Amǝ Filipi 2:5 - Maləmce Məfele mala Ɓakuli: Kurcau Məbəshe

⁵ Ɓǝ̀ ɓabum wun pa kǝla mala Kǝrǝsti Yesu:

Amǝ Filipi 2:5 ပူးပေါင်းရင်းမြစ်များ

Matiu 11:29

Wu pa ɓamur rǝ wun aɓata nzongcau mem, kǝla mana nda-rya kǝ pa ɓamuri aɓata nggun-rya ka. Acemǝnana mǝ nda ɓukɓuk, nǝ nwangsǝmuru a ɓabum ngga, wu kànì a rǝam, sǝ yilǝmi wun nǝ̀ kum usǝlǝo.

Luka 22:27

Yana nda ɓwamǝgule, ɓwa mǝnana do aban li ka le, ko ɓwa mǝnana kǝ gaki girlina ka? Nda ɓwa mǝnana do aban li ka re? Sǝ mim ngga ǝn do aɓalǝ wun kǝla mǝ gau girlina.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 20:35

Aɓa koya gir ǝn nggǝ pak ka, mǝ nda ban lǝmndǝa wun ama, aɓa pak turo mǝnana nkundǝr pa a rǝì raka sǝ sǝm nǝ̀ bwali aɓwana mana à pànǝi raka. Ɓǝ̀ sǝm ɗenyi nǝ acau mala Mǝtalabangŋo Yesu, mǝnana na nǝ ɓamuri ama, “Tsǝkbu mala Ɓakuli mana amur amǝ pa ɓoro ka nda kpǝm kuti do kúndǝo ɓǝa po.”

Amǝ Roma 14:15

Ɓǝ̀ a tsǝk mǝ'eambǝo sǝ banɓiki wi nǝ girlina mǝnana a li ka, lǝmndǝ ama a kǝ pak gir aɓa earcearǝu ɗang. Kǝa eare girlina mǝnana a kǝ li ka, ɓǝ̀ tsǝk mǝ'eambǝo mǝnana Kǝrǝsti wú ace ka, ɓǝ̀ kiɗiki ɗang!

Amǝ Roma 15:3

Ko nggearǝ Kǝrǝsti ka dukdo pwasǝbum ɓamuri ɗang. Kǝla mǝnana Malǝmce bang ngga, “Asangban mala aɓwana mǝnana à sangŋo ka, We Ɓakuli, à sulǝna a muram.”

Amǝ Roma 15:5

Sǝ Ɓakuli mǝnana pākiyi gandǝrǝu andǝ girikiban ngga, ɓǝ̀ pa wun ɓabum dotarǝu arǝarǝ wun, wu kǝ kpata ulang pe mala Kǝrǝsti Yesu.

1 Amǝ Korinti 10:33

Wu pa kǝla mǝnana ǝn nggǝ pak ka; ǝn ɓariki mǝ nǝ pwasǝbum ko yan ngga, aɓalǝ agir mǝnana kat ǝn nggǝ pak ka. Ən nggǝ pa ace ɓamuram ɗang, ǝn nggǝ pa ace aɓwana kat, ace mǝnana ɓǝa kum auwa ka.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Filipi 1:1

Cautera mǝnia ka, pur nǝban Bulǝs andǝ Timoti, aguro mala Kǝrǝsti Yesu. Aban ká aban aɓwana amǝ fele mala Ɓakuli a Filipi, yia mǝnana à nda aɓa dotarǝu andǝa Kǝrǝsti Yesu ka, kat andǝ aɓwana-mǝgule andǝ amǝ'bwalturo ɓa ndahiwi.

1 Bitǝrus 2:21

Nda àkǝ̀ ce mǝnia ka sǝ Ɓakuli tunǝ wun, acemǝnana Kǝrǝsti gbal ka, nu tanni ace wun sǝ nyingga wuni kǝla girkani, ace mǝnana ɓǝ̀ wu twal kusǝì ka.

1 Bitǝrus 4:1

Sǝ acemǝnana Kǝrǝsti nu tanni aɓa nggūrǝu ka, wu twal ulang mǝno yì ɓealǝu ka, wu gilǝ rǝwun ace tanni kǝla male; acemǝnana ɓwa mana kat tanni a nggūrǝu ka, malǝna nǝ cauɓikea.

1 Yohana 2:6

Ɓwa mǝnana bangŋa ama nda aɓa dotarǝu andǝa Ɓakuli ka, dumǝna ama nǝ̀ dukdo mǝnana Yesu duk ka.