Amǝ Filipi 3:12 - Maləmce Məfele mala Ɓakuli: Kurcau Məbəshe

¹² Mim ngga ǝn twali ama ǝn bwalǝna ban came ɗang, sǝ ǝn mala ká lumsǝ gbal ɗang. Mǝ nda aban ɓariki mǝ nǝ kum gir mǝnana Kǝrǝsti Yesu ciem, ǝn duk male ace ka.

Amǝ Filipi 3:12 ပူးပေါင်းရင်းမြစ်များ

Matiu 5:48

Ace mǝno ka wu lumsǝ nǝ cauɓoarna kǝla mǝnana Tar wun mana a kuli ka lumsǝ nǝ cauɓoarna ka.

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Roma 8:39

ko agir mǝnana a kuli, andǝa mǝnana ata nzali ka, à karǝ ɗang. Kǝgir pà kàm aɓa ɓanza man, mǝnana nǝ̀ gandǝ gau sǝm sǝnǝa earcearǝu mala Ɓakuli, mana aɓa Kǝrǝsti Yesu Mǝtala sǝm ngga ɗang.

1 Amǝ Korinti 13:10

Sǝa ma ɓǝ̀ gir mana lumsǝ ka, yina ka, amǝnana à lumsǝ raka, à nǝ̀ ndǝrmi.

1 Amǝ Korinti 13:12

Adyan ngga, sǝm nggǝ sǝnban mbǝrǝm-mbǝrǝm, kǝla yilǝmi gir aɓa tapwari mǝpǝndǝke, sǝ a dǝmbǝa ka, sǝm ne sǝnban ɓamǝsǝu andǝ ɓamǝsǝu. Ado ka, surǝe mem ngga lumsǝ ɗang, sǝ a dǝmbǝa ka, mǝ nǝ surǝ koman ngga, kǝla mǝnana Ɓakuli surǝam ɗǝɗak ka.

1 Amǝ Korinti 9:24

Wu sǝlǝ mbak ama aɓa ɗire ɓanggi-amire ka, aɓwana pas sǝ à nǝ̀ ɓangŋa, sǝ ɓwa mwashat na nǝ̀ li, nǝ̀ kum tangnakusǝi ka? Wun ngga, wu nǝ̀ ɓangŋa anggo gbal, ace mǝnana ɓǝ̀ wu kum tangnakusǝ wun.

2 Amǝ Korinti 13:9

Banɓoara sǝm, mana ɓǝ̀ rǝ sǝm ɓunggio sǝ wu ndanǝ rǝcandǝa ka. Hiwi ma'sǝm ace wun ngga nda ɓǝ̀ wu kum lumsǝo pepe.

2 Amǝ Korinti 7:1

Wun amǝ'eamrǝarǝu, acemǝnana sǝm ndanǝ amǝnia yì apacau ka, ɓǝ̀ sǝm lak ɓamur rǝ sǝm arǝ agir kat mǝnana à nǝ̀ ká nǝ nggurǝ sǝm ko bangŋo ma'sǝm aɓa pě mǝnana Ɓakuli ginǝce ka. Ɓǝ̀ sǝm nggǝ pa anggo ka, sǝm nǝ̀ kum lumsǝo nǝ domǝfele aɓa ɓanggi Ɓakuli.

Amǝ Galati 5:17

Gir mǝnana nggūrǝu earkiyice ka nda a mgbasho nǝ gir mǝnana Bangŋo earkiyice ka. Sǝ Bangŋo ka, kǝ tsǝk sǝm arǝ earce agir mǝnana nggūrǝu ginǝki cea ka. Amǝnia yì agir ɓari ka, à nda ɓibura. Yia ka, à kǝ munǝo a rǝarǝia pwari-pwari. Nda gir mǝnana kǝ tsǝk wun sǝ wu kǝ gandǝ pak mǝɓoarne mǝnana wu kǝ earce pe ka raka.

Amǝ Afisu 1:4

Kaniama nǝ̀ pak ɓanza ka, Ɓakuli ak tadǝmbǝa tàr sǝm, ɓǝ̀ sǝm duk amale, aɓa kpapi ma'sǝm sǝnǝa Kǝrǝsti, ace mǝnana ɓǝ̀ sǝm tar ɓamur sǝm aceì, ɓe sǝm duk aɓwana amǝ ɗwanyi cau a rǝǔ abani, sǝ ɓǝ̀ sǝm dukdo earcearǝu.

Amǝ Afisu 4:12

Pāki amǝno yia aɓoro ka, acemǝnana ɓǝ̀ pea aɓwana male rǝcandǝa mala turo ɓak ikǝlisiya, yì nggūrǝ Kǝrǝsti.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

Amǝ Filipi 3:16

Sǝm ngga, ɓǝ̀ sǝm bwal kàngkàng arǝ bancame mǝnana sǝm bingŋǝna kam ngga.

Amǝ Filipi 3:3

Sǝm mǝnana sǝm nggǝ peri aban Ɓakuli aɓa Bangŋo ka, sǝm ndaka aɓwana mǝnana à kasǝa sǝm ɓatau aɓa mǝsǝcau ka. Sǝm ngga, sǝm nggǝ nggori nǝ Kǝrǝsti Yesu, sǝm guli arǝ agir mǝnana à pe aɓa nggūrǝu ka ɗang,

Amǝ Filipi 3:8

Sǝ kǝgir pà kàm à nǝ̀ kani arǝ surǝ Kǝrǝsti Yesu Mǝtalem ɗang. Ən nying girbunda kat ace cau male. Ən sukkinia, ǝn twalia à pà a kun kǝgir ɗang, ace mǝnana ɓǝ̀ ǝn kum Kǝrǝsti,

1 Amǝ Tasalonika 5:15

Wu kǝa eari kǝɓwa aɓalǝ wun ɓǝ̀ mbwe kǝɓwa nǝ pe mǝɓike a kun mǝɓike ɗang. Ɓǝ̀ do ama a koya pwari ka, wu kǝ ɓariki wu kǝ pakki arǝ wun pe mǝɓoarne andǝ aɓwana kat.

2 Amǝ Tasalonika 2:13

Sǝ sǝm ngga, ndanǝ ɓoaro ɓǝ̀ sǝm nggǝ pakki Ɓakuli yàwá ace wun, wun amǝ'eamrǝarǝu mǝnana Mǝtalabangŋo earkiyi acea raka. Ɓakuli ka tarki wun kǝla aɓǝla agir mǝdǝmbe ace amsǝ wun, ɓǝ̀ wu duk aɓwana male, nǝ rǝcandǝa mala Bangŋo male, sǝ nǝ paɓamuru ma'wun arǝ mǝsǝcau ka.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

1 Timoti 6:19

Aɓa pe mǝno anggo ka, à nǝ̀ nggǝ rambǝi ɓamuria gǝna mana nǝ̀ dupia wia tǝr kum do mǝɓoarne a nza mǝnana kǝ yiu ka, sǝ do nǝ yilǝmu mǝɓafoe ka à nǝ̀ kumi nǝ̀ duk malea.

Amǝ Ibǝru 12:14

Wu ɓariki wu dukdo rǝpwala wunǝ aɓwana andǝ do mǝfele; aɓwana mǝnana à kǝ dukdo mǝfele raka, à pà nǝ̀ sǝn Mǝtalabangŋo ɗang.

Amǝ Ibǝru 12:23

Wu yina aban rambǝa mala amuna-dǝmba mala Ɓakuli, mǝnana à gilǝna alullǝia a kuli ka. Wu yina aban Ɓakuli, mǝɓashi ɓwapǝndǝa kat. Wu yina aban abangŋo mala aɓwana mǝnana à dukdo ɓealɓoarna sǝ adyan ngga Ɓakuli ea à kumǝna lumsǝo ka.

Jemis 3:2

Acemǝnana sǝm kat ka sǝm nggǝ ɓwarkio arǝ anjar pas. Ɓǝ̀ ɓwa kǝ ɓwarki aɓalǝ acau male raka, man yì ɓwa ka lumsǝna ɓwa, mǝnana nǝ̀ gandǝi nǝ̀ bwal ɓamuri a koya njar kat ka.

1 Bitǝrus 5:10

Ɓakuli ka nda mǝtala ɓwamuru kat. Yì nda mana tunǝ wun aɓa gulo male mǝnana málá male pà kàm raka, aɓa Kǝrǝsti Yesu. Anzǝm mǝnana wu nuna tanni aɓalǝ apwari bǝti ka, nǝ̀ nyesǝ wun aban came mǝɓoarne, nǝ̀ pa'wun gbasha, andǝ rǝcandǝa. Ɗǝm ngga nǝ̀ dumsǝ wun aɓa lidǝmbǝa mana pà wu nǝ̀ dǝurǝ raka.

2 Bitǝrus 3:18

Wun ngga, wu lidǝmbǝa nǝ gulo aɓa ɓwamuru andǝ surǝe Mǝtala sǝm andǝ Mǝ'amsǝ sǝm Yesu Kǝrǝsti. Gulo kat ka, male na, ado, andǝ mǝnana málá male pà kàm raka. Amin.