Amǝ Filipi 2:26 - Maləmce Məfele mala Ɓakuli: Kurcau Məbəshe

²⁶ Ado ka, rǝì kǝ ɓǝla ace sǝn wun. Banɓoari wi ɗang, mǝnana sǝlǝ ama wu ongŋǝna ce rǝkwana male ka.

Amǝ Filipi 2:26 ပူးပေါင်းရင်းမြစ်များ

Matiu 11:28

Wu yiu abanam, wun kat mǝnana wu kǝ tanni sǝ twalo dǝmbǝrya wun ngga, mǝ nǝ pà wun usǝlǝo.

Matiu 26:37

Tunǝ Bitǝrus andǝ amuna mala Zabadi ɓari, Yohana andǝ Jemis ate, sǝ tita pak bumkiɗikea, sǝ ɓabumi zuriki.

Amǝ Mishan 21:13

Sǝ yì ka, na ama, “Mana wu pakkiyi anggo, wu tsǝk mǝrǝm a mǝsǝ wun, wu nǝ̀ ɓunggi ɓabumam? Yale kùrban na ǝn nakiyi ce ka ɗang, ko nggearǝ lú ka ǝn earǝna mǝ nǝ ngga wu, acau mala Mǝtalabangŋo Yesu.”

Amǝ Roma 1:11

Mim ngga ǝn earce kǝrkǝr a ɓabumam ɓǝ̀ ǝn kya sǝn wun, ɓǝ̀ ǝn pa wun aɓoro ɓa Bangŋo mǝnana nǝ̀ pa wun rǝcandǝa ka.

Amǝ Roma 12:15

Wu pak banɓoarnado wunǝ aɓwana mǝnana à kǝ pak banɓoarnado ka; wu ɓua wunǝ aɓwana mǝnana à kǝ ɓua ka.

Amǝ Roma 9:2

mǝ ndanǝ bumkiɗikea kǝrkǝr andǝ pi mala ɓabum koya pwari

1 Amǝ Korinti 12:26

Ɓǝ̀ ɓe barǝu mwashat nanǝ tanni ka, acili abarǝu ka, à kutina aɓa tanni gbal kat ate. Sǝ ɓǝ̀ ɓe mwashat kum gulo ka, abarǝu kat ka, ban nǝ ɓoaria wia ate.

2 Amǝ Korinti 9:14

Sǝ à nǝ̀ pak hiwi ace wun, nǝ nzal wun a bumia ace ɓwamuru mǝkǝrkǝr nì mǝnana Ɓakuli pa wun ngga.

Amǝ Galati 6:2

Wu bwalia rǝ wun aɓa tanni; anggo ka, sǝ wu nǝ̀ lumsǝ nggurcau mala Kǝrǝsti.

Amǝ Afisu 3:13

Ace mani ka, ǝn nggǝ zǝmbǝa wun, ɓabum wun ɓǝ̀ kǝa ɓunggio ace tanni mǝnana mǝ nda ɓālǝi akani ace wun ngga ɗang, nda àkǝ̀ ce gulo ma'wun.

Amǝ Filipi 1:3

Ɓǝ̀ aya pwari sǝ ǝn ɗenyi nǝ wun ngga, ǝn nggǝ pakki Ɓakuli mem yàwá.

Amǝ Filipi 1:8

Ɓakuli surǝna rǝ lime mala earcearǝu mǝnana mǝ ndanǝi ace wun, andǝ nzal wun kat mǝnana ǝn nggǝ oe, nǝ ulang earceban mǝnana Kǝrǝsti Yesu ndanǝi ace wun ngga.

Amǝ Filipi 2:25

Ən sǝni, ndanǝ ɓoaro ɓǝ̀ ǝn nyesǝa wun Apafuroditus, mǝ'eambǝam, ɓiam mǝturo andǝ ɓiam soje. Yì gbal ka nda ɓwa mǝnana wu turi ɓǝ̀ tsǝkiram aɓa dotǝle mem ngga.

Amǝ Filipi 2:27

Aɓa mǝsǝcau ka, rǝì kwani kǝrkǝr, yale ue bǝti ɓǝ́ wuna. Sǝ Ɓakuli sǝn mǝsǝswatǝr male andǝ mem gbal, sǝ amsǝi, ace mǝnana bumkiɗikea mem ɓǝ̀ kǝa gul kǝrkǝr ɗang.

Amǝ Filipi 4:1

Ace mani ka, wun amǝ'eambǝam, wu cam kàngkàng aɓa kpata Mǝtalabangŋo. Wun mǝnana ǝn earkiyi earce wun raka, sǝ ɓabumam kǝ pi ace sǝn wun ngga, wu nda ka banɓoarnado mem andǝ mbulan-gulo mem.

1 Bitǝrus 1:6

Mǝnia ka kǝ pa wun banɓoarnado kǝ̀rkǝ́r, kat andǝ amani ama adyan aɓa bu-pwari bǝti ka, dumǝna ama wu nǝ̀ kutio aɓa bumkiɗikea ata cau mala akárǝkiban ɗàngɗáng.