝam, sǝ mǝ nda aɓalǝ wun.

Yohana 14:7

Ɓǝ̀ wu surǝna rǝam ngga, wu surǝna rǝ Tárram. Sǝ twal ado aban ká a dǝmbǝa ka wu surǝna rǝì, sǝ wu sǝnǝ nǝi.”

Yohana 16:3

À nǝ̀ pakka wun amǝnia yì agir ka acemǝnana à malaká surǝ Tárram ɗang, sǝ à malaká surǝam gbal ɗang.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 17:8

Ən pania wia cau mǝnana a pam ngga, sǝ yia gbal ka à angŋǝni; à sǝlǝna ama mǝsǝcau na ǝn pur abano, sǝ à earǝna ama a nǝ̀ turam.

Yohana 20:13

Sǝ à ɗi Maryamu ama, “Mɓwama, mana pur a rǝo sǝ a kǝ ɓuá le?” Pǝlǝa Maryamu earia wia ama, “Aɓwana twalǝna Mǝtalem à umna nǝi, sǝ ǝn surǝ ban mǝnana à ci kam ngga ɗàng!”

Yohana 20:28

Toma pǝlǝa eari Yesu ama, “Mǝtalem andǝ Ɓakuli mem!”

Amǝ Mishan 20:24

Sǝ amur mani ka, ǝn twal yilǝmem a kun ɓe kǝgir ɗang. Mim ngga, gir mǝnana ǝn tsǝk muram a rǝì ka nda mǝnana ama ɓǝ̀ ǝn mal turo mǝnana Mǝtalabangŋo Yesu pam ɓǝ̀ ǝn pe ka, yì turo hamnǝ Cau Amsǝban mala ɓwamuru mala Ɓakuli.

Amǝ Roma 8:18

Ən nggǝ sǝni, atanni mǝno sǝm nggǝ nu ado ka, à kārǝa à nǝ̀ kārǝia arǝ gulo mǝnana à nǝ̀ ngga lǝmndǝa sǝmi nǝ nzǝmo ka ɗang.

Amǝ Roma 8:39

ko agir mǝnana a kuli, andǝa mǝnana ata nzali ka, à karǝ ɗang. Kǝgir pà kàm aɓa ɓanza man, mǝnana nǝ̀ gandǝ gau sǝm sǝnǝa earcearǝu mala Ɓakuli, mana aɓa Kǝrǝsti Yesu Mǝtala sǝm ngga ɗang.

1 Amǝ Korinti 2:2

Acemǝnana ǝn twal a bumam nǝma ǝn earce surǝ ɓe kǝgir aɓalǝ wun ɗang, she kǝ Yesu Kǝrǝsti, kǝ yì mǝnana à gballì amur nggun-gangndi ka.

1 Amǝ Korinti 9:10

Pa aban na cau ace sǝm re? Mǝsǝcau, nda ace sǝm sǝ à gilǝ mǝnia yì cau ka. Lǝmndǝ ama ɓwa mǝnana kat kwár ban-rya, sǝ ɓwa mǝnana nya mǝssa ka, yia kǝm ngga, à tsǝk ɓalǝia à nǝ̀ li aɓa mǝnia yì mǝssa à pakkiyi ture ka.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

Amǝ Galati 1:16

ɓǝ̀ lǝmndǝam Muni ace mǝnana ɓǝ̀ ǝn hamnǝ Cau Amsǝban male aban aɓwana arǝ aɓea nzali. Sǝ mim ngga ǝn alta kwarkiru mala kǝɓwa ɗang

Amǝ Afisu 4:13

Mǝnia yì turo ka, nǝ̀ lidǝmbǝa, she ɓǝ̀ sǝm kat, sǝm kya bwalǝna ban-do mǝ'mwashati aɓa paɓamuru andǝ surǝ Muna mala Ɓakuli ka; she ɓǝ̀ sǝm gulna, sǝm bwalǝna bancame andǝ lumsǝo mala Kǝrǝsti kǝla mǝnana Ɓakuli earce ka.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Filipi 3:10

Ən nggǝ earce surǝ Kǝrǝsti andǝ rǝcandǝa mǝnana loasǝi a ɓembe ka. Ən earǝna mǝ kum kāmbe mem aɓa nu tanni ate, mǝ nǝ wú a cau male,

Amǝ Filipi 3:12

Mim ngga ǝn twali ama ǝn bwalǝna ban came ɗang, sǝ ǝn mala ká lumsǝ gbal ɗang. Mǝ nda aban ɓariki mǝ nǝ kum gir mǝnana Kǝrǝsti Yesu ciem, ǝn duk male ace ka.

Amǝ Filipi 3:7

Agir mǝnana ɗiɗyal ǝn nggǝ twalia kǝla agirkuma ka, adyan ngga, ǝn nyesǝia ɓà, ace cau mala Kǝrǝsti.

2 Timoti 4:6

Ma mem ngga, pwari karǝna ɓǝ̀ ǝn pa yilǝmem kǝla ɓoro mǝnana a pe Ɓakuli ka. Pwari nying ɓanza mem karǝna.

Amǝ Ibǝru 3:14

Ɓǝ̀ sǝm bwal kàngkàng arǝ guliarǝu ma'sǝm mana sǝm tinate nǝi sǝ kya bik masǝlǝate ka, gir mǝnana kat mala Kǝrǝsti na ka, sǝm nǝ̀ kumi ate.

1 Bitǝrus 2:7

Sǝ wun mana wu guli a rǝì ka, ɓoaro male aban wun ngga ulang yi pà kàm ɗang. Sǝ aban aɓwana mǝnana à earnǝi raka dumǝna, “Tali mǝnana amǝɓa ginǝki ka, nda yi duk Tali kwakita kusǝɓa ka.”

2 Bitǝrus 1:2

Ɓǝ̀ Ɓakuli pa wun ɓwamuru andǝ dorǝpwala kam kpǝm nǝ lidǝmbǝa ma'wun aɓa surǝ Ɓakuli andǝ Yesu Mǝtala sǝm.

2 Bitǝrus 1:3

Ɓakuli aɓa rǝcandǝa male ka pana sǝm koyagir mǝnana ɓoaro ɓǝ̀ sǝm pang nǝi ace do yilǝmu andǝ do ɓanggi Ɓakuli ka. Amǝnia yia agir ka Ɓakuli pà sǝmia kat lang sǝm yì surǝ Yesu mǝnana tunǝ sǝm ɓǝ̀ sǝm kum kāmbe aɓa gulo andǝ ɓoaro male ka.

2 Bitǝrus 1:8

Ɓǝ̀ wu ndanǝ amǝnia yì aɓealǝu, sǝ à nǝ̀ nggǝ gul aɓalǝ wun ngga, pa wu nǝ̀ gatti aɓalǝ aturo ɗang, sǝ surǝgir ma'wun amur Mǝtala sǝm Yesu Kǝrǝsti ka, nǝ̀ duk gir mǝɓoarne andǝ gbasha aban aɓwana.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.