Amǝ Filipi 3:18 - Maləmce Məfele mala Ɓakuli: Kurcau Məbəshe

¹⁸ Kǝla mǝnana ǝn nunkir wun tutu ɗiɗyal ka, sǝ adyan ngga, mǝ nda ban ɓǝsǝlǝa wunì ɗǝm nǝ mǝrǝm a mǝsǝam, ama aɓwana pas ka, aɓia amǝbura mala nggun-gangndi mala Kǝrǝsti na.

Amǝ Filipi 3:18 ပူးပေါင်းရင်းမြစ်များ

Luka 19:41

Lang Yesu yi gbashina Urǝshalima mǝsǝì nǝ̀ kpa a rǝì ka, kara túr kuni a ɓua ace,

Amǝ Mishan 20:19

Nǝ nyesǝɓamuru andǝ mǝrǝm a mǝsǝam sǝ ǝn pakki Mǝtalabangŋo turo, acemǝnana mǝ nda mǝguro male. Ən do nǝ gandǝrǝu aɓa nutanni mala agir mǝnana à yipam nǝ kurkunarǝu mala amǝ Yahudi mǝnana amǝkwaɗi na raka.

Amǝ Roma 9:2

mǝ ndanǝ bumkiɗikea kǝrkǝr andǝ pi mala ɓabum koya pwari

1 Amǝ Korinti 1:18

Cau mala lú mala Kǝrǝsti amur nggun-gangndi ka, cau mǝɓangge na aban aɓwana mǝnana à kǝ ká kìɗìkì ka. Sǝ sǝm mǝnana Ɓakuli na rǝ amsǝ sǝm ngga, aban sǝm ngga rǝcandǝa mala Ɓakuli na.

1 Amǝ Korinti 6:9

Wu sǝlǝ mbak ama amǝ'ɓealɓikea pa nǝ̀ kutio a Domurǝm mala Ɓakuli ɗang? Wu kǝa swarki ɓamur rǝ wun ɗang! Aɓwana mǝnana à kǝ dukdo kiɗìkì mala nonggi nǝ rǝarǝu, ko à kǝ peri ata ankúl andǝ nongginǝ amālá aɓea andǝ abura aɓea ka, à pà nǝ̀ kuti a domurǝm mala Ɓakuli ɗang. Sǝ kǝɓwa pà kàm ata amǝ kìɗìkì mala nongginǝban, ko aburana a rǝarǝia, ko amamǝna gbal a rǝarǝia, mana à nǝ̀ kum kutio a domurǝm mala Ɓakuli ka ɗang.

2 Amǝ Korinti 11:13

Amǝnia yì aɓwana ka, amǝ'mishan mǝ'nyirì na. Yia ka, amǝɓosǝkiban na, mǝnana à ɓosǝki rǝia kǝla amǝ'mishan mǝɓafoe mala Kǝrǝsti ka.

2 Amǝ Korinti 11:29

Yana rǝì ɓunggio sǝ mem ɓunggi ɗang? Yana kpa aɓa cauɓikea, sǝ ce kwan rǝam raka?

2 Amǝ Korinti 2:4

Ən gilǝa wun mǝno yì cautera ka aɓa bumkiɗikea mǝgule andǝ bumpina nǝ mǝrǝm a mǝsǝam; sǝ mǝno ka pà ace kiɗiki ɓabum wun ɗang, nda ace lǝmndǝa wun earcearǝu mǝlime mǝnana mǝ ndanǝi ace wun ngga.

Amǝ Galati 1:7

Wu nda ban kpata ɓe “cau amsǝban” mǝnana a mǝsǝ sǝm ngga, kǝ cau amsǝban na raka. Aɓea aɓwana na, à kǝ earce zurǝì mur wun, à nǝ̀ ɓosǝki ta Cau Amsǝban mala Kǝrǝsti ka.

Amǝ Galati 2:14

Lang ǝn sǝni à kǝ̀ kpata ɓafo mala Cau Amsǝban raka, pǝlǝa ǝn ne Bitǝrus a ɓamǝsǝ ɓwapǝndǝa bwāng ama: We ka, a nda ɓwa Yahudi, sǝ a kǝ duk ulang do mala aɓwana mǝnana amǝ Yahudi na raka. Sǝ palang adyan, sǝ a kǝ earce tsǝk aɓwana mǝnana amǝ Yahudi na raka, ɓǝa duk ulang do mala amǝ Yahudi?

Amǝ Galati 2:21

Ən burice ɓwamuru mala Ɓakuli ɗang. Acemǝnana ɓǝ̀ kpata nggurcau nǝ̀ tsǝk sǝm, sǝm nǝ̀ duk pepe sǝnǝa Ɓakuli ka, lú mala Kǝrǝsti ka nda ɓa.

Amǝ Galati 5:21

andǝ shamgir mala ɓwa, andǝ wal-walo gir, andǝ ká kpapí mǝɓane mala nukiagir andǝ nongginǝban, andǝ acili acauɓikea kǝla amǝnia ka. Mǝ ɓǝsǝlǝa wuni ɗǝm kǝla mǝnana ǝn na wun a dǝmbǝa ka, ama ɓwa mǝnana kat kǝ do aɓata a'ulang mǝnia yì ado ka, pà nǝ̀ kutio a Domurǝm mala Ɓakuli ɗang.

Amǝ Galati 6:12

Aɓwana mǝnana à kǝ ɓariki ama à nǝ̀ tsǝk wun púp wu kasǝ-ɓatau ka, à nda aban earce ama ɓǝ̀ aɓwana sǝn sǝlǝpe malea. À eare ama à nǝ̀ kum tanni ace nggun-gangndi mala Kǝrǝsti ɗang. Nda gir mǝnana tsǝa sǝ à kǝ ɓinǝ kanigir mana ama nǝ́ guli arǝ turo mǝnana Kǝrǝsti malǝna pe amur nggun-gangndi nǝmurǝì ka, sǝ aɓwana nǝ̀ kum amsǝban ngga.

Amǝ Galati 6:14

Ma-mem ngga, pa mǝ nǝ nggori nǝ kǝgir ɗang, she kǝ nggun-gangndi mala Mǝtala sǝm Yesu Kǝrǝsti. Ace mǝno yì nggun-gangndi ka, kpata ɓanza man, mǝnana a ɓalǝam ngga, à gballìni wuna, sǝ nggearǝ mim gbal aban ɓanza ka à gballìnam ǝn wuna.

Amǝ Afisu 4:17

Aɓa rǝcandǝa mala Mǝtalabangŋo sǝ ǝn nggǝ na mǝnia yì cau ka: Wu kǝa nyare wu duk ulang do mala amǝ ɗwanyi surǝ Ɓakuli, mǝnana aɗenyicau malea ka, kǝgir mǝɓoarne pa a ɓalǝi raka ɗang.

Amǝ Filipi 1:4

Hiwi mem ace wun kat ko aya pwari ka, ǝn nggǝ pê nǝ bumpwasǝa,

1 Amǝ Tasalonika 4:6

Aɓa mǝnia yì cau ka kǝɓwa ɓǝ̀ kǝa pakki ɓi mǝkwaɗi gir mǝɓane ko ɓǝ̀ ɓǝmbǝri aɓa kutio arǝ alta mami ko burri ɗang. Sǝm nanà wun ɗiɗyal nǝ nunkiru ama, Mǝtalabangŋo ka kǝ ɓashia aɓwana arǝ ulang amǝno yì acauɓikea ka.

2 Amǝ Tasalonika 3:11

Sǝm bangŋa anggo, acemǝnana sǝm nggǝ o ama, aɓea aɓwana na aɓalǝ wun mǝnana à kǝ duk do ɓana, à kǝ pak kǝ turo raka. Kǝ turo malea nda kutiki aɓalǝ acau mala aɓwana.

2 Bitǝrus 2:10

Nggeamurǝmi ka, nǝ̀ ɓashi amǝ gyata kìɗìkì mala anpel mala nggūrǝu, andǝ amǝ burice yalban mala Ɓakuli amuria. Acemǝnana amǝnia yì amǝkanigir mǝ'nyirì ka à ndanǝ gusǝlǝ-ɓamuru, andǝ candǝ-ɓamuru ɗǝm ngga, ko ɓangciu kǝ pakkia wia arǝ na mǝɓane amur amǝturonjar a kuli, mǝnana Ɓakuli pea wia tǎ aɓa ɓoarɓwa ka ɗang.

Yahuda 1:13

À nda kǝla nggeamur mǝnana gung kǝ songnǝki nǝ burabura, à kǝ gbanggǝri agir kǝsǝkya malea kǝla pupwalo. À nda kǝla anlero mǝnana à cam aban mǝ'mwashati raka, sǝ ban mǝnana Ɓakuli ci acea ka nda nggea pǝndǝa mǝcikciki mǝnana málá male pà kàm raka.