Amǝ Filipi 2:21 - Maləmce Məfele mala Ɓakuli: Kurcau Məbəshe

²¹ Koyan ngga, gir mǝnana ɓabumi earkiyi ce ka nda pakkiyi ka, à tsǝkir turo mala Yesu Kǝrǝsti ɗang.

Amǝ Filipi 2:21 ပူးပေါင်းရင်းမြစ်များ

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Luka 14:26

Ɓwa mǝnana kat kǝ earce kpatam, sǝ ginǝ tarrí andǝ ngge, andǝ mami, andǝ amuni, andǝ amǝ'eambǝi aburana andǝ amamǝna raka, pà nǝ̀ gandǝ duk mǝkpatam ɗang. E, ɓwa pà nǝ̀ duk mǝkpatam ɗang ɓǝ̀ ɓwe ginǝ ce nggearǝ yilǝmi acem raka.

Amǝ Mishan 13:13

Bulǝs andǝ aɓwana mana andǝ yì ka, à nying Pafos, à kutio a waru à samsǝa aban ká Parga a bu-nzali Pamfiliya. Yohana Markus ɗekia kano nyare o a Urǝshalima.

Amǝ Mishan 15:38

Sǝ Bulǝs ka, ɓinǝ ce kpekpe, ama ɓǝ̀ kǝa ká atea ɗang, acemǝnana Yohana Markus ka ɗekia, nyare a Pamfiliya, lidǝmbǝa nǝ turo atea ɗang.

1 Amǝ Korinti 10:24

Ɓǝ̀ ɓwa ɓǝ̀ kǝa pak gir ace ɓoaro mala ɓamuri ɗang, ɓǝ̀ pe ace ɓoaro mala aɓea ɓwana.

1 Amǝ Korinti 10:33

Wu pa kǝla mǝnana ǝn nggǝ pak ka; ǝn ɓariki mǝ nǝ pwasǝbum ko yan ngga, aɓalǝ agir mǝnana kat ǝn nggǝ pak ka. Ən nggǝ pa ace ɓamuram ɗang, ǝn nggǝ pa ace aɓwana kat, ace mǝnana ɓǝa kum auwa ka.

1 Amǝ Korinti 13:5

Earcearǝu kǝ pa arkikun ɗang, panǝ earce-ɓamuru ɗang, sǝ kǝ kaurǝa arǝ pak bumlulla ɗang. Earcearǝu kǝ bwal ɓwa a bum ɗang.

2 Amǝ Korinti 1:5

Sǝ kǝla mǝnana sǝm nggǝ nu tanni kpǝm ata Kǝrǝsti ka, anggo gbal sǝ sǝm nǝ̀ kum girikiban kpǝm nǝ bu Kǝrǝsti.

Amǝ Filipi 2:4

Wu tsǝk kir aɓwana kǝla mǝnana wu nǝ̀ tsǝk kir ɓamur rǝ wun ngga.

2 Timoti 1:15

Kǝla mǝnana a sǝlǝna ka, aɓwana mǝnana a bu-nzali Asiya ka, à pǝlǝna nzǝmia a rǝam kat à nyingŋǝnam. Ko nggearǝ Fijelus andǝ Hamojenis gbal ka, à nyingŋǝnam.

2 Timoti 3:2

Ɓwapǝndǝa nǝ̀ duk amǝ earce ɓamuria, amǝ rufi ata boalo, amǝ nggori andǝ amǝ twalɓamuru. À nǝ̀ duk amǝ ɓǝsǝki Ɓakuli, andǝ amǝ mgbikiru aban atárria andǝ anggea, andǝ amǝ ɗwanyi pak yàwá, à pà nǝ̀ fali nǝ Ɓakuli ɗang.

2 Timoti 4:10

Acemǝnana Dimas ɗeki nam, ace earce mǝnia yì ɓanza ka, umǝna a Tasalonika. Sǝ Kǝrǝsen ngga, umǝna a Galati, sǝ mala Titus ka, umǝna a Dalmatiya.

2 Timoti 4:16

Tita ká mem a ɓadǝm mǝɓashi ka, kǝɓwa cam a nzǝmam ɗang. Aɓwana mesǝe, à nyem nǝmurǝam. Ɓakuli ɓǝ̀ twalia wia banì, ɓǝ̀ kǝa ɓashia wia ɗang.