Amǝ Filipi 3:5 - Maləmce Məfele mala Ɓakuli: Kurcau Məbəshe

⁵ Acemǝnana à kasǝam ɓatam a tongno-nong-tāruia nongŋo mem nǝ ɓǝlam, mǝ nda ɓwa Isǝrayila, a tau mala Benjami, ɓwa Yahudi mǝɓafoe. Sǝ ɓǝ̀ nda ace kpata Nggurcau mala Musa ka, mǝ nda ɓwa Farisi, mǝnana à ndanǝ bumpina arǝ kpata Nggurcau ka.

Amǝ Filipi 3:5 ပူးပေါင်းရင်းမြစ်များ

Luka 1:59

A tongno-nong-tāruia nongŋo ka, à yiu ace kasǝî muna ɓate. À earce ama à nǝ̀ tsǝki wi lullǝ tarrí Zakariya.

Luka 2:21

A tongno-nong-tāruia nongŋo, pwari mǝnana à nǝ̀ kasǝi wi ɓate ka, à tsǝki wi lullǝu ama Yesu, lullǝu mǝnana mǝturonjar pe wi sǝ yi kpa a bum ngge ka.

Luka 5:38

Mùr-anap mǝbǝshe ka aɓa du mǝbǝshe sǝ à nǝ̀ soé.

Amǝ Mishan 22:3

Mim ngga mǝ nda ɓwa Yahudi. À ɓǝlam a nggeala Tarsus aɓa bu-nzali Sǝlisiya, sǝa ma ǝn gulo, sǝ à kaniam gir akani a Urǝshalima aɓata Gamaliyel. À kaniam Nggurcau mala aká sǝm nǝ kwarkiru pepe, ɓǝn kpata anzongcau kat ko mǝye na ka. Ən pa ɓamuram gbal nǝ rǝɓǝla mǝgule ace pe Ɓakuli gulo aɓa ko mana ǝn pak ka, kǝla mǝnana wu pa, wun mǝnana ado kat akani ka.

Amǝ Mishan 23:6

Lang Bulǝs yi sǝlǝ ama aɓea aɓwana ata amǝkurcau mǝno ka amǝ Saduki na sǝ acilia ka amǝ Farisi na ka, pǝlǝa loasǝ gi a kuli na ama, “Wun amǝ'eambǝam! Mǝ nda ɓwa Farisi, kǝla mǝnana akêm ngga amǝ Farisi na ka. À kǝ pakkam ɓashi yalung acemǝnana tsǝkɓalǝu mem ngga nda aɓa lo mala alú nǝ yilǝmu!”

Amǝ Mishan 6:1

Aɓalǝ amǝno yì anonggeo, lang lakki mala amǝkpata Yesu nǝ̀ nggǝ lidǝmbǝa ka, nggwani kutio a nre ka amǝ Yahudi mǝnana à kǝ na kun Gǝrik, andǝ amana à kǝ na kun Ibǝru ka. Amǝnana à kǝ na kun Gǝrik ka, à na ama à kǝ tsǝkir aman-lú malea aban gau girlina mala koya pwari ka ɗang.

Amǝ Roma 11:1

Ən ɗiban ama, nggearǝì ka, Ɓakuli ginǝna aɓwana male lè? Awo, ginǝia ɗang! Nggearǝ mim nǝ ɓamuram ngga, mǝ nda ɓwa Isǝrayila, Mǝkà Ibǝrayim, a tau mala Benjami.

2 Amǝ Korinti 11:22

Ɓǝ̀ yia ka, amǝ Ibǝru na ka, mim gbal ka mǝ nda ɓwa Ibǝru. Ɓǝ̀ yia ka, amǝ Isǝrayila na ka, mim gbal ka mǝ nda ɓwa Isǝrayila. Ɓǝa nda ka amǝkau mala Ibǝrayim ngga, anggo gbal sǝ ǝn pa.