Amǝ Filipi 2:3 - Maləmce Məfele mala Ɓakuli: Kurcau Məbəshe

³ Gir mǝnana kat wu nǝ̀ pè ka, wu kǝa pe nǝ earce-ɓamuru, ko twalɓamuru ɗang; wu nongsǝ ɓamur rǝ wun, wu twal aɓi wun kǝla à kuti wun.

Amǝ Filipi 2:3 ပူးပေါင်းရင်းမြစ်များ

Luka 18:14

Ən nggǝ na wun ama, mǝnia yì ɓwa ka, nyare aban o ɓala male ka, mǝ'cauɓoarna na a ɓadǝm Ɓakuli, pa kǝla mala ɓwa Farisi ɗang. Acemǝnana koyana sǝ kǝ twalɓamuri ka, à nǝ̀ kyauwiki, sǝ ɓwa mǝnana kǝ nongsǝ ɓamuri ka, à nǝ̀ gusǝlǝi.

Amǝ Roma 12:10

Wu earce rǝarǝ wun nǝ earceban mǝ'mǝsǝcau nì. Ɓǝ̀ ban ɓoara wun arǝ pe rǝarǝ wun gulo.

Amǝ Roma 13:13

Ɓǝ̀ sǝm dukdo ɓealǝu ɓoarnsari kǝla aɓwana mǝnana à nda aɓa tǎlaban mala pwari ka. Pà aɓa nukiagir ko wal wale, andǝ kiɗiki mala nonggi nǝ rǝarǝu ko alta banɓoarnado mala pakki agir kǝsǝkya, andǝ munǝki-amunǝo ko mɓali ka ɗang.

Amǝ Roma 2:8

Sǝ bumlulla andǝ bumpina male ka nǝ̀ sulǝo amur amǝ'earce ɓamuria, andǝ amǝɓinǝ kpata mǝsǝcau ace gya ata ɓealɓikea.

1 Amǝ Korinti 15:9

Mim ngga, mǝ nda rítǎu aɓalǝ amǝ'mishan. Ɓafo ka, ǝn kārǝa ɓǝa ɓallam aɓalǝ amǝ'mishan ɗang, ace kǝ pàtanni mǝnana ǝn pe ikǝlisiya mala Ɓakuli ka.

1 Amǝ Korinti 3:3

acemǝnana gir mana nggūrǝu earkiyice ka nda wu ginggi ate ka piu. Yi mǝnana mɓali na kam arǝarǝ wun andǝ ɓikido ka, mǝno ka lǝmndǝ ama wu ndaka mala ɓanza re? Wu pa aɓa do ulang do mala amǝɓanza re?

2 Amǝ Korinti 12:20

Ɓangciu kǝ pakkam ama ɓǝ̀ ǝn yiu ka, yakǝla mǝ nǝ yia kum wun pà kǝla mǝnana mǝ nǝ earce ɓǝ̀ wu pak ka ɗang, sǝ wun ngga, yakǝla wu kumam pa kǝla mǝnana wu nǝ̀ earcem mǝ pak ka ɗang. Ɓangciu kǝ pakkam ama, mǝ nǝ yia kum kúnɓuana, andǝ mɓali, andǝ bumlulla, andǝ earce-ɓamuru, andǝ kiɗikiɓwa, andǝ twal-lullǝu, andǝ candǝmuru, andǝ zuriki nre-rǝarǝu.

Amǝ Galati 5:15

Sǝ ɓǝ̀ akuni lǝmndǝì arǝ wun earcearǝu, wu camarǝ munǝo andǝ loasǝban a rǝarǝ wun ngga, wu parkir wun, ɓǝ̀ a na raka wu nǝ̀ kiɗiki rǝarǝ wun.

Amǝ Galati 5:26

Ɓǝ̀ sǝm ngga gusǝlǝ mur sǝm, ko ɓǝ̀ sǝm nggǝ altacau arǝarǝ sǝm, ko ɓǝ̀ sǝm nggǝ pak mɓali arǝarǝ sǝm ɗang.

Amǝ Afisu 4:2

Ko aya pwari ka, wu nyesǝmur wun, wu duk ɓuɓɓuk nǝ pak munyi nǝ rǝarǝ wun. Wu lǝmndǝì arǝ wun earcearǝu andǝ do nǝ gandǝrǝu.

Amǝ Afisu 5:21

Ɗǝm ngga, wu kǝ nongsǝ meal wun aɓata rǝ wun, ace kǝ gusǝlǝ Kǝrǝsti.

Amǝ Filipi 2:14

Wu pusǝ nggwani andǝ makgir aɓalǝ agir mǝnana kat wu pakkiyi ka.

Amǝ Kolosi 3:12

Sǝ acemǝnana Ɓakuli tarna wun ɓǝ̀ wu duk aɓwana male mǝnana kǝ earcea ka, wu twal ɓealǝu mala sǝn mǝsǝswatǝr, andǝ pemǝɓoarne, andǝ nyesǝɓamuru, andǝ doɓuɓɓuka, sǝ munyi.

Amǝ Kolosi 3:8

Sǝ adyan ngga dumǝna pup wu nǝ̀ bwaki bu wun arǝ agir kǝla amǝnia ka: bumlulla, sǝ bumkpǝmna, sǝ ɓwashiriɓe, sǝ nacau kiɗiki ɓwa, andǝ naki acauɓana.

1 Timoti 6:4

ɓwe ka, twalɓamuru akini, sǝ surǝ kǝgir ɗang. Ulang mǝnia yì ɓwa ka, ndanǝ ɓabum mǝɓane mala makgir andǝ loasǝkiaban amur acau mana à kǝ yinǝ mɓali, andǝ kúnɓuana, andǝ kiɗiki ɓwa, andǝ nusǝban nǝ mǝɓane.

1 Bitǝrus 3:8

A masǝlǝate ka, wun kat ka, ɗenyicau ma'wun ɓǝ̀ duk mwashat. Wu kǝ sǝn mǝsǝswatǝr mala rǝarǝ wun. Wu earce rǝarǝ wun kǝla amǝ'eamrǝarǝu. Wu dum nǝ ɓabum ɓukɓuka andǝ nyesǝmuru.

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”