Amǝ Filipi 2:20 - Maləmce Məfele mala Ɓakuli: Kurcau Məbəshe

²⁰ Ən panǝ kǝɓwa kǝla yì, Timoti, mǝnana kǝ tsǝkir wun pepe aɓa mǝsǝcau ka ɗang.

Amǝ Filipi 2:20 ပူးပေါင်းရင်းမြစ်များ

Yohana 10:13

Ɓwa mǝnana à twali a turoboalo ace yal agir ka, nǝ̀ ɓangŋa acemǝnana yì ka, turo boalo na pakkiyi ka, kǝgir oasǝi arǝ anzur nì ɗang.

Yohana 12:6

Yahuda ka bangŋa anggo, pà acemǝnana kǝ ɓuàce amǝtǝr ka ɗang, nda acemǝnana yì ka, mǝn'i na ka; sǝ acemǝnana yì nda mǝbwal ndaboalo mala alaggana mala Yesu ka, pak ka kǝ iu aɓa boale ace ɓamuri.

Amǝ Roma 15:5

Sǝ Ɓakuli mǝnana pākiyi gandǝrǝu andǝ girikiban ngga, ɓǝ̀ pa wun ɓabum dotarǝu arǝarǝ wun, wu kǝ kpata ulang pe mala Kǝrǝsti Yesu.

1 Amǝ Korinti 16:10

Ɓǝ̀ Timoti yina ka, wu é nǝ banɓoarnado. Yì ka, turo mala Mǝtalabangŋo na pakkiyi, kǝla mǝnana ǝn pakkiyi ka.

Amǝ Filipi 2:2

Ace mani ka wu ciem ɓǝ̀ banɓoarnado mem lumsǝo! Wu earnǝ rǝarǝ wun. Wu lǝmndǝì arǝ wun earcearǝu. Wu do aɓa kpapi ɓamuru aɓa ɗenyicau ma'wun, kǝla wu nda mwashat ɓǝrɓǝr.

Amǝ Filipi 2:22

Sǝ Timoti ka, wu sǝlǝna ama lǝmndǝna ɓamuri ama karǝna ɓwa. Pangŋǝna turo atam kǝla muna andǝ tarrí. Yì ka, bwalam nggam aɓa turo hamnǝ Cau Amsǝban.

Amǝ Kolosi 4:11

Yesu mǝnana à tunǝki ama Yustus ka, kǝ makka wun kun gbal. Kǝ amǝnia yì aburana ka, à nda ka amǝ Yahudi aɓalǝ aɓeam amǝturo ace Domurǝm mala Ɓakuli. À ɓak ɓabumam nǝ rǝcandǝa.

1 Timoti 1:2

Mǝ nda ban gilǝì Timoti, yì munem mǝɓafoe aɓa paɓamuru aban Ɓakuli. Ɓǝ̀ ɓwamuru, andǝ sǝn mǝsǝswatǝr, andǝ dorǝpwala nǝ ban Ɓakuli Tár sǝm andǝ Kǝrǝsti Yesu Mǝtala sǝm do ato.

1 Timoti 4:6

We ka, ɓǝ̀ a kǝ lidǝmbǝa nǝ bǝli amǝkpata Ɓakuli ɓalǝ amǝnia yì agir ka, a nǝ duk mǝturo mǝɓoarne mala Kǝrǝsti Yesu, a nǝ lǝmndǝ ama a gulna aɓalǝ acau mala do kwaɗi andǝ kanigir mǝ'mǝsǝcau nì mǝnana a kpana te ka.

2 Timoti 1:5

Ən nggǝ ɗenyi nǝ paɓamuru mo mǝɓafoe aban Mǝtalabangŋo kǝla ulang pe mala keo mǝ'mɓwamae, yì Loyis andǝ nggo Yunis, sǝ ǝn sǝlǝna nǝma a ndarǝ lidǝmbǝa aɓa mǝno yì paɓamuru ka nǝ rǝcandǝa.

2 Timoti 3:10

Sǝ we Timoti ka, à surǝna rǝ kanigir mem andǝ ɓealǝam. À surǝna rǝ kani mala ɓabumam aɓa do mem. À surǝ paɓamuru mem, andǝ munyi, andǝ earcearǝu, andǝ gandǝrǝu mem;