Amǝ Filipi 2:22 - Maləmce Məfele mala Ɓakuli: Kurcau Məbəshe

²² Sǝ Timoti ka, wu sǝlǝna ama lǝmndǝna ɓamuri ama karǝna ɓwa. Pangŋǝna turo atam kǝla muna andǝ tarrí. Yì ka, bwalam nggam aɓa turo hamnǝ Cau Amsǝban.

Amǝ Filipi 2:22 ပူးပေါင်းရင်းမြစ်များ

Amǝ Mishan 16:2

Amǝkwaɗi mana a Listǝra andǝ Ikoniya ka, à kǝ ɓwangsǝi yì Timoti.

Amǝ Roma 5:4

sǝ do gandǝrǝu ka, kǝ yinǝ ɓealǝu mǝɓoarne, sǝ ɓealǝu mǝɓoarne kǝ tsǝa tsǝkɓalǝu ma'sǝm mala kum amsǝban kǝ dǝurǝ ɗang.

1 Amǝ Korinti 16:10

Ɓǝ̀ Timoti yina ka, wu é nǝ banɓoarnado. Yì ka, turo mala Mǝtalabangŋo na pakkiyi, kǝla mǝnana ǝn pakkiyi ka.

1 Amǝ Korinti 4:17

Nda gir mǝnana tsǝa sǝ ǝn tasǝ Timoti aban wun, yì muna mem aɓa kpata Mǝtalabangŋo, yì munem mana à nǝ̀ earnǝi, sǝ ǝn earkiyi ace gbal raka. Yì ka, nǝ̀ kasǝ ɓalǝ wun amur do mem aɓa Kǝrǝsti mǝnana nda mwashat andǝ kanigir mem mǝnana ǝn nggǝ kani amur Kǝrǝsti, arǝ a'ikǝlisiya mǝnana kat ǝn wari kam ngga.

2 Amǝ Korinti 2:9

Ən gilǝa wun ace karǝki wun, sǝ mǝ sǝlǝa ko wu ndanǝ okiru arǝ acau mem aɓa ko ya gir kat.

2 Amǝ Korinti 8:22

Ɗǝm ngga, ɓe mǝ'eamrǝarǝu nakani mǝnana sǝm nggǝ turi aban wun andǝ aɓwana mǝno ɓari ka. Aɓa mǝsǝcau ka, lǝmndǝna sǝm kusǝ pas ama kǝ earce nǝ̀ bwala wun nggam. Sǝ ado ka, ɓabum mǝnana ndanǝi ace bwala wun ngga, kuti mǝnana ɗiɗyal ka, acemǝnana yì ka, earnǝ wun pepe.

2 Amǝ Korinti 8:24

Ace mani ka, wu lǝmndǝì aɓwana man a banfana a ɓadǝmbǝa a'ikǝlisiya, earcearǝu ma'wun andǝ tǝ́r jali ma'sǝm nǝ wun.

2 Amǝ Korinti 8:8

Ən pa aban tsǝk wun pup ɓǝ̀ wu pè anggo ɗang. Mǝ nda aban karǝki came nǝ mǝsǝcau mala earcearǝu ma'wun arǝ ɓabumpina mala pě mǝnana aɓea ikǝlisiya nani ka.

Amǝ Filipi 1:12

Ado ka ǝn nggǝ earce ɓǝ̀ wu sǝlǝa, wun amǝ'eamrǝarǝu, ama agir mǝnana à kumam kani ka, à nda à tsǝk Cau Amsǝban akiban ngga.

Amǝ Filipi 1:16

Amǝnia yia ɓwana nǝ nzǝmo ka, à kǝ hama ace earcearǝu mǝnana à ndanǝi a rǝam ngga. Acemǝnana à sǝlǝna ama Mǝtalabangŋo twalam ace bǝl ɓa Cau Amsǝban.

Amǝ Filipi 1:5

acemǝnana wu pam gbasha aɓa hamnǝ Cau Amsǝban mala Kǝrǝsti, twalo a bu-pwari mǝnana wu tita oe ka, yi puro adyan.

Amǝ Filipi 1:7

Ɓǝ̀ ǝn twal wun kat anggo ka, ǝn ɓwarki ɗang, acemǝnana ɓabumam na arǝ wun. Wun kat ka wu nda atam, wu nda arǝ bwalam arǝ mǝnia yì turo Ɓakuli pam aɓa ɓwamuru male ka, kat aɓa kùrban mem, andǝ bǝl ɓa Cau Amsǝban, andǝ lǝmndǝì aɓwana mǝsǝcau mǝnana a ɓalǝi ka.

Amǝ Filipi 2:20

Ən panǝ kǝɓwa kǝla yì, Timoti, mǝnana kǝ tsǝkir wun pepe aɓa mǝsǝcau ka ɗang.

1 Timoti 1:18

We munem Timoti, mǝnia ka à nda ka kwarkiru mem abano, kǝla mǝnana cauɓangna mala Ɓakuli bangŋa a muro ɗiɗyal ka. Mǝnia ka ɓǝ̀ po rǝcandǝa mala munǝo pepe aɓalǝ a'lwa mala Mǝtalabangŋo.

1 Timoti 1:2

Mǝ nda ban gilǝì Timoti, yì munem mǝɓafoe aɓa paɓamuru aban Ɓakuli. Ɓǝ̀ ɓwamuru, andǝ sǝn mǝsǝswatǝr, andǝ dorǝpwala nǝ ban Ɓakuli Tár sǝm andǝ Kǝrǝsti Yesu Mǝtala sǝm do ato.

1 Timoti 4:6

We ka, ɓǝ̀ a kǝ lidǝmbǝa nǝ bǝli amǝkpata Ɓakuli ɓalǝ amǝnia yì agir ka, a nǝ duk mǝturo mǝɓoarne mala Kǝrǝsti Yesu, a nǝ lǝmndǝ ama a gulna aɓalǝ acau mala do kwaɗi andǝ kanigir mǝ'mǝsǝcau nì mǝnana a kpana te ka.

2 Timoti 1:2

Mǝ nda ban gilǝì Timoti munem mǝnana ǝn earkiyi ace raka. Ɓǝ̀ Ɓakuli Tárrû, andǝ Kǝrǝsti Yesu Mǝtala sǝm, lǝmndǝo ɓwamuru, ɓǝ̀ sǝn tǝ̀r mo, sǝ ɓǝ̀ cio wu kum dorǝpwala.

2 Timoti 3:10

Sǝ we Timoti ka, à surǝna rǝ kanigir mem andǝ ɓealǝam. À surǝna rǝ kani mala ɓabumam aɓa do mem. À surǝ paɓamuru mem, andǝ munyi, andǝ earcearǝu, andǝ gandǝrǝu mem;

Titus 1:4

Ən nggǝ gilǝì Titus, munem mǝ'mǝsǝcau nì aɓa paɓamuru mǝnana sǝm kat sǝm nda a ɓalǝi ka. Ɓǝ̀ Tar sǝm Ɓakuli andǝ Kǝrǝsti Yesu Mǝ'amsǝ sǝm, bwalo kam nǝ ɓwamuru andǝ dorǝpwala!