Amǝ Filipi 2:27 - Maləmce Məfele mala Ɓakuli: Kurcau Məbəshe

²⁷ Aɓa mǝsǝcau ka, rǝì kwani kǝrkǝr, yale ue bǝti ɓǝ́ wuna. Sǝ Ɓakuli sǝn mǝsǝswatǝr male andǝ mem gbal, sǝ amsǝi, ace mǝnana bumkiɗikea mem ɓǝ̀ kǝa gul kǝrkǝr ɗang.

Amǝ Filipi 2:27 ပူးပေါင်းရင်းမြစ်များ

Amǝ Filipi 2:30

Acemǝnana api lú bǝti aban pakki Kǝrǝsti turo. Twal yilǝmi a kun kǝgir ɗang aɓa pakkam turo mǝnana ɓǝ́ wu nda wu nǝ̀ pakkam ngga.

2 Amǝ Korinti 2:7

Sǝ adyan ngga, ɓoaro wu twali wi banì, sǝ wu giriki, ace mǝnana bumkiɗikea ɓǝ̀ kǝa kuti rǝcandǝa male gandǝa ɓǝ̀ ɓunggi ɓabumi ka ɗang.

1 Amǝ Korinti 10:13

Kǝ karǝkiban pà kàm nǝ̀ kumo mǝnana kǝ kum ɓwapǝndǝa raka. Ɓakuli ka mǝ'ɓwamuru na, pà nǝ̀ eare wu kum karǝkiban mǝnana nǝ̀ kuti rǝcandǝa mo ka ɗang. Sǝ ɓǝ̀ karǝkiban kumo ka, yì ka, nǝ̀ po rǝcandǝa mǝnana a nǝ cambi wi, sǝ nǝ̀ mǝn njargula mana a nǝ puri ɓālǝi ka.

Amǝ Mishan 9:37

Aɓalǝ amǝno yì anonggeo ka, rǝì pakki wi pak lú. Lang à sussǝna lú ka, pǝlǝa à nongsǝi aɓa ndakuli.

Amǝ Filipi 2:26

Ado ka, rǝì kǝ ɓǝla ace sǝn wun. Banɓoari wi ɗang, mǝnana sǝlǝ ama wu ongŋǝna ce rǝkwana male ka.

Amǝ Filipi 2:28

Bumam kǝ pi ɓǝ̀ ǝn tasǝa wun tè ɗǝm, acemǝnana ǝn sǝlǝna ama ɓǝ̀ wu sǝni ɗǝm ngga, ɓabum wun nǝ̀ pakiɗire, sǝ mim gbal ka ɓabumam nǝ̀ nongŋo.