Amǝ Filipi 2:25 - Maləmce Məfele mala Ɓakuli: Kurcau Məbəshe

²⁵ Ən sǝni, ndanǝ ɓoaro ɓǝ̀ ǝn nyesǝa wun Apafuroditus, mǝ'eambǝam, ɓiam mǝturo andǝ ɓiam soje. Yì gbal ka nda ɓwa mǝnana wu turi ɓǝ̀ tsǝkiram aɓa dotǝle mem ngga.

Amǝ Filipi 2:25 ပူးပေါင်းရင်းမြစ်များ

Yohana 13:16

Mǝ nda ban bangga wun mǝsǝcau, kǝ guro pà kàm gulo kuti mǝtala-ɓala male ɗang, sǝ kǝ mǝturonjar pà kàm nǝ́ gulo kuti ɓwa mǝnana turi ka ɗang.

Yohana 17:18

Kǝla mǝnana a turam aɓa ɓanza ka, anggo gbal sǝ ǝn nggǝ turia aɓa ɓanza.

Amǝ Roma 16:3

Ən nggǝ tasǝ makkun mem aban Pǝrisǝla andǝ Akila, aɓeam amǝturo, aban turo mala Kǝrǝsti Yesu.

Amǝ Roma 16:9

Wu makki Urǝbanus kun, ɓi sǝm mǝturo mala Kǝrǝsti, andǝ Sǝtakis gyajam mem mǝgule.

1 Amǝ Korinti 3:9

Sǝm ngga sǝm ndaka amǝturo sǝnǝa Ɓakuli. Sǝ wun ngga, wu nda ka ɓaban mala Ɓakuli mǝnana rikiyi ka. Ɗǝm ngga, wu nda ka ɓah mala Ɓakuli mǝnana ɓakkiyi ka.

2 Amǝ Korinti 2:13

Sǝ ko bumam nong ɗang, acemǝnana ǝn kum mǝ'eam sǝm Titus akano ɗang, nda sǝ ǝn tsǝk aɓwana mǝno ka a ndà sǝ ǝn kuti aban ká a Masǝdoniya.

Amǝ Filipi 2:26

Ado ka, rǝì kǝ ɓǝla ace sǝn wun. Banɓoari wi ɗang, mǝnana sǝlǝ ama wu ongŋǝna ce rǝkwana male ka.

Amǝ Filipi 4:18

Ado ka, ǝn kumǝna agir kat mǝnana ǝn earkiyi cea ka, yale nǝ mur amuri. Ən lumsǝna nǝ agirbunda kǝrkǝr nǝ aɓoro mǝnana wu tasǝam ban nǝia nǝ bu Apafuroditus ka. À nda kǝla aɓoro mǝɓoarne mǝnana agir'a na aban Ɓakuli sǝ à kǝ pwasǝbumi ka.

Amǝ Filipi 4:3

E, ǝn nggǝ zǝmbǝo gbal, we ɓiam mǝturo mǝɓafoe. Bwali amamǝna mǝnia ka. Yia ka à pak turo kǝrkǝr atam aban hamnǝ Cau Amsǝban, a tarǝ sǝm sǝnǝa Kǝlemen andǝ acili aɓiam amǝturo, mǝnana alullǝia ka, a nda aɓa Malǝmce mala Yilǝmu ka.

Amǝ Kolosi 1:7

Abafǝras, ɓi'sǝm mǝturo mǝnana sǝm earkiyi ace raka, nda ɓwa mǝnana nǝ baní sǝ wu kum sǝlǝe amur mǝnia yì ɓwamuru ka. Yì ka, mǝturo mala Kǝrǝsti na nǝ mǝsǝcau, sǝ nda mǝnana kǝ bwala sǝm turo ace wun ngga.

Amǝ Kolosi 4:11

Yesu mǝnana à tunǝki ama Yustus ka, kǝ makka wun kun gbal. Kǝ amǝnia yì aburana ka, à nda ka amǝ Yahudi aɓalǝ aɓeam amǝturo ace Domurǝm mala Ɓakuli. À ɓak ɓabumam nǝ rǝcandǝa.

1 Amǝ Tasalonika 3:2

sǝ sǝm tasǝ Timoti ɓǝ̀ kyane ɓǝ̀ kya sǝn wun. Yì ka, mǝ'eam sǝm na andǝ ɓi'sǝm mǝturo mala Ɓakuli aɓa hamnǝ Cau Amsǝban mala Kǝrǝsti. Sǝm turi aban wun ace mǝnana ɓǝ̀ yi ɓakɓabum wun, ɓǝ̀ dupa wun gbasha aɓa paɓamuru ma'wun aban Kǝrǝsti.

Filimon 1:24

Sǝ anggo gbal, sǝ Markus, andǝ Aristakus, andǝ Dimas andǝ Luka, aɓeam amǝturo.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.