Amǝ Filipi 2:2 - Maləmce Məfele mala Ɓakuli: Kurcau Məbəshe

² Ace mani ka wu ciem ɓǝ̀ banɓoarnado mem lumsǝo! Wu earnǝ rǝarǝ wun. Wu lǝmndǝì arǝ wun earcearǝu. Wu do aɓa kpapi ɓamuru aɓa ɗenyicau ma'wun, kǝla wu nda mwashat ɓǝrɓǝr.

Amǝ Filipi 2:2 ပူးပေါင်းရင်းမြစ်များ

Yohana 3:29

Manfela ka mala bura-manfela na; sǝ murǝm gyajam mala bura-manfela mǝnana cam aban kundǝe kǝ kwakikiri a rǝì ka, ban kǝ ɓoari wi arǝ ok gi bura-manfela. Mim gbal ka, ban kǝ ɓoaram arǝ cau mǝno wu banggam ngga.

Amǝ Mishan 1:14

Yia a ɓinado malea ka, à uekiyi kpapi nǝ ɓabumia mwashat a tarǝia aban pak hiwi ɗang, andǝ amamǝna, andǝ Maryamu nggea Yesu, andǝ amǝ'eam Yesu.

Amǝ Mishan 2:1

A pwari mala Lamsan mala Pentikos ka, amǝkpata Yesu na a tarǝia aban mǝ mwashati.

Amǝ Mishan 2:46

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat.

Amǝ Mishan 5:12

Amǝ'mishan pakki agir-ndali andǝ agir-gyambǝliban pas aɓalǝ aɓwana. Sǝ amǝkpata Yesu kat pak ka à kǝ kpapi a Ndàmǝgule mala Ɓakuli a buban mǝnana à kǝ tunǝi ama Tara mala Solomon ngga.

Amǝ Roma 12:16

Wu do aɓa dotarǝu mala amǝ'eamrǝarǝu; wu kǝa twal ɓamur wun ɗang; wu dum nǝ earce kpapi ɓamuru wunǝ aɓwana mǝnana acili aɓwana twali à pà kun ɓe kǝgir raka. Wu kǝa twali kǝla wu kuti aɓwana nǝ sǝlǝe ɗang.

1 Amǝ Korinti 1:10

Ən nggǝ zǝmbǝa wun, wun amǝ'eambǝam, aɓa lullǝ Mǝtalabangŋo Yesu Kǝrǝsti, wu oaki arǝ wun, sǝ wu kǝa duk do gakitarǝu ɗang; a kun mani ka wu duk mwashat aɓalǝ wun andǝ ɗenyicau ma'wun.

2 Amǝ Korinti 13:11

A masǝlǝate ka, wun amǝ'eamrǝarǝu, ǝn nggǝ tsǝk wun a ndà nǝ amǝnia yì acau ka: Wu dum nǝ bumpwasǝa. Wu gulo wu kya bwal ban mǝnana wu karǝna ɓwa ka. Wu earnǝ rǝarǝ wun. Wu do aɓa rǝpwala. Anggo ka, sǝ Ɓakuli mǝ'earcearǝu nì andǝ mala dorǝpwala ka, nǝ̀ do ata wun.

2 Amǝ Korinti 2:3

Ən gilǝa wun mǝno yì cautera ka ace mǝnana, mǝ ngga yiu mǝ pak bumkiɗikea nǝ aɓwana mǝnana à nda à nǝ̀ pam bumpwasǝa ka ɗang. Mǝ ndanǝ mǝsǝkang-kangŋa arǝ wun kat ama ɓǝ̀ ɓabumam pwasǝ ka, wun kat ka ɓabum wun nǝ̀ pwasǝ gbal.

2 Amǝ Korinti 7:7

Sǝn ɓamǝsǝi na pa sǝm bumpwasǝa nǝmurǝì ka ɗang, nda andǝ cau mǝnana yi na ama, wu ɓak ɓabumi ka. Yi bangga sǝm ce rǝɓǝla ma'wun acem, andǝ bumkiɗikea ma'wun arǝ gir mǝnana kumban ngga, andǝ pu anzǝm ma'wun acem; sǝ mǝno ka ciem banɓoaram kǝrkǝr.

Amǝ Filipi 1:4

Hiwi mem ace wun kat ko aya pwari ka, ǝn nggǝ pê nǝ bumpwasǝa,

Amǝ Filipi 2:16

Sǝ aɓa doe anggo ɓǝ̀ wu kǝ bwal kàngkàng arǝ cau mǝnana pākiyi yilǝmu ka. Ɓǝ̀ wu kǝ pa anggo ka, a pwari mǝnana Kǝrǝsti nǝ̀ nyar nǝi ka, mǝ nǝ nggori nǝ wun, sǝ mǝ nǝ sǝlǝ gbal ama turo mem andǝ ɓariki mem ngga, à pà ɓà ɗang.

Amǝ Filipi 2:20

Ən panǝ kǝɓwa kǝla yì, Timoti, mǝnana kǝ tsǝkir wun pepe aɓa mǝsǝcau ka ɗang.

Amǝ Filipi 4:2

Ən nggǝ ɓuaki arǝ Yudiya sǝ ǝn nggǝ ɓuaki arǝ Sǝntǝki, wu earnǝ rǝarǝ wun, acemǝnana wun ngga, wu nda ka mala Mǝtalabangŋo.

Amǝ Kolosi 2:5

Ko ɓǝ̀ do ama ǝn pa ata wun aɓa nggūrǝu raka, mǝ nda ata wun aɓa bangŋo. Sǝ ban kǝ ɓoaram arǝ gya a tarǝu ma'wun, andǝ came mala paɓamuru ma'wun nǝ rǝcandǝa aban Kǝrǝsti.

2 Amǝ Tasalonika 2:13

Sǝ sǝm ngga, ndanǝ ɓoaro ɓǝ̀ sǝm nggǝ pakki Ɓakuli yàwá ace wun, wun amǝ'eamrǝarǝu mǝnana Mǝtalabangŋo earkiyi acea raka. Ɓakuli ka tarki wun kǝla aɓǝla agir mǝdǝmbe ace amsǝ wun, ɓǝ̀ wu duk aɓwana male, nǝ rǝcandǝa mala Bangŋo male, sǝ nǝ paɓamuru ma'wun arǝ mǝsǝcau ka.

2 Timoti 1:4

Ɓǝ̀ ǝn ɗenyi nǝ mǝrǝm mǝnana a sukki a pwari gauwa ma'sǝm ngga, nzal sǝno kǝ pakkam. Ban nǝ̀ ɓoaram kǝrkǝr, yi mǝnana ɓǝ̀ sǝm kum ɓamur rǝ sǝm a tarǝ sǝm ɗǝm ngga.

Filimon 1:20

E, mǝ'eambǝam, ǝn nggǝ zǝmbǝo, lǝmndǝam mǝnia yì earmuru ka, ace Mǝtalabangŋo; kǝla mǝ'eambǝu aɓa Kǝrǝsti ka, ciem ɓabumam ɓǝ̀ nongŋo.

2 Yohana 1:4

Banɓoaram kǝrkǝr, yi mǝnana ǝn kum aɓea amunio aban do aɓa mǝsǝcau, kǝla mǝnana Ɓakuli Tarrû tsǝka sǝmi ka.

3 Yohana 1:4

Ɓe kǝ banɓoarnado pà kàm mǝnana nǝ̀ kuti mana ɓǝ̀ ǝn o ama, amunem ngga à nda aban gya aɓa mǝsǝcau ka ɗang.